Homiladorlikning ikkinchi davrida rafiqangiz bilan bajariladigan mashqlar

Tayanch tushunchalar:

• Yengil va o’rtacha jismoniy mashqlar homiladorlik davrida xavfsizdir.
• Homiladorlik davomida jismoniy faol bo’lish ayollarga homiladorlikni hamda tug’ish jarayonini yengil uddalashiga yordam beradi.
• Ikkinchi trimestrdan boshlab ayolingizning vazni hamda gavdasida o’zgarishlar bo’ladi va bu uning jismoniy muvozanatiga hamda harakatiga ta’sir ko’rsatadi.
• Siz ayolingizni har kuni faol bo’lishga hamda birga jismoniy mashqlar bajarishga ruhlantira olasiz.

Homiladorlikda xavfsiz mashqlar

Akusher, umumiy amaliyotchi shifokor yoki doyangiz tekshiruvidan o’tilgandan so’ng biror muammosi bo’lmagan sog’lom homilador ayollar quyidagi mashqlarni bajarishlari mumkin:

• O’rtacha qiyinlikdagi mashqlarni doimiy ravishda bajarish
• Homiladorlik davrida dastlab yengil so’ngra o’rtacha mashqlarni bajarishni boshlash

Nima uchun jismoniy faol bo’lish homiladorlikda muhim?

Homiladorlik davrida jismoniy jihatdan faol bo’lish ona hamda bola uchun juda ham foydalidir.

Haftada bir echa kun davomida 30 daqiqa davomida aerobik mashqlarni bajarish onaga homila davomida o’zini yaxshi his etishiga yordam beradi. Bu mashqlar shuning uchun foydaliki:

• sizning kayfiyatingizni, sog’lomligingizni va uyqu jarayoningizni yaxshilaydi
• quvvatingizni oshiradi
• bel qismingizdagi og’riqlarni kamaytiradi.

Homiladorlik davridagi jismoniy mashqlar qandli diabet, yuqori qon bosimi hamda ortiqcha vazn yig’ish xavfini kamaytiradi. Shuningdek ayollarda tug’ish jarayonini yengil o’tishiga ko’maklashadi.

Rafiqangiz bilan birgalikda mashq qilish siz va u uchun o’zaro munosabatlaringizda yanada yaqinlik bo’lishini ta’minlaydi, ‘jamoa’ bo’lib ishlash hissini kuchaytiradi. Birgalikda suzish yoki sayr qilish homiladorlikning ikkinchi davrida juda yaxshi tanlovdir.

Homilaning ikkinchi davridagi jismoniy mashqlar: Nimalardan ehtiyot bo’lish kerak?

Homilaning ikkinchi trimestrida, ayolingiz homilasining kattaligi doimiy ravishda o’sib boradi. Ayolingiz tanasidagi shu va boshqa o’zgarishlar vazn hamda tana shakli hozirdan toki bola tug’ilgungacha uning balansi va koordinatsiyasiga ta’sir qilishi mumkin. Shuning uchun ba’zi mashqlarni bajarish u uchun noqulayliklar olib kelishi mumkin.

Homilaning to’rtinchi oyidan boshlab, qon bosimidagi o’zgarishlar shundan darak beradiki, ayolingiz keskin harakatlarni endi bajarmasligi kerak. Masalan, yotishdan toki o’rnidan turishgacha. Bu uning bosh aylanishini to’xtatishga yordam beradi.

Sayr qilish: Uni qanday tashkil qilmoq kerak?

Sayr qilish mashqlarning eng yaxshi shakllaridan biridir. Aynan o’sha vaqtda sizning rafiqangiz birga sayr qilishdan sizdan juda ham xursand bo’lishi mumkin. Farzandingiz dunyoga kelganidan so’ng esa ehtimol hozirgidek birga vaqt o’tkazish hamda energiya almashtirish uchun ham vaqtingiz bo’lmasligi mumkin. Shuning uchun ham mazkur fursat vaqtni birga o’tkazish uchun eng qulaydir.

Siz ayolingizni 30 daqida davomida birga sayr qilishga ko’ndirishingiz mumkin. Daslab haftada uch kun, keyinchalik esa 5 kungacha oshirishingiz mumkin agarda siz boshqa jiddiyroq mashqlarni bajarmoqchi bo’lsangiz u holda sayr qilishni shunchaki qizib olish uchun keyinchalik esa o’zingiz mustaqil yugurih bilan shug’ullanishingiz mumkin.

Sayr qilishga qo’shimcha ravishda boshqa biror mashqni ham doimiy bajarishga odatlansangiz siz farzandingiz tug’ilganidan so’ng ham u bilan shug’ullanishingiz mumkin bo’ladi. Ayolingizning xavfsizligini hamda sog’lomligini saqlash uchun yo’lg’iz sayr qilmaslik yoki issiq kunda boshqa turdagi mashqlarni bajarmaslik kerak. Shuningdek unga doimiy ravishda ko’proq suv ichib turish kerakligini eslatib turing.

Siz bajarishingiz kerak bo’lgan narsalar:

• Shifokor tavsiya qilganidan so’ng ayolingizni jismoniy faol bo’lishga ruhlantirish
• Jismoniy faol bo’ling – bu sizga farzandingiz tug’ilishga tayyor bo’lgunga qadar energiyangiz yuqori darajada bo’lishini ta’minnlaydi.
• Ayolingiz bilan birga sayr qiling. Bu ayni damda siz va sherigingiz uchun vaqtni birga o’tkazish, birga bo’lish uchun mashqning eng yaxshi ko’rinishidir.
• Birgalikda suzish haqida o’ylab ko’ring. Bu yana bir mashqning yaxshi ko’rinishidir, asosan bu bolangizning rivojlanishi uchun yaxshi tanlovdir.
• Agarda siz homilaning ikkinchi davrida mashqlarni bajarishda biror xavfdan cho’chiyotgan bo’lsangiz bu haqida akusheringizga yoki shifokoringizga murojaat qiling.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi