6 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning 6 haftaligida nimalar kutilishini bilib olishingiz mumkin.

Homilaning 6–haftasi

Bu davrda sizning hid bilish qobiliyatingiz kuchayishi va oddiy hidlar sizni betob qilib qo’yishi mumkin. Ishtahangiz va ta’m bilish qobiliyatingiz ham xuddi hid bilishdek bir necha barobar ortadi. Bosh aylanishidan ehtiyot bo’ling, agar hushdan ketish ehtimoli mavjud bo’lsa, o’tirib dam oling.

Agar sizda qon ketish yoki siqilish bo’lsa, shifokorga murojaat qiling.

Homila parvarishini boshlash
Agar siz homilador ekanligingizdan endigina xabar topgan bo’lsangiz, homila parvarishini boshlash uchun shifokoringizga murojaat qiling.

Sizning shifokoringiz:

homiladorligingizni tasdiqlash uchun bir qator testlarni, shu jumladan qon testini o’tkazadi;
taxmin qilingan sanani hisoblab chiqadi;
sog’lig’ingizni tekshiradi;
siz bilan homilani ehtiyotlash haqida gaplashadi;
sizga g’amxo’rlik qiladigan sog’liqni saqlash xodimlari va tug’ruqxonaga murojaat qiladi;
yoshingizga, anamnezingizga va agar bu birinchi homilangiz bo’lmasa, oldingi homiladorlik davrini qanday o’tkazganingizga qarab qo’shimcha tekshiruvlar yoki erta ultratovush tekshiruvini tavsiya etadi.

Homiladorlik davri va tug’ruq jarayonida atrofingizda o’zingiz xohlagan yaqinlaringiz bo’lsa, o’zingizni yana-da baxtliroq his qilasiz. Shunday ekan, bu davrda yaqin insonlaringizga nisbatan yaxshi muomalada bo’ling, yoningizda ekanliklari uchun minnatdorligingizni bildiring.

O’zingiz va bolangizga g’amxo’rlik qiling
Bu chaqalog’ingizning rivojlanishi uchun juda muhim davr, biroq ko’pgina ayollar bu paytda o’zlarining homilador ekanligini sezishmaydi.

Agar homilador bo’lish ehtimoli bo’lsa, shifokor bilan maslahatlashing, siz qabul qilayotgan dori-darmonlar bolangizga yomon ta’sir ko’rsatmaydimi?

Hayot tarzini o’zgartirish haqida o’ylab ko’rish ham yaxshi fikr. Misol uchun, agar sizda turli xil zararli odatlar mavjud bo’lsa, ulardan voz kechishingiz shart. Sog’lom ovqatlar iste’mol qilishingiz va foliy kislotasi qo’shimchalarini qabul qilishingiz juda muhim. Shuningdek, sizni kasal qiladigan, chaqalog’ingizga zarar yetkazadigan ba’zi ovqatlardan ham voz kechishingiz lozim.

6 haftalik homiladorlik paytida chaqalog’ingiz

Umuman olganda, sizning chaqalog’ingiz boshidan dumigacha taxminan 5 mm uzunlikdagi qandga o’xshaydi. Ultratovush tekshiruvida (odatda bu bosqichda bajarilmaydi) chaqalog’ingiz kichkina yorqin nuqtadek ko’rinadi, yuragi tez va ritmik tarzda uradi.

Boshqa muhim o’zgarishlar:

Konsepsiyadan taxminan 24 kun o’tgach bolaning yuragi ura boshlaydi.
Embrionning yuqori va pastki qismida kichik kurtaklar paydo bo’ladi – bu chaqalog’ingizning qo’llari va oyoqlariga aylanadi.
Nerv naychasi miya va orqa miyaning pastki qismini yopadi.

Homilaning 7-haftasini o’qish

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi