12 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning 12 haftaligida nimalar kutilishini bilib olishingiz mumkin.

Siz homiladorlikning 12 haftaligidasiz

Sizning bachadoningiz hozir yuqoriga qarab siljiydi, shuning uchun siydik pufagingizdagi bosim unchalik kuchli emas. Bu sizni hojatxonaga tez-tez borish noqulayligidan xalos etadi.

Ko’p ayollar endi o’zlarini ozroq charchagan his qila boshlaydilar. Boshqalar hali ham energiya pastligini his qiladilar.

Yuzingizda yoki bo’yningizda jigarrang dog’larni ko’rishingiz mumkin. Bu «xloazma» (yoki «homiladorlik niqobi») deb ataladi va bu normal holat. Qorin terisida paydo bo’ladigan jigarrang chiziq-chiziq nigra ham normaldir. Siz buni hozir yoki homiladorligingizdan ancha keyin ko’rishingiz mumkin. Kloasma va linea nigra tanadagi melanin miqdorini oshiruvchi gormonal o’zgarishlar tufayli yuzaga keladi.

Ko’p ayollar homiladorlikning birinchi parvarishlash tashrifini shu vaqtda, homila 12 haftalikligida ultratovush tekshiruvidan o’tkazadilar.

Tug’ruqdan oldingi shifokor ko’riklarining muhimligi

Antenatal ko’riklarga boshidanoq borish juda muhim, shifokor shu orqali sizning va chaqalog’ingizning ahvoli qanday ekanligini ko’radi, shu bilan birga, sizda homila bilan bog’liq savollarga javob olish imkoniyati paydo bo’ladi. Agar muammo bo’lsa, uni aniqlash va davolash kerak. Muayyan vaqtlarda ba’zi testlarni o’tkazish tavsiya etiladi.

Tug’ruqdan oldingi ko’riklar sog’lom hayot va sog’lom farzand dunyoga keltirish uchun yaxshi imkoniyatdir. Shuningdek, siz mutaxassisdan homiladorlik davridagi mehnat faoliyati, tug’ruq jarayoni va ota-onalik vazifalari haqida ma’lumot olishingiz mumkin.

Tarjimon yoki chet tillarini biladigan tibbiyot xodimidan yordam olish

Aytaylik, vaziyat taqozosi bilan boshqa tilda muloqot qiladigan akusher-ginekolog qabulidasiz. Agar siz bu tilda gapirishga layoqatingiz bo’lmasa, tarjimon so’rang. Agar tarjimon topilmasa, qo’l telefoningizga avtomatik tarjimon dasturlaridan birini yuklab olishingiz mumkin. Shunda tarjimondan foydalanish uchun pul to’lashga ham to’g’ri kelmaydi.

Shuningdek, siz bilingvist tibbiyot xodimidan shifokor qabuliga yozilish, anketalarni to’ldirish kabi ishlarni bajarishda yordam olishingiz mumkin.

Sizning chaqalog’ingiz siz iste’mol qilayotgan narsalar bilan oziqlanadi

Plasenta hozir ishlamoqda, u kindik orqali kislorod va ozuqa moddalarini yuboradi va chiqindilarni olib ketadi.

Siz iste’mol qilayotgan mahsulotlar bolangizning rivojlanishiga ham o’z ta’sirini ko’rsatadi . Shu sababdan sog’lom ovqatlanishga harakat qiling, kofeinli ichimliklarni imkon qadar ichmaganingiz ma’qul. Qahva, choy, energetik va spirtli ichimliklar, shifokor tomonidan buyurilmagan dorilardan voz keching.

Shuningdek, siz qabul qilayotgan har qanday dori homiladorlik uchun xavfsiz ekanligiga akusher-ginekologga tekshirtirishingiz orqali ishonch hosil qilishingiz shart. Bunday dorilar sirasiga supermarketlardan olingan dorilar, tabiiy qo’shimchalar kiradi.

Sigaret tutuni, hatto chekayotgan odamlarning yonida bo’lsangiz ham, bolangizga o’tadi. Shuning uchun iloji boricha toza muhitda bo’ling, tabiat qo’ynida ko’proq sayr qiling.

12 haftalik homiladorlik paytida chaqalog’ingiz

Chaqalog’ingiz bilan quyidagilar sodir bo’lmoqda:

• Chaqalog’ingizning uzunligi taxminan 6 sm, vazni esa taxminan 18 gramm.
• Buyraklar ishlamoqda va bola siydik chiqarishi va amniotik suyuqlikni yutishi mumkin.
• Kichkintoyingizning ko’kragi ko’tariladi va tushadi, nafas olish harakatlarini bajaradi. Ovqat hazm qilish tizimi ham sinov rejimida.
• Bolaning tish go’shtida yigirmata tish paydo bo’lgan.

HOMILANING 13-HAFTASINI O’QISH

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi