8 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning 8 haftaligida nimalar kutilishini bilib olishingiz mumkin.

Homilaning 8–haftasi

Bu davrda bachadoningiz hajmi tennis to’pi kattaligiga teng bo’ladi. Bu siydik pufagiga bosim o’tkazadi, shuning uchun siz hojatxonaga odatdagidan ko‘ra ko’proq borishingiz mumkin.

Bolaning o’sishiga yordam berish uchun tanangiz gormonlar bilan ishlamoqda. Bu vaqtda ko’ngil aynishi avjiga chiqadi, shuning boisdan o’zingizni yomon his qila boshlashingiz mumkin. Bundan tashqari, ko’proq hissiyotga berilishingiz va birdaniga xursand bo’lishingiz yoki xafa bo’lishingiz ham tabiiy holat. Yoki siz o’zingizda juda ko’p energiyani his qilishingiz mumkin.

Qanday bo’lmasin, homiladorlik paytida hissiy o’zgarishlar bu normaldir.

Dastlabki ultratovush tekshiruvi
Agar siz homilador ekanligingizga ishonchingiz komil bo’lmasa, yoki siz oldin homilaning yo’qotilishini boshdan kechirgan bo’lsangiz, akusher-ginekolog homiladorlikning dastlabki  davrida, odatda 8-10-haftada ultratovush tekshiruvini tavsiya qilishi mumkin. Ushbu ultratovush tekshiruvi chaqaloqning yurak urishini tekshirishga, yoshi va tug’ilish sanasini aniqlashga yordam beradi.

8 haftalik homiladorlik paytida chaqalog’ingiz

Bu davrda chaqalog’ingizda quyidagilar sodir  bo’ladi:

• Embrionning umumiy uzunligi taxminan 1,2 sm.
• Ko’zlar teri qatlami ostida hosil bo’lgan. Burun paydo bo’la boshlaydi. Yuqori jag’ va og’iz tomi birlashadi. Ichki quloq va til rivojlanadi.
• Tarmoqli barmoqlar shakllanadi.
• Reproduktiv organlar rivojlanadi, lekin hali qiz yoki o’g’il ekanligi haqida gapirishga  erta.
• Embrionning dumi kichrayadi, oxir-oqibat yo’qoladi.

Homilaning 9-haftasini o’qish

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi