Homiladorlik paytida chekish, spirtli ichimliklar va boshqa dorilar qabul qilish: erkaklar

Asosiy fikrlar

• Agar siz, sizning homilador ayolingiz yoki uyingizdagi boshqa odamlar tamaki cheksa, bu sizning tug’ilmagan chaqalog’ingizga zarar yetkazishi mumkin.
• Agar sizning juftingiz homilador bo’lsa, spirtli ichimliklar ichmaslik eng xavfsiz yo’ldir. Shifokor ko’rsatmasisiz dorilarni qo’llash ona va bola salomatligiga jiddiy xavf solishi mumkin.
• Agar siz chekishni, spirtli ichimliklar ichishni yoki boshqa giyohvand moddalarni iste’mol qilishni tashlasangiz yoki cheklasangiz, bu sizning ayolingizga ham yordam beradi.
• Ikkalangiz ham bir-biringizga bu borada o’zaro yordam berishingiz kerak.

Homiladorlik paytida va undan keyin chekish

Siz va ayolingizning tug’ilajak farzandingiz uchun qila oladigan eng yaxshi ishlaringizdan biri – chaqalog’ingizning atrofini hozir va keyin ham tutunsiz tutish.

Agar siz, sizning homilador juftingiz yoki uyingizdagi boshqa odamlar chekishsa, bu sizning tug’ilajak chaqalog’ingizga yoki bolangizga jiddiy zarar yetkazishi mumkin.

Masalan, homiladorlik paytida chekish chaqaloqlarning o’lik tug’ilishi, tug’ma nuqsonlar, jiddiy nafas olish muammolari yoki astma bilan kasallanish xavfini oshiradi.

Shuningdek, boshqalar chekkanda hosil bo’ladigan tutun yoki boshqa odam chekkan tamakini chekish quyidagilarga olib kelishi mumkin:

• homilani yo’qotish;
• erta tug’ilish va chaqaloqning kam vaznli tug’ilishi;
• tug’ruqdan keyin go’daklikdagi to’satdan o’lim xavfi (GTO’X);

Buning sababi shundaki, tamaki tarkibidagi kimyoviy moddalar chaqaloqqa boshqalar chekkanida hosil bo’ladigan tutun orqali o’tadi.

Agar siz yoki juftingiz tamaki cheksa, hozir chekishni tashlashning eng qulay vaqti.

Agar siz chekishni tashlamoqchi bo’lsangiz, bu sizning juftingizga ham buni osonlashtirishi mumkin. Agar siz cheksangiz, homilador juftingiz uchun chekishni tashlash qiyinroq bo’ladi va bola tug’ilgandan keyin u chekishni davom ettiraveradi.

Homiladorlik paytida nima uchun va qanday qilib chekishni tashlash kerak

Agar siz chekishni tashlasangiz yoki hech bo’lmaganda homilador juftingiz yonida chekishdan tiyilsangiz, sizning chaqalogʻingiz:

• GTO’X dan o’lish ehtimoli kamroq;
• o’rta quloq infektsiyalari yoki doimiy eshitish muammolari ehtimoli kamroq;
• astma va pnevmoniya kabi nafas olish muammolari kam uchraydi;
• yaxshi tinchlanishi va yaxshiroq ovqatlanish ehtimoli ko’proq.

Sizning salomatligingiz juftingizning sog’lig’iga ham foyda keltiradi.

Agar siz chekishni tashlashga tayyor bo’lmasangiz yoki boshqa bir odam uyingizda tamaki cheksa, hech bo’lmaganda quyidagilarga amal qiling:

• Homilador juftingiz oldida chekmang.
• Homilador juftingiz yonida hech kim chekmasligiga ishonch hosil qiling.
• Uyingiz va mashinangiz tutunsiz qolsin. Boshqa birov chekkandagi tutun mashinalarda, mebellarda, gilamlarda va kiyimlarda besh soatgacha saqlanadi, shuning uchun uyingizda yoki homilador juftingiz foydalanadigan mashinada chekmang.

Homiladorlik paytida va undan keyin spirtli ichimliklar va boshqa dorilar iste’mol qilish

Homiladorlik paytida spirtli ichimlik ichish tug’ilajak chaqaloqlarga jiddiy zarar yetkazishi mumkin. Zararlarga abort, erta tug’ilish, tug’ilish nuqsonlari va rivojlanish muammolari kiradi.

Agar juftingiz spirtli ichimlik ichsa, tug’ilmagan chaqalog’ingiz ham uni ichadi. Spirtli ichimliklar onaning qon oqimi va yo’ldosh orqali bolaga o’tadi. Va agar ona emizikli bo’lsa, spirtli ichimliklar ona sutidan o’tadi va bolaning rivojlanishiga salbiy ta’sir ko’rsatishi mumkin.

Homiladorlik paytida alkogoldan voz kechish eng xavfsiz variantdir.

Homiladorlik paytida yoki boshqa har qanday vaqtda boshqa dorilarni iste’mol qilish doim xatarli.

Bola tug’ilgandan so’ng spirtli ichimliklar va boshqa dorilar bilan bog’liq xavflar

Spirtli ichimliklar ichish yoki boshqa dorilarni qabul qilish yangi tug’ilgan chaqaloq bilan aloqa qilish va unga g’amxo’rlik qilish qobiliyatiga ta’sir qilishi mumkin. Masalan, agar siz alkogol yoki boshqa dorilar ta’sirida bo’lsangiz, yangi tug’ilgan chaqaloqni ovqatlantirish, tagligini almashtirish va tinchlantirish uchun kechasi uyqudan turish qiyin bo’lishi mumkin.

Ota-onalarning spirtli ichimliklar va giyohvand moddalarni iste’mol qilishlari, agar bola ota-onasi bilan bir joyda uxlasa, GTO’X xavfli oshiradi.

Ayrim erkaklarning spirtli ichimliklar ichishi va turli xil dorilarni qabul qilishi tajovuz va oilaviy zo’ravonlikka olib kelishi mumkin. Bu ona va bola salomatligi uchun nihoyatda xavfli.

Siz qila oladigan narsalar

• Agar siz cheksangiz, o’z sog’ligingiz, chaqalogʻingiz va juftingizning sog’lig’i uchun chekishni tashlash haqida o’ylab ko’ring. Agar ikkilanayotgan bo’lsangiz yoki yordam kerak bo’lsa, bu borada UASH bilan maslahatlashing.
• Boshqa odamlar chekkanda hosil bo’ladigan tutunning bolalarga ta’siri haqida ko’proq o’qing.
• Kichkintoyingiz muhitini tutundan saqlang – hozir va tug’ilgandan keyin ham.
• Agar siz spirtli ichimliklar ichsangiz yoki boshqa giyohvand moddalarni iste’mol qilsangiz, UASH bilan gaplashib, undan bu narsalardan voz kechish yoki kamaytirish uchun yordam so’rang.
• Agar juftingiz cheksa, spirtli ichimlik ichsa yoki giyohvand bo’lsa, unga bulardan qutulish uchun qanday yordam kerakligini so’rang, imkon qadar amaliy yordam koʻrsating.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi