Otalar: Bolangizning ona qornida qanday rivojlanishi sizlarga ham bog’liq

Tayanch tushunchalar

Farzandingizning embrional rivojlanishi haqida ko’proq ma’lumot olish uchun sog’liqni saqlash bo’yicha mutaxasislar bilan uchrashing.
Uchrashuvda iloji boricha do’stona bo’lish bilan birga, hurmat yuzasidan murojaat qilganingiz ma’qul.
Shifokor bilan uchrashishdan oldin iloji boricha so’ramoqchi bo’lganlaringizni yozib olsangiz, suhbat davomida e’tiboringizni jamlashingiz oson kechadi.

Bolaning rivojlanishida otalarning o’rni

Oldingi vaqtlarda akusherlar va doyalar, asosan, onalar hamda bolalarning sog’liqlariga e’tibor qaratganlar. Hozirgi vaqtda shifokorlar bolaning embrional rivojlanishi otalar hamda boshqa oila aʼzolariga ham bog’liq ekanligini ta’kidlashmoqda.

Shu sababli hozirda erkaklar uchun ham ota bo’lishga tayyorlov kurslari mavjud va ular bo’lajak otalar bilan bu borada aloqaga chiqishga harakat qilishmoqda. Bularning barchasi shifoxonalarda bola rivojlanishida otalarning roli ham hisobga olinayotganligining belgisidir.

Agarda siz homiladorlik vaqtida, embrional rivojlanishda hamda farzandingiz tug’ilishida ko’proq ishtirok etishni xohlasangiz, mutaxassis yordamida buni o’rganish siz uchun yaxshi tanlov bo’lishi mumkin. Buning uchun siz va rafiqangiz homiladorlik vaqtida aynan bitta akusher yoki akusherlar guruhi bilan ishlashingiz mumkin. Bu kabi ayrim dasturlar doimiy ishdan tashqari vaqtda ma’lum muddatni belgilagan holatda, ota-onalar uchun qulay paytda ularning ishtiroki bilan amalga oshiriladi.

Siz o’zingizni e’tibordan chetda qolib ketgandek his etasiz, lekin ushbu jarayonda qatnashmoqchi bo’lsangiz…

Shifoxona xodimlari ba’zan juda ham band bo’lishlari yoki ular bilan uchrashuv vaqti juda chegaralangan bo’lishi mumkin. Agarda xodimlar o’zingizni qanday his etayotganingiz haqida so’rashmasa, bu siz ularni qiziqtirmaysiz, degani emas. Bunday holatda ularning rafiqangiz va hali tug’ilmagan farzandingiz bilan bogʻliq juda ko’p muhim ishlari bor bo’lishi mumkin.

Ba’zi xodimlar bo’lajak otalar bilan suhbatlashish, ularga e’tibor qaratishda boshqalariga qaraganda yaxshiroq bo’lishadi. Ba’zan bu narsalarni aniqlashtirish, muhokama qilish, biror narsada xavotiringizni bildirish va buni oydinlashtirish sizga bog’liq bo’ladi.

Agarda siz o’zingizni tanishtirib, do’stona va iliq munosabatda bo’lsangiz, suhbat jarayoni siz uchun oson kechadi. Suhbatni o’z vaqtida boshlashingiz, bu vaqtda telefoningizni o’chirib qo’yishingiz hamda hech kim halal bermasligi maqsadga muvofiqdir. Mazkur belgilar ayni vaqtda siz uchun bu uchrashuvning naqadar ahamiyatli ekanligini bildiradi.

Agar siz so’ramoqchi bo’lgan savollaringizni yozib olgan bo’lsangiz, bu mutaxasis bilan suhbat davomida e’tiboringizni jamlashga yordam beradi. Agarda vaqt kamroq bo’lsa, siz o’zingiz uchun eng kerakli savollaringizni tezda so’rab olishingiz mumkin. Noo’rin savol berib qo’yishdan xavotirlanmang. Agar siz nimalar sodir bo’lishi haqida chalkashlikka duch kelayotgan bo’lsangiz, bu haqida mutaxasisdan batafsil so’rab olganingiz maqsadga muvofiqdir.

Mening rafiqam shifokorlar doim meni e’tibordan chetda qoldirishlaridan xavotirlanardi. Shifoxonalarda va aksariyat klinik bo’linmalarda, odatda, bittagina stul bo’lar edi va men orqada— o’ng tomonda turishimga to’g’ri kelardi. Rafiqam shunda «Bu mening erim, u homiladorligim davomida uning ishtirokini e’tibordan chetda qoldirayotganingizdan norozi» deb aytardi. Rahul, ikki farzandning otasi.

Siz bajarishingiz mumkin bo’lgan narsalar

Bolaning rivojlanishi masalasidagi uchrashuvlarga vaqtida borishga harakat qiling, suhbat vaqtida telefoningizni o’chirib qo’ying hamda o’zingizni do’stona va iliq ohangda tanishtiring.
So’ramoqchi bo’lgan savollaringizni yozib oling hamda ularni mutaxasis bilan suhbat davomida berib boring.
Agarda siz o’zingizni e’tibordan chetda qolgandek his etsangiz, mutaxasislarga hamda boshqa xodimlarga bu jarayonlarda qatnashishni istayotganingizni ayting.
Rafiqangizdan uchrashuvlarda qatnashish uchun sizga yordam berishini so’rang.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi