3-4 oylik: chaqaloq rivojlanishi

Asosiy fikrlar

• 3-4 oylik chaqaloq rivojlanishi.
• Siz ko‘proq muloqotni, qo‘l, tana va bosh harakatlarini va boshqa ko’p his-tuyg‘ularni ko‘rishingiz mumkin.
• Gapirish, qo‘shiq aytish va o‘qish kabi oddiy mashg‘ulotlar chaqalog‘ingizning o‘rganishi va rivojlanishiga yordam beradi.
• Agar siz chaqaloq rivojlanishidan xavotirda bo‘lsangiz yoki sizga yordam kerak bo‘lsa, shifokoringiz yoki bolangiz va oilaviy sog‘liqni saqlash hamshirasi bilan gaplashing.

3-4 oylik chaqaloqning rivojlanishi

Bu davrda farzandingiz his-tuyg’ularni va muloqotni o’rganish bilan band bo’ladi. U sizning so‘zlaringizni yuz ifodalari bilan bog‘lashni boshlaydi. U sizning yuzingizni yaxshi ko‘rishi bilan bir qatorda yangi yuzlarga ham qiziqishi mumkin. U sizning ovozingizni biladi va sizni eshitganda boshini sizga qaratishi mumkin.

Farzandingiz ko‘proq his-tuyg‘ularni namoyon qila boshlaydi, masalan, baland ovozda kulishi, o‘ziga yoqqan narsalarni ko‘rgan va eshitganida tabassum qilishi va har xil tovushlar chiqarishi mumkin. U hatto siz bilan tovushlarda gaplashishga harakat qilishi ham mumkin. Siz gaplashsangiz, u tinglaydi va javob berishga harakat qiladi. Va u yolg‘iz qolganda, siz uning o‘zi bilan gaplashayotganini eshitishingiz mumkin.

Har qanday ortiqcha yig‘lash odatda 12-16 xaftalikga to‘g‘ri keladi.

Qo‘l cho‘zish yoki e`tiborini tortadigan buyumlar ushlash yoki og‘ziga biror narsa qo‘yish chaqalog‘ingiz atrofdagi dunyoni o‘rganishining ba’zi usullaridan biridir. U ob’ektlar bilan o’ynashni yaxshi ko’radi va ularga uzoq vaqt qarashi va ularni silkitishi mumkin.

Va endi chaqalog‘ingiz qo‘llari va barmoqlarini ko‘proq ishlatganda, ularga hayrat bilan qarashi mumkin.

Ba’zida chaqalog‘ingiz narsalarga qaraganida ko‘zlarini yumib ochishi mumkin bu birinchi oylarda odatiy holdir.

Farzandingizni ushlab o‘tirishiga yordam berganingizda, uning bosh harakatlarini yaxshiroq nazorat qilishini va kamroq yordamga muhtojligini ko‘rishingiz mumkin.

Taxminan bu yoshda chaqalog‘ingiz harakat qilishni yaxshi ko‘radi va qorindan orqaga aylana boshlaydi. Agar unga qorin bilan yotganida alohida vaqt ajratsangiz, u boshini baland ko‘tarishi yoki qo‘llarini yuqoriga ko‘tarishi mumkin. U hatto orqasida yoki tanasining har ikki tomonida bir oz tayanch bilan o‘tirishi mumkin.

4-5 oylik chaqaloq rivojlanishida g‘amxo‘rlik

Bu yoshda chaqalog‘ingizning rivojlanishiga yordam berish uchun bir nechta oddiy narsalarni qilishingiz mumkin:

• Birga o‘ynang: kitoblar o‘qing, qo‘shiqlar kuylang, o‘yinchoqlar o‘ynang va kulgili tovushlarni birga chiqaring, chaqalog‘ingiz albatta, buni yaxshi ko‘radi! Birgalikda o‘ynash sizga va chaqalog‘ingizga bir-biringizni bilishingizga yordam beradi, shuningdek, unga o‘zini qadrli va xavfsiz his qilishiga yordam beradi.
• Farzandingizga tabassum qiling: chaqalog‘ingiz sizning tabassumingizni ko‘rganida, uning tanasida tabiiy kimyoviy moddalar ajralib chiqadi, bu esa uni baxtli va xavfsiz his qildiradi. Tabassum, shuningdek, chaqalog‘ingizning miyasi rivojlanishiga yordam beradi va uning sizga sog‘lom  bog‘lanishiga  yordam beradi.
• Farzandingiz bilan gaplashing va tinglang. Bu unga tilni va muloqotni o‘rganishiga yordam beradi. Unga gapirganingizda yuzida so‘zlar va his tuyg‘ularni o’zaro bog‘laydigan yuz-ifodalarini ko‘rishingiz mumkin.
• Kun tartibini tekshiring: siz va chaqalog‘ingizga mos keladigan tartibni topish uchun vaqt kerak bo‘lishi mumkin. Kun tartibi bo‘lishi to‘g‘ri vaqtdagi ovqatlanish, uyqi va o‘yinni taminlaydi. Bu ham farzandingiz rivojlanishida muhim hisoblanadi.
• Uyingizni harakatlanuvchi chaqaloqqa tayyorlang: chaqaloq harakatlanishi uchun uyingizni qanday qilib xavfsiz qilish mumkinligini ko‘rib chiqing.

Ba’zida chaqalog‘ingiz juda charchagan yoki och bo‘lganda bu narsalarni qilishni xohlamasligi mumkin. Unga nima kerakligi haqida sizga xabar berish uchun u maxsus chaqaloq belgilaridan foydalanadi.

Yig‘lash va ovuntirish

Ba’zan siz chaqalog‘ingiz nima uchun yig‘layotganini bilib olishingiz mumkin. Masalan, tagligini almashtirish yoki ovqatlantirish orqali unga javob bersangiz, u o‘zini yanada qulay va xavfsiz his qiladi.

Ba’zan siz chaqalog’ingiz nima uchun yig‘layotganini bilmasligingiz ham mumkin. Siz chaqalog‘ingizni ko‘tarib, quchoqlab yoki tinchlantiruvchi ovozda gaplashib, uni ovutishingiz mumkin.

Ko‘p yig‘i sizni charchatishi va asabiy qilishi mumkin. Bunday vaqtlarda, oʻzingizni xotirjam his qilguningizcha o‘zingizga biroz vaqt ajratishingiz maʼqul. Farzandingizni krovat kabi xavfsiz joyga qo‘ying yoki boshqa birovdan uni bir muddat ushlab turishini so‘rang. Chuqur nafas olish uchun boshqa xonaga borishga harakat qiling yoki oila a’zolaringiz yoki do‘stingizga qo‘ng‘iroq qiling.

4 oylik bolani tarbiyalash

Har kuni siz va chaqalog‘ingiz bir-biringiz haqida ko‘proq bilib borasiz. Farzandingiz o‘sib ulg‘aygan sari, siz unga nima kerakligini va bu ehtiyojlarni qanday qondirishingiz haqida ko‘proq bilib olasiz.

Ota-ona sifatida siz doimo o‘rganib borasiz. O‘zingiz bilgan narsangizga ishonchingiz komil bo‘ladi. Bundan tashqari, biror narsani bilmasligingizni tan olish, savollar berish yoki yordam olish foydalidir.

Agar siz chaqaloqqa qarashga e’tibor qaratib, o‘zingizga qarashni unutishingiz yoki vaqtingiz qolmasligi mumkin. Lekin o‘zingiz e’tibor berishingiz jismonan, aqlan va hissiy jihatdan bolangiz o‘sishi va taraqqiy etishiga yordam beradi.

Bolaning rivojlanishidan qachon tashvishlanish kerak

Agar sizda biron bir xavotir bo‘lsa yoki 4 oylik bolangizda quyidagi muammolardan birortasi borligini sezsangiz, shifokoringizga murojaat qiling.

Ko‘rish, eshitish va muloqot qilish

Farzandingiz:

• ko‘p yig‘laydi va bu sizni tashvishga solishi mumkin;
• ko‘zini ko‘p yumib oladi, harakatlanuvchi narsalarni ko‘zlari bilan kuzatmayapti;
• hech qanday ovoz chiqarmaydi;

 Harakat

Farzandingiz:

• boshini ko‘tarolmaydi;
• o‘tirganida boshini nazorat qila olmaydi;
• narsalarga qo‘l cho‘zmaydi;
• qo‘llarini doim musht qilgan holda tutadi va ishlatmaydi.

Agar chaqalog‘ingiz ilgari ega bo’lgan ko‘nikmalarini yo‘qotganini sezsangiz, bola salomatligi bo‘yicha mutaxassisga murojaat qilishingiz kerak.

Agar siz yoki juftingizda ayollarda tug‘ruqdan keyingi depressiya yoki erkaklarda tug‘ruqdan keyingi depressiya belgilarini sezilsa, shifokorga murojaat qilishingiz kerak.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi