Yigʻlash: 1-8 yoshli bolalar

Asosiy fikrlar

• Bolalar och qolganda, charchaganda, noqulay holatlarda, ogʻriq, umidsizlik, xafagarchilik kabi holatlarda yigʻlaydi.
• Bolalar yoshi ulgʻaygan sari kamroq yigʻlaydilar. Chunki ular oʻzlarining his-tuygʻularini soʻzlar orqali ifodalaydilar.
• Farzandingiz yigʻlayotgan bo’lsa, bolangiz kasal yoki ogʻrib qolganmi yoʻqmi tekshirib koʻring. Keyin bolangiz nima uchun xafa boʻlganini va qanday yordam berishni aniqlang.

Bolalar  yigʻlashi haqida

Barcha bolalar och qolganda, charchaganda, noqulay, kasal yoki ogʻrib qolganida yigʻlaydilar. Ba’zan ular mehrga muhtoj boʻlganlarida ham yigʻlaydilar. Kichkintoylar va kattaroq bolalar ham, masalan, xafa boʻlganda, gʻamgin yoki gʻazablanganda  yigʻlashi mumkin. Ammo ba’zida yigʻlayotgan bolalarga nima kerakligini aniqlash qiyin boʻladi, ayniqsa ular hali gapirmasa.

Farzandingiz yigʻlaganda, uning kasal yoki zarar koʻrmaganligini tekshirishdan boshlang. Ishonchingiz komil boʻlmasa, shifokoringiz bilan uchrashuv tayinlang yoki bolangiz va oilangiz salomatligi hamshirasini chaqiring. Farzandingiz kasallik yoki ogʻriqdan boshqa sabablarga koʻra yigʻlayotgan boʻlsa, yordam berish uchun koʻp narsalarni qilishingiz mumkin.

Kichkintoylar: yigʻlash

Kichkintoyning yigʻlashi chaqaloq yigʻashi kabi ma’lum sabablarga koʻra sodir boʻladi. Farzandingiz jismonan yaxshi boʻlsa, quyidagi maslahatlar bolangizning yigʻlashini boshqarishga yordam beradi :

• Farzandingizni charchagan deb hisoblasangiz, dam olish unga yordam berishi mumkin. Musiqa yoki hikoya tinglash uchun bir oz tinch sokin joy  taklif qilishingiz ham mumkin.
• Agar yigʻlash uyqu vaqtida sodir bo’lsa, bolangizni tinchlantirish uchun sizga yordam kerak boʻlishi mumkin.
• Bolangiz gʻazablangan yoki asabiy holda boʻlsa, tinchlantirish uchun bolangizni xavfsiz joyga olib boring.
• Farzandingiz xafa boʻlsa, birgalikda yechim topishga harakat qiling. Masalan, “Siz kubiglaringiz yiqilib tushgani uchun xafa bòldingizmi. Keling, birga yana urinib koʻraylik.» Tuygʻuga nom berish bolangizga uning his-tuygʻularini tushunganingizni bilish imkonini beradi. Shuningdek, u bolangizga oʻzini-oʻzi boshqarishni oʻrganishga ham yordam beradi .
• Agar chaqalogʻingiz hushyor boʻlsa, birga tashqarida sayr qilishga, koʻpikli vanna taklif qilishga yoki musiqa qoʻyib, birga raqsga tushishga harakat qiling. Bu narsalarning qanchalik qiziqarli ekanligingizga hayron boʻlishingiz mumkin.

Maktabgacha yoshdagi va maktab yoshidagi bolalar: yigʻlash

Bolalar yoshi ulgʻaygan sari kamroq yigʻlaydilar.

Bolalar gapira olsalar, nima uchun xafa boʻlganliklarini va ularga nima kerakligini aytish uchun soʻzlar orqali ifodalaydilar. Shuningdek, bu orqali ular his-tuygʻulari haqida osonroq gapiradilar.

Farzandingiz jismonan yaxshi boʻlsa, maktabgacha yoshdagi bolaning yigʻlashini boshqarish uchun quyidagi fikrlarni sinab koʻring :

• Farzandingizga tinchlanish imkoniyatini bering, keyin nima uchun xafa boʻlganini so’rang. Farzandingizning his-tuygʻularini takrorlash orqali tinglayotganingizni koʻrsating. Masalan: «Salim, siz bilan oʻynamagani uchun xafa boʻldingizmi».
• Farzandingizga vaziyatni hal qilishning boshqa usullarini taklif qiling. Masalan, «Keling ,boshqa oʻyinni oʻynay qoling.»
• Farzandingiz his-tuygʻularga ega boʻlish va yigʻlash yaxshi ekanini tushunishiga ishonch hosil qiling – masalan, qaygʻuli voqea sodir boʻlganda yoki bolangiz xafa boʻlgan vaziyatlarda. Bunday hollarda shunday deyishingiz mumkin: «Oh, agar men boshimni urib olganimda ham yigʻlagan boʻlardim».

Farzandingiz koʻp vaqtini yigʻlab va qaygʻu bilan oʻtkazayotgandek tuyulsa, shifokoringizdan maslahat soʻrang.

Farzandingiz yigʻlayotganda oʻzingizga gʻamxoʻrlik qiling

Bolangiz juda koʻp yigʻlaydigan boʻlsa ,bunday holda oʻzingizga ham gʻamxoʻrlik qilib vaqt ajratish muhim.

Agar siz asabiylashish, xavotir yoki gʻazablanayotgan boʻlsangiz, bunday vaziyatda besh daqiqa kitob oʻqish, uyni  aylanib chiqish yoki meditatsiya qilish sizga dam berishi mumkin. Yoki ba’zan bir muddat hamma narsani unitishga  yordam berishi mumkin. Bunday hollarda, sherigingiz, doʻstingiz yoki qarindoshingizdan yordam soʻrashingiz ham muhim.

Yordam izlash oʻzingizga gʻamxoʻrlik qilishning muhim qismidir. Bu siz uchun ham, oilangiz uchun ham yaxshi boʻladi. Chaqaloqlar va bolalarda yigʻlashsa, ota-onalarning mutaxassislardan yordam soʻrashining eng keng tarqalgan sabablaridan biridir.

Agar siz yoki sherigingiz sababsiz koʻp yigʻlayotgan boʻlsangiz, shifokor yoki hamshirani koʻrigiga  koʻrishingiz kerak. Depressiya, ayollarda tugʻruqdan keyingi depressiya yoki erkaklarda bola tugʻilgandan keyingi tushkunlik  uchun sizga yordam kerak boʻlishi mumkin .