Otalar uchun ish va hayot muvozanatining afzalliklari

Asosiy fikrlar 

• Ish va hayot muvozanati siz uchun, turmush o’rtog’ingiz va bolangiz bilan bo’lgan munosabatlaringiz uchun yaxshidir.
• Har bir oila har xil. Oilangiz uchun to’g’ri bo’lgan ish va hayot muvozanatini topishga harakat qilishingiz lozimdir.
• Farzandingiz tug’ilganda bir oz dam olish orqali ish va hayot muvozanatini boshlashingiz mumkin.

Ota bo’lish bu: jonglyorlik harakatidir.

Kichkintoyingiz kelmasidan oldin, siz, ehtimol, ish bilan shug’ullanishingiz, munosabatlaringizdan zavqlanishingiz va qiziqishlaringiz bilan mashg’ul bo’lishingiz mumkin.

Chaqaloq tug’ilganidan so’ng, siz ushbu uchta sohada katta o’zgarishlarni kutishingiz mumkin.  Shuningdek, jonglyorlik harakatiga yangi narsa qo’shiladi ya’ni – oilaviy vaqt.

Har bir oila har xil, shuning uchun siz va oilangiz uchun mos keladigan ish va hayot muvozanatini topish asosiy masaladir. Buning uchun eng yaxshi birinchi qadam siz va oilangiz uchun nima muhimligini aniqlashdir.

Bu albatta vaqt talab etadi.  Ba’zida, sizning oilangiz ehtiyojlarining  o’zgarishi, oilaviy ish tartibining  ham  o’zgarishiga sabab bo’lishi mumkin. Sizning turmush o’rtog’ingiz ishlashga yoki o’qishga qaytishi va farzandingizni bolalar bog’chasi yoki maktabga borishi siz o’zgartirishlar kiritish haqida o’ylashingiz kerak bo’lgan holatlarga misoldir.

Nima uchun, yaxshi ish va hayot muvozanati muhim?

  Siz uchun afzalliklar:

Yaxshi ish va hayot muvozanati sizga quyidagilarni his qilishga yordam beradi:

• kamroq stress va charchoq;
• vaqtingizni ko’proq nazorat qilish:
• qarorlar qabul qilish va majburiyatlarni yaxshiroq bajarish;
• ishda va uyda ko’proq xotirjam bo’lish;
• yanada sog’lom bo’lish.

Chaqaloqlar va bolalar uchun afzalliklari:

Kichkintoyingiz uchun yaxshi ish va hayot muvozanati muhimdir.  Buning sababi, chaqalog’ingizning miya rivojlanishining aksariyati dastlabki uch yil ichida sodir bo’ladi.  Va ushbu davr mobaynida bolangizga beradigan sevgi, muhabbat va vaqtingiz, uning miya rivojlanishiga, uning ijtimoiy va hissiy rivojlanishiga bevosita ta’sir qiladi.

Haqiqatdan, bolalariga  g’amxo’rlik qiladigan otasi bor bolalar sog’lom munosabatlarga ega bo’lib, yaxshi sog’lik va farovonlikka ega bo’lishadi.

Sizning munosabatlaringiz uchun afzalliklari:

Ish va hayot o’rtasidagi yaxshi muvozanat sizga bolangiz va turmush o’rtog’ingiz bilan mustahkam munosabatlarni rivojlantirish uchun vaqt berishi mumkin.

O’z oilaviy munosabatlaridan ko’ngli to’lgan otalar vaqtlarini bolalari bilan o’ynashga va bolalarini kundalik ishlarga jalb qilishga sarflashadi.

Ish va hayot muvozanatiga oilaviy vaqt o’tkazishni kiriting:

Kichkintoyingiz tug’ilganda bir oz dam olish yoki ish vaqtini qisqartirish oilaga vaqt ajratish uchun ajoyib boshlanish bo’lishi mumkin.

Siz va rafiqangiz hozir ham, farzandingiz o’sib ulg’ayganida ham oila sifatida nima qilishni xohlayotganingiz haqida gaplashishingiz mumkin.  Dastlabki kunlarda, sayr uchun chiqish oddiy hol bo’lishi mumkin. Lekin farzandingiz o’sib ulg’aygani sari, siz ovqatlanishni, o’yin o’ynashni, sayohatlarga chiqishni yoki oilaviy bayramlarga borishni ham yoqtirib qolasiz.

Oilaviy vaqtingizni rejalashtirayotganda, birgalikda oila davrasida vaqt o’tkazish bolangizga oilaviy tegishlilik his-tuyg’usini sezishiga yordam berishini bilib qo’yganingiz yaxshidir. Farzandingizning uchun tegishlilik tuyg‘usi esa uning o‘zini o‘zi qadrlashi uchun muhim qurilish poydevoridir.

Siz qilishingiz mumkin:

• Farzandingiz bilan yaqinroq tanishish uchun ishdan bo‘sh vaqtlaringizdan unumli foydalanish bo‘yicha ko‘proq ma’lumot olish uchun yangi otalar uchun 10 ta maslahatimizga qarang.
• Vaqtingizni qanday o’tkazayotganingizni o’ylab ko’ring. Oilangizga vaqt ajratish uchun siz ba’zi odatlar va tartiblarni o’zgartirishingiz kerakdir balki.
• Farzandlaringizning kundalik ishlari va ularning maxsus tadbirlarida ishtirok eting. Masalan, chaqalog’ingizni cho’milishtirish kabi. Farzandlaringiz o’sib ulg’aygan sayin, siz ularni o’yin maydonchalariga olib borish, bolalar bog’chasiga yoki maktabga tashlab qo’yish, uy vazifasi, sport yoki musiqa to’garaklariga qatnashishi uchun yordam berish kabi narsalarni qilishingiz mumkin.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi