Asosiy fikrlar
- Bola tug’ilganidan soʻng nima qilish tug’ruq jarayoni va bolaning bachadondan tashqaridagi atrof-muhitga qanday moslashishiga bog’liq.
- Agar bola yaxshi nafas olayotgan bo’lsa va sizning sog’ligingiz barqaror bo’lsa, bolangizni qo’lingizga olishingiz mumkin.
- Agar bola tug’ilganidan so’ng nafas olish bilan bogʻliq muammolarga va boshqa qiyinchiliklarga duch kelsa, shifokorlar chaqaloqni tekshiradilar va qanday tibbiy yordamga muhtojligini aniqlaydilar.
- Sizning chaqalog’ingiz dastlabki 24 soatda tekshiruv va emlashlardan o’tadi. Bu haqida akusher yoki shifokordan maʼlumot olish foydadan xoli boʻlmaydi.
Bola tug’ilganidan keyingi dastlabki daqiqalar
Sizning chaqalog’ingiz tug’iladigan payt o’ziga xos bo’lishi mumkin, lekin odatda, tugʻruqdan soʻng juda ko’p narsa sodir bo’ladi.Tug’ilgandan keyin nima sodir bo’lishi tug’ruq jarayoniga, chaqalog’ingizning qanday tug’ilishi va bachadondan tashqaridagi hayotga qanchalik tez moslashishiga bog’liq bo’ladi.
Asoratsiz vaginal tug’ruq
Ko’pgina chaqaloqlar tug’ilganidan keyin bir necha soniyalar ichida nafas oladi va yig’laydi.
Agar chaqalog’ingiz yaxshi nafas olayotgan bo’lsa, bola yalong’och holda teridan teriga — ko’kragingiz yoki qorin bo’shlig’ingizga yotqizilishi mumkin. Teri bilan aloqa qilish chaqalog’ingizni issiq ushlab turadi va uning nafas olish va yurak urish tezligini barqarorlashtirishga yordam beradi, qolaversa, chaqaloqqa bog’lanish imkonini beradi. Shuningdek, chaqalog’ingizni emizishingizga yordam bo’ladi.
Chaqalog’ingiz sizni ustingizdaligida akusher chaqalog’ingizni artib quritadi va ikkalangizni ham adyol bilan o’rab qo’yadi.
Agar sizga ma’qul bo’lsa, chaqalog’ingizni yo’rgakka o’rab sizga berishadi.
Chaqaloqlarning vakuum orqali tug’ilishi
Vakuum yordamida tug’ilgan chaqaloqlarning ko’pchiligi tug’ilishi bilanoq nafas oladilar va yig’laydilar. Ammo ba’zi chaqaloqlar biroz o’zlarini o’nglolmasligi va sekin nafas olishi mumkin, ayniqsa, ular tugʻruq paytida bevzotalansa. Agar shunday bo’ladigan bo’lsa, akusher yoki pediatr chaqalog’ingizni izolatorga olib boradi. Ular chaqalog’ingizni quritadi va nafas olishini tekshiradi.
Chaqalog’ingiz yaxshi nafas olayotgan bo’lsa, siz bolangizni bir marta qo’lingizga olib ko’rishingiz mumkin. Siz chaqalog’ingizni qorin bo’shlig’ingizga qo’yishlarini so’rashingiz mumkin. Yoki chaqalog’ingizni quritishganidan so’ng yo’rgakka o’rab sizga berishadi.
Rejalashtirilgan kesarcha kesish orqali tug’ish
Rejalashtirilgan kesarcha kesish orqali tug’ilgan chaqaloqlarning ko’pchiligi tug’ilganida kuchli nafas oladilar va yig’laydilar.
Agar bola yaxshi nafas olayotgan bo’lsa, bolangizni quritish va tekshiruvdan o’tkazish uchun boshqa izolatorga olib chiqishlaridan oldin chaqalog’ingiz bilan teri orqali aloqa qilishingiz mumkin. Ba’zida chaqalog’ingizni sizga berishdan oldin nafas olishini yaxshilab tekshirib ko’rishadi. Chaqalog’ingizni tanangiz ustida ushlab turishni so’rashingiz mumkin yoki operatsiya stoli ustida bolangizni qo’lingizga olmoqchi bo’lsangiz, chaqalog’ingizni issiq adyol yoki sochiqqa o’rab berishadi.
Ba’zida sizga qo’shimcha tibbiy yordam kerak bo’lishi mumkin va shunday holatda siz bolangizni keyinroq bag’ringizga olishingizga to’g’ri keladi. Sog’ayib ketguningizcha yoki tug’ruqxonadan qaytguningizcha masʼul hamshiralar yoki turmush o’rtog’ingiz chaqalog’ingizga ga’mxo’rlik qilib turadi.
Favqulodda kesarcha kesish orqali tug’ish
Favqulodda kesarcha kesish orqali tug’ilgan chaqaloqlar tug’ilish paytida nafas olishda yordamga muhtoj bo’lishadi. Akusher yoki pediatr chaqalog’ingizni maxsus izolatorga olib boradi. Shuningdek, ular chaqalog’ingizga qanday yordam kerakligini aniqlaydilar.
Agar chaqalog’ingiz yaxshi nafas olayotgan bo’lsa va sizning sog’ligingiz barqaror bo’lsa bolangizni bag’ringizga olishingiz mumkin. Hattoki siz operatsiya stolida bo’lsangiz ham chaqalogʻingiz bilan teri orqali aloqa qilishingizni so’rashingiz mumkin.
Agar sizda umumiy behushlik bo’lsa, chaqalog’ingizni sog’ayib ketganingizdan keyin bag’ringizga olishingiz mumkin.
Chaqalog’ingiz tug’ilganida nafas olishda yordamga muhtoj bo’lsa, to’g’ridan to’g’ri yangi tug’ilgan chaqaloqlar reanimatsiyasiga olib borilishi kerak bo’ladi. Shuningdek, bolangizning sog’ligi barqarorlashgandagina siz uni bag’ringizga ololasiz.
Kindikni kesish
Chaqaloq tug’ilganidan keyin kindik ichakchasini kesish kerak. Bola tug’ilgandan keyin darhol kindik kesiladi yoki kindik kesilishidan oldin siz bolangizni bir necha daqiqaga bag’ringizga olishingiz mumkin.
Sizning chaqalog’ingiz kesarcha kesish orqali tug’ilgan bo’lsa, tug’ilganidan keyin darhol izolyatorga olib borilishi kerak bo’lsa, yoki sizda kuchli qon ketishi kabi asoratlar kuztilsa akusher kindikni kesadi.
Kindikni kesish juda ham qiyin, lekin uni kesish sizga ham chaqalogʻingizga ham og’riq bermaydi.
Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.
Linkni bosing: 👉 Farzandim dasturi