Uchinchi trimesterda homiladorlik murakkabliklar: otalar uchun

Umumiy tushuncha:

• Agar ayolingiz yuqori darajadagi xavfli homiladorlikka yoki sog’lig’i bilan bog’liq muammolarga duch kelsa, uchinchi trimestr tashvishli kechishi mumkin.
• Umr yo’ldoshingizdan uni qanday qilib qo’llab-quvvatlashingiz mumkinligini so’rang. Siz uning nomidan sog’liqni saqlash mutaxassislari bilan gaplashishingiz kerak bo’ladi.
• Agar odamlar yordam berishni taklif qilsa, qabul qilganingiz ma’qul.
• Bu oila a’zolaringiz, qarindoshlaringiz, do’stlaringiz yoki sog’liqni saqlash mutaxassisi bilan gaplashishingizga yordam beradi.

Uchinchi trimestrda homiladorlikning asoratlari

Agar juftingiz sog‘ligida muammo bo‘lsa, uchinchi trimester (Trimester – homila davrining nisbiy bo‘linishi) eng so‘nggi va nozik davr bo’lishi mumkin. Natijada, siz va rafiqangiz kuchli tushkunlik va umidsizlikka tushib qolishingiz mumkin.

Uchinchi trimesterda homiladorlikning eng ko‘p tarqalgan murakkabliklari:

• pri-eklampsi (qon bosimining oshishi, boshqa organlar tizimining, ko’pincha jigar va buyraklarning shikastlanish belgilari bilan tavsiflanadigan homiladorlikning asoratidir. Preeklampsi odatda qon bosimi normal bo’lgan ayollarda homiladorlikning 20-haftaligidan keyin boshlanadi. Preklampsi davolanmasa, chaqalog’ingiz uchun jiddiy asoratlarga olib kelishi mumkin. Agar ayolingizda preeklampsi bo’lsa, eng samarali davolanish — bu bolani tug’ish.  Bola tug’ilgandan keyin ham, sog’ayib ketishiga biroz vaqt ketishi mumkin.);
• homiladorlik qandli diabeti;
• chaqaloq atrofidagi suyuqlik miqdori oshib ketishi;
• chaqaloqlik normal o‘smaganligi;
• chaqaloqning g‘ayrioddiy tomon bo‘ylab joylashib qolganligi;
• plasenta bilan bog‘liq muammolar.

Agar rafiqangizda avval ham homila tushishi, yoki xavfliroq asorat kuzatilgan bo‘lsa, bu davr juda qiyin kechishi mumkin.

Siz uni shifoxonaga joylashtirishingiz yoki ayolingiz bilan chaqaloq sog‘ligini tekshirib boruvchi shifoxonalarga muntazam tashrif buyurishingiz kerak.

Juftingiz muntazam kuzatuvda bo‘lishi lozim bo‘lsa, ortiqcha xavotirsiz uni mas’ul xodimlarga topshiring. Bu paytda tibbiyot xodimlari barcha mas‘uliyatni o‘z bo‘yniga oladi.

Uyda davolanishga to‘g‘ri kelsa, uy yumushlarini o‘z zimmangizga olasiz, masalan, uy tozaligi,ovqat pishirish, bolalarga va bemor ayolingizga g‘amxo‘rlik qilish va hokazolar.

Ba‘zi holatlarda bo‘lgani kabi sizning chaqalog‘ingiz ham muddatidan oldin dunyoga kelishi mumkin va siz to‘satdan otaga aylanasiz.

Erta tug‘ilishni qabul qilish uncha oson kechmaydi. Ayrim ota-onalarda bu ojizlik va tushkunlik tuyg‘usini paydo qiladi, ayniqsa, ular birinchi farzandini kutayotgan bo‘lsa.

Homila asoratlari haqida ma‘lumot olish

Agar juftingizda homiladorlik qiyin kechayotgan bo‘lsa, siz ham u haqida to‘liq ma’lumotga ega bo‘lishingiz lozim. Buni shifokoringizdan so‘rashdan boshlashingiz kerak. U ko‘proq ma‘lumot beradigan risolalar, veb-saytlar va tashkilotlar haqida ko‘rsatma berishi mumkin.

Ayrim shifoxonalarda kutubxonalar, axborot resurs markazlari mavjud.

Savollaringizni ro‘yxat tarzida olib borsangiz, sog’liqni saqlash sohasidagi mutaxassislardan yordam olish oson kechadi.

Noto‘g‘ri yoki o‘ta intim savol berishdan qo‘rqmang. Shuningdek, rafiqangizdan ham unga qay holatda eng yaxshi yordamlarni bera olishingizni so‘rab boring. Siz unga qulay bo’lishi uchun biror narsa qilishingiz mumkin, masalan, uni massaj qilish yoki sevimli taomini olib kelish, pishirib berish.

Homiladorlik qiyin kechayotganda yordam olish

Har qanday qiyin hayotiy vaziyatda bo’lgani kabi ishonchli oila va do’stlarning yordami sizga va sizning ayolingizga homiladorlikning qiyinchiliklarini yengishda yordam beradi.

Agar kimdir yordam berishni so‘rasa, rad qilmang. Yordam qanday bo‘ladi: masalan, ovqat tayyorlab berish, yoki o‘rningizdan xarid qilib kelish va hokazo.  Bu sizdagi bosimni pasaytirib, ayolingizga ko‘proq vaqt ajratishizga yordam beradi.

Vaqti-vaqti bilan barcha voqealarni boshidan analiz qilishingiz, o‘zingizni nazorat qilishingiz kerak. O’z boshingizdan kechirganlaringizni ishonchli oila a’zosi yoki do’stingiz bilan bo’lishish ham yordam berishi mumkin.  Biroq siz haddan tashqari  ko’p tashvishlanayotganingizni yoki  tushkunlikka tushayotganingizni sezsangiz, sizga malakali psixologlar yordami kerak bo’lishi mumkin.

Qilishingiz mumkin bo’lgan ishlar

• Sog’lom ovqatlar iste’mol qilish va jismoniy mashqlar orqali o’zingizga g’amxo’rlik qiling.
• Kuchli bosimdan, ichkilikdan, qattiq mehnatdan o‘zingizni tiying.
• Agar siz o’zingizni kutilganidan ko’ra erta ota bo’lgandek his qilsangiz, erta tug’ilgan chaqaloqlar haqida ko’proq narsalar o’qing.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi