Tabiiy tug’ruq: Bu borada ko’rsatmalar

Asosiy fikrlar

• Agarda sizda homiladorlik yoki ko’z yorish bilan bog’liq birorta jiddiy muammo bo’lmasa, operatsiyasiz tug’ruq odatda siz uchun eng xavfsiz tanlov bo’lishi mumkin.
• Tabiiy tug’ruq orqali siz shifoxonadan qisqaroq muddatda chiqishingiz mumkin hamda tug’ilgan farzandingiz birorta maxsus parvarishga kamroq muhtoj bo’ladi.
• Tabiiy, operatsiyasiz tug’ruq ba’zida tug’ish jarayonida kesish amaliyotini, kuchli og’riqni paydo qiladi hamda biroz jarrohlik amaliyotini yoki bolani vakuum yordamida chiqarib olishni taqozo etadi.
• Akusheringiz bilan davomli ko’riklar, tabiiy mahsulotlarni iste’mol qilish, jismoniy mashg’ulotlar hamda yaxshi tashkil etilgan tug’ruq sharoitlari sizning tabiiy tug’ruqdagi imkoniyatlaringizni oshishiga xizmat qiladi.

Tabiiy tug’ruq: sizning imkoniyatlaringiz

Tabiiy tug’ruq – farzandingiz dunyoga kelishining eng xavfsiz yo’llaridan biridir.

Biroq, siz operatsiyasiz tug’ish yo’lini tanlagan bo’lsangiz ham, sizda sog’liq bilan bog’liq biror bir muammolar yoki homiladorlik bilan bog’liq muammolar(masalan, amnion bilan) mavjud bo’lsa siz operatsiya orqali tug’ish usulini ham ko’rib chiqishingiz lozim bo’ladi va bunda sizga rejalashtirilgan operatsiya orqali tug’ruq maqbul yo’ldir. Chunki, oldindan reja qilinmagan (shoshilinch) operatsiya bilan tug’ruq siz uchun tug’ish jarayonida ba’zi muammolarni yuzaga keltirishi mumkin.

O’z sog’lig’ingiz hamda bolangizning sog’ligi haqida, shuningdek, akusheringiz yoki shifokoringiz bilan qay holdagi tug’ruq siz uchun eng xavfsiz ekanligi haqida suhbatlashib olish eng yaxshi yo’ldir. Bu borada mutaxasislar siz uchun bu masalani muhakama qilishga doim tayyor bo’lishadi.

Tabiiy tug’ruqning ko’plab afzalliklari

Tabiiy tug’ruq jarayonlarining natijalari juda xilma-xildir, lekin, tabiiy holatda ko’zi yorimoqchi bo’lgan onalar odatda quyidagi afzalliklarga ega bo’ladilar:

• Tug’ruqdan so’ng shifoxonadan qisqa muddatda chiqish
• Tug’ruqdan keyingi dastlabki haftalarda shifoxonaga ko’rik uchun kamroq borish
• Tug’ruqdan keyingi kuchli og’riqlarning kam bo’lishi
• Tug’ruqdan keying tiklanish jarayonining tez bo’lishi
• Bolangizni ko’krak suti bilan to’g’ridan to’g’ri oziqlantirishni boshlash uchun ko’proq imkoniyatlar
• Farzandingizni dunyoga keltirganingizdan so’ng u bag’ringizga bosishingiz hamda u bilan o’zaro yaqin munosabatda bo’lishingiz
• Kelajakdagi homiladorliklar uchun sog’likda muammolarning kam bo’lishi
• Yangi tug’ilgan chaqalog’ingiz hamda boshqa farzandlaringiz uchun ham tez orada vaqt ajrata olishingiz

Tabiiy yo’l bilan dunyoga kelgan bolalar odatda hamshiralarning maxsus parvarishiga muhtoj bo’lishmaydi.

Shuningdek, bunday bolalar operatsiya yo’li bilan tug’ilgan bolalarga qaraganda immune tizimlari kuchli bo’lishadi hamda ularda turli narsalarga allergiya qo’zg’alishi kam bo’ladi. Bu tabiiy tug’ilish jarayonida gormoniyalarning ajralishi hamda bakteriyalar tushishi ehtimolining kamligi natijasidan deya hisoblanadi.

Tabiiy yo’l bilan tug’ruqda sizning imkoniyatlaringizni oshirish

Farzandingizni tabiiy holda dunyoga keltirish sizga ko’p jihatdan bog’liq. Bular sizning hamda farzandingizning sog’ligi hamda tug’ruq jarayonida qanday holatlar sodir bo’lishiga ham bog’liq. Bu borada fikringizni muhokama qilish uchun mutaxasislar suhbatlashish maqsadga muvofiqdir.

Bu borada sizning imkoniyatlaringizni oshirishi mumkin bo’lgan bir qancha yo’llar ham mavjud.

Sog’lom homiladorlik,

Homiladorlik davrida tabiiy mahsulotlarni ko’proq iste’mol qilish va jismoniy jihatdan faol bo’lish sizning sog’ligingizga ijobiy ta’sir etadi hamda sizni muvozanatda ushlaydi. Mustahkam sog’lik sizning tabiiy tug’ruq uchun imkoniyatlaringizni oshiradi.

Homiladorlik davridagi parvarishlar hamda ko’riklarning davomiyligi

Homiladorlik davridagi nazoratlar bitta akusher bilan yoki bir nechta akusherlar bilan butun homiladorlik davrida olib borilishi mumkin. Bu ham sizning tabiiy tug’ruq jarayonida sizning imkoniyatlaringizni oshishiga xizmat qiladi. Bu nazoratlarning davomiyligi deb ataladi.

Yaqin insonlaringiz ko’magi

Tug’ruq vaqtida siz yaqin kishilaringizdan yordam ham olishingiz mumkin. Ya’ni bu jarayonda yoningizda biror yaqin kishingiz bo’ladi. Bular sizning eringiz, oila a’zolaridan biringiz, akusheringiz yoki yordamchingiz bo’lishi mumkin.

Tug’ruq jarayonida o’zingizga qulay holatda joylashishingiz hamda orqangizga suyanchiq qo’yishingiz sizga bu jarayonda anchagina yordam beradi. Bunda sizga akusheringiz yordam beradi. Bu shuning uchunki, farzandingiz dunyoga kelishida bu jarayon juda oson kechadi hamda sizning muskullaringiz ham anchagina dam oladi.

Matlar, yumshoq yostiqlar, suv yoki yumshoq koptoklar sizga tug’ruq jarayonida o’zingizga qulay holatni yaratishingizda yordam berishi mumkin.

Tug’ruq uchun tinch va yaxshi tashkillashtirilgan sharoit yarating.

Sizning tug’ru jarayoni uchun tanlagan sharoitingiz farzandingiz tug’ilishi va tug’ruq jarayoningizga ham ta’sir o’tkazadi. Tug’ruq uchun ideal holatda bo’lgan sharoit quyidagicha bo’laddi:

• O’zingizni xotirjam, sokin hamda ijobiy holatda his etasiz
• Bu jarayonda o’g’riqlar yengil o’tadigan
• Shaxsiy
• O’zingizni xavfsiz hamda yaxshi ko’mak ola biladigan

Shu kabi rejalashtirish hamda tayyorgarliklar bilan siz shifoxonada o’zingizga qulay bo’lgan tug’ruq uchun eng maqbul sharoitlarni tashkillashtirihingiz mumkin. Masalan, uyingizdagi kabi musiqa tinglash, aromaterapiya, yumshoq yostiqlar, ovqat, qulay bo’lgan kiyimlar kiyish, tinchlantiruvchi musiqa va boshqalar bo’lishi mumkin.

Bunday sharoitlar sizga tug’ruq jarayonida o’zingizni yaxshi his etishingiz uchun ko’proq xotirjamlik baxsh etadi.

Tug’ruq va farzandingizni dunyoga keltirish uchun tayyorgarlik

Qachonki siz ko’zingiz yorishida sizga kimlar hamda nimalar kerak ekanligini aniq bilganingizda o’zingizni yanada xotirjam his eta boshlaysiz va vaziyatni nazorat qilishingiz oson kechadi hamda bu borada sizning imkoniyatlaringiz yanada oshadi.

Tug’ruqqa tayyorlash kurslari sizga tug’ruq jarayonidagi og’riqlarni yengillashtirish va boshqa holatlar haqida sizga anchagina to’liq ma’lumotlar beradi va bu sizga bu jarayonga tayyorgarlik ko’rishingizni osonlashtiradi.

Bu borada rejalaringizni qog’ozga yozish ham sizga anchagina yordam beradi. Bu borada quyidagicha yozishingiz mumkin;

• Sizga bu jarayonda yoningizda bo’lishini istagan insonlaringiz
• Og’riqlarni yengib o’tishda sizning harakatlaringiz
• Sizga tug’ruq jarayonida kerak bo’ladigan narsalar
• Siz bo’lishini istamagan narsalar
• Tug’ruqdan so’ng homiladagi yo’ldoshni kesib tashlaydigan kishi.

Biroq, shuni yodda tutingki, tug’ilajak farzandingizning rejalari siznikidan farq qilishi mumkin. Shuningdek, sizga kerak bo’ladigan narsalar hamda o’sha kuni nimalar o’zgarishi mumkinligi haqida o’ylab ko’ring. Bunday rejalaringizni ketma-ketlikda tuzing hamda ba’zi o’zgarishlarga tayyor turing.

Tug’ruqdan oldin, bu boradagi rejalaringizni sizni tekshirib boradigan kishilar; masalan, skusheringiz, shifokoringiz bilan maslahatlashib oling. Bu ularga sizning holatingizni hamda fikrlaringizni yaxshiroq tushunishlariga yordam beradi va bu siz bilan ishlash jarayonida ularga ham anchagina yordam beradi.

Tabiiy tug’ruqning ehtimoliy noafzalliklari

Bu borada sizda ba’zi qiyinchiliklar ham yuzaga kelishi mumkin:

• Vaginal kanal yirtilgan yoki kesilgan bo’lsa(episiotomiya) sizga jarrohlik amaliyoti zarur bo’lishi mumkin.
• Qisqich yoki vacuum yordamida bolani chiqarib olish
• Farzandingiz dunyoga kelayotganda turg’unlik holati yoki davomiylikning buzilishi.

Kamdan-kam holatlarda ayollar tug’ruq jarayonida farzandlarining yelkalari chiqishi bilan bog’liq muammoga duch keladilar. Bu holat bola gavdasining kattaligi yoki uning tug’ilish pozitsiyasi bilan bog’liq muammo yoki bolaning joylashuvi bilan bog’liq bo’ladi.

Ba’zi holatlarda tabiiy tug’ruq bilan yuzaga kelgan ayrim muammolar tufayli shoshilinch operatsiya yo’li bilan tug’ruq jarayoni o’tkazilishi mumkin. Bunday rejalashtirilmagan hamda shoshilinch jarrohlik rejalashtirilgan operatsiya orqali tug’ruqqa qaraganda ko’proq muammolarni yuzaga keltirishi mumkin. Masalan, infeksiya tushish xavfi yoki umumiy anestetik vositalardan foydalanish ehtimoli.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi