Tug’ruqdan oldingi va keyingi depressiya: otalar va hali farzandli bo’lmagan barcha ota-onalar

Umumiy mazmuni

• Barcha ota-onalar tug’ruqdan oldingi va keyingi depressiyani boshidan kechirishadi.
• Agar sizda 2 haftadan ko’proq davom etadigan ruhiy tushkunlik kuzatilsa yoki fikrlashingiz va xulq-atvoringizda o’zgarishlar bo’lsa siz tug’ruqdan oldingi va keyingi depressiyada bo’lishingiz mumkin.
• Tug’ruqdan oldingi va keyingi depressiya belgilariga kayfiyatning pastligi, uyqusizlik, diqqatni jamlay olmaslik, do’stlar va oiladan uzoqlashish kiradi.
• Iloji boricha tezroq yordam olishga, bunday holatdan chiqishga harakat qiling. Ginekologga murojaat qiling, turmush o’rtog’ingiz, oilangiz va do’stlaringiz bilan suhbatlashing.

Homiladorlik va ota-onalikning dastlabki davri: barcha ota-onalardagi hissiyotlar o’zgarishi

Homiladorlik va ota-onalikning dastlabki davri barcha ota-onalar va bo’lg’usi ota-onalar uchun kuchli va hayotini o’zgartirib yuboradigan tajribadir. Bu tajribalar kuchli, kutilmagan his-tuyg’ularni qo’zg’atishi mumkin. Agar ayolingiz homilador yoki endigina ko’zi yorigan bo’lsa, shunday paytlar bo’ladiki o’zingizga nisbatan e’tiborsizlikni, zerkishni his qilasiz. Mana shunday o’zgarishlar homiladorlik paytida, ota-onalikning dastlabki davrida odatiy holdir.

Lekin hissiyotga bog’liq o’zgarishlar 2 haftadan ko’proq davom etsa va bu sizning turmush tarzingizda namoyon bo’lsa, sizda depressiya kelib chiqishi mumkin.

Tug’ruqdan oldingi va keyingi depressiya belgilari

Agar quydagi o’zgarishlar sizda 2 haftadan ko’proq davom etsa, turmush o’rtog’ingiz, oila a’zolaringiz va do’stlaringiz bilan gaplashib ko’ring. Ginekologga murojaat qiling.

Odatiy jismoniy belgilarga quydagilarni kiritish mumkin:

• charchoq;
• ishtaha yo’qolishi;
• uxlashdagi bezovtalik: noodatiy vaqtda uxlash va uyg’onish;
• ozib ketish yoki semirish;

Kayfiyat va his-tuyg’ulardagi o’zgarishalar ham tug’ruqdan oldingi va keyingi depressiya alomatlari bo’lishi mumkin. Misol uchun siz quyidagi holatlarni his qilishingiz mumkin:

• xafalik;
• fikringizni jamlay olmasligingiz yoki xotirangizning yomonlashishi;
• kundalik ishlaringizda yoki qaror qabul qilishda muammolar paydo bo’lishi;
• o’zingizga bo’lgan ishonchning yo’qolishi;
• o’z jonizga qasd qilish haqida o’ylash.

Shuningdek, xulq-atvoringizda ham o’zgarishlar bo’lishi mumkin. Masalan:

• jinsiy aloqaga qiziqmaslik;
• oilangizdan o’zingizni olib qochishingiz yoki ko’p vaqtingizni ishda o’tkazishingiz;
• turmush o’rtog’ingiz, oila a’zolaringiz va do’stlaringizga jahl qilishingiz;
• o’zgarishlar, stress, depressiyadan xalos bo’lish maqsadida narkotik va alkagol mahsulotlariga ruju qo’yishingiz.

Tug’ruqdan oldingi va keyingi depressiya holatida davolanish

Agar siz o’zingizni depressiya holatidaman, deb o’ylasangiz bunga tezroq chora ko’rish kerak. Yordam va ko’maklar bilan siz simptomlarni ortda qoldirishingiz, tezroq o’zingizni yaxshi his qilishingiz va chaqalog’ingizning o’sishi va rivojlanishi uchun zarur bo’lgan narsalarni berishingiz mumkin. Birinchi navbatda ginekologga murojaat qiling. U sizga eng foydali va kerakli davolanish yo’llarini ko’rsatadi.

Sizga foydasi tegadigan quydagi tavsiyalarni amalda sinab ko’ring:

• Sizda qanday qiyinchiliklar bo’layotganligi haqida turmush o’rtog’ingizga va oila a’zolaringizga ayting.
• Mahalliy sog’liqni saqlash markazlariga boring.
• Psixologlar bilan aloqada bo’ling.

Ayolingiz tug’ruqdan oldingi va keyingi depressiya holatida bo’lganida qilishingiz kerak bo’lgan vazifalaringiz

Siz ayolingizda tug’ruqdan oldingi yoki keyingi depressiya alomatlarini sezsangiz, har doim mana shu holatdan chiqib ketishiga yordam bering, hamisha qo’llab-quvvatlang. Ayolingiz depressiyadan chiqib ketishi uchun amaliy ko’makni ginekologga yoki oilaviy shifokoriningizga murojaat qilishdan boshlaganingiz ma’qul.

Ayni shu payt siz uchun qiyin bo’lishi mumkin. Sizning munosabatlaringizda o’zgarishlar bo’lishi mumkin. Siz sevgi, do’stlik, mehr va jismoniy yaqinlik kamligini his qilishingiz mumkin. Ammo shu paytda sizning qo’llab- quvvatlashingiz ayolingizga yaxshi ta’sir ko’rsatadi.