Emizish davrida homiladorlikdan saqlanish usullari

Tug’ruq jarayonidan so’ng shirin farzandingizni bag’ringizga bosganingizdan ma’lum muddat o’tgach emizish davrida homiladorlikdan saqlanish kabi masala shu kabi boshqa ko’plab masalalar singari yosh onani bezovta qila boshlaydi. Xo’sh, emizikli davrda homiladorlikdan saqlanish kerakmi?

Ushbu maqola orqali shu masalaga atroflicha to’xtalib o’tamiz.

Laktatsiya davrida homiladorlikdan saqlanish usuli tug‘uruqdan keyingi emizish rejimi va vaqtiga bog‘liq. Agar bolaga birinchi talabidanoq ko‘krak tutsangiz, emizishlar orasidagi tanaffuslar kunduzi 4, kechasi 6 soatdan oshmasa va hali hayz sikli tiklanmagan bo‘lsa, homiladorlikdan saqlovchi vositalardan foydalanishni 6 oyga kechiktirib tursangiz bo‘ladi. Gap shundaki, kontratseptsiyaning eng oddiy usuli tabiatning o’zi tomonidan taqdim etiladi. Ma’lum bo’lishicha, emizish davrida ayol odatda homilador bo’lmaydi. Bola tug’ilgandan keyin ayol tanasida prolaktin gormoni ishlab chiqariladi. Bu gormon sut ishlab chiqarishni rag’batlantiradi va ayni paytda ovulyatsiyani bostiradi.

Biroq, ushbu usuldan foydalanishni niyat qilganlarning barchasi uchun bir nechta muhim fikrlarni hisobga olish kerak. Birinchidan, bu usul kunduzi 4 soatdan, kechasi esa 6 soatdan ko’p bo’lmagan tanaffuslar bilan talab bo’yicha, tizimli ovqatlantirilgandagina samarali hisoblanadi. Ya’ni, kuniga kamida 7-8 marta ovqatlantirishingiz kerak. Ikkinchidan, siz ushbu kontraseptsiya usulidan faqat hayz ko’rish boshlanishidan oldin foydalanishingiz mumkin. Uchinchidan, laktatsion buzilishlar yuzaga kelganda, qo’shimcha himoya vositalari talab qilinadi.

Tug’ruqdan keyin bachadon ichi spirali

Bachadon ichiga spiral qo’yish laktatsiyaga ta’sir qilmaydi. U ginekologik tekshiruvdan so’ng, infeksiya va yallig’lanish kasalliklari mavjudligi istisno qilgandan keyin, ginekolog tomonidan joylashtiriladi. Tug’ruqdan keyin 6-8 hafta o’tgach, ginekologga murojaat qilishingiz mumkin. Spiral qo’yilgandan keyin bir hafta davomida jinsiy aloqa va og’ir jismoniy faoliyatdan chetlanish shart!

Bachadon ichi spirali tug’ruqdan 1,5 oydan keyin qo’yishga ruxsat beriladi.
Spiral o’rnatilgandan so’ng shifokorga quyidagi jadvalga muvofiq tashrif buyurish kerak: bir oydan, uch oydan va bir yildan keyin.

Spiral homiladorlikdan himoyalanish uchun eng samarali usullardan biri hisoblansada, amaliyotda turli sabablar tufayli spiral ustidan homiladorlik holati ham kuzatilib turadi. Yuqorida aytib o’tilgan, spiral qo’ydirgandan keyin jadvalga muvofiq ginekolog ko’rigidan o’tib turishning boisi ham shu kabi kutilamagan holatlarni oldini olish hisoblanadi.

Emizish davrida homiladorlikdan saqlanish: Prezervativlar

To’siqli kontratseptsiya deb ataladigan usul kontratsepsiyaning barcha usullari orasida eng keng tarqalgan hisoblanadi. Uning mohiyati sperma uchun tuxum hujayra yo’liga to’siq yaratishdir. Va to’siqli kontratsepsiyaning eng oddiy turi – bu prezervativ. U ishlatish uchun qulay, laktatsiya va bolaning sog’lig’iga hech qanday ta’sir ko’rsatmaydi va eng muhimi, uni istalgan vaqtda, ya’ni xohlagan paytdanoq ishlatish mumkin. Bundan tashqari, ko’pgina zamonaviy prezervativlar qo’shimcha ravishda maxsus spermitsidlar va moylash materiallari bilan ta’minlangan, bu esa jinsiy aloqa paytida juftliklar uchun turli noqulaylikni yo’qotadi.

Prezervativlarning ba’zi minuslari bor. Masalan, prezervativlar homiladorlikdan himoya qiluvchi vosita sifatida unchalik ishonchli emas va erkaklar har doim ham ularni ishlatishni yoqtirmaydilar.

Tegishli maqola: Tug‘ruqdan so‘ng, “chilla” paytida jinsiy aloqa qilish mumkinmi? →

Emizishda gormonal kontratseptsiya

Barcha ayollar gormonal kontratseptivlar haqida eshitgan (og’zaki kontratseptivlar) va ko’pchilik ularni homiladorlikdan oldin ham qabul qilgan. Laktatsiya davrida og’iz kontratseptivlariga ruxsat beriladi, ammo preparat progesteronni o’z ichiga olishi kerak.

Uning afzalligi – laktatsiya va onaning hissiy ta’sirining kamligi, shuningdek preparatni qabul qilishni to’xtatgandan so’ng tananing tez tiklanishi. Og’iz kontratseptivini tanlashda tug’ish va emizish holatiga, ayolning gormonal va ginekologik kasalliklar tarixiga e’tibor berish kerak. Tabletkalarni tayinlash shifokor tomonidan amalga oshirilishi shart.

Ushbu tabletkalarni qabul qilish emizikli ayoldan ma’lum bir tartib-intizomni talab qiladi – tabletkalarni qabul qilish vaqtini o’tkazib yuborish nojo’ya ta’sir yuzaga kelishiga sabab bo’lishi va himoyalovchi ta’sirini kamayishiga olib kelishi mumkin.

Yuqorida sanab o’tgan usullarimiz emizikli davrda homiladorlikdan saqlanish uchun qo’llaniladigan tasdiqlangan hamda ishonchli usullardan hisoblanadi. Shu bilan bir qatorda, himoyaning ishonchsiz usullari ham borki, emizish davridagi ayollar tomonidan shu kabi usullarga ham murojaatlar uchrab turadi. Va kutilgan natija bermay, rejalashtirilmagan homiladorlik yuz berishiga sabab bo’lishi mumkin.

Masalan, ovulyatsiya kunini aniqlash orqali biologik himoyalanish kabi usullar yoki erkak tomonidan aloqaning erta to’xtatilishi yoki azl qilish kabi usullar shular jumlasidandir.

Xulosa o’rnida aytmoqchimizki, har bir bola parvarishlayotgan ayol o’z juftli haloli bilan munosabatga kirishar ekan, homiladorlikdan saqlanishning ishonchli usullariga murojaat qilishi lozim. Bu bilan juftliklar bolani parvarishlash va kelgusida sog’lom bolalarni dunyoga keltirishlari uchun tug’ruqlar orasidagi muddat yetarlicha saqlanishiga (18-24 oy) erishishlari mumkin.

Manba

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi