Erta homiladorlikdagi erkaklarning his -tuyg’ulari

Asosiy fikrlar

• Ota bo’lishingizni eshitganingizda ijobiy va salbiy his-tuyg’ularni his qilishingiz odatiy holdir.
• E’tibor bermaslik yoki «tuzatishga» urinishdan ko’ra, his-tuyg‘ularingizni qabul qilishga harakat qiling.
• Agar o’z holatingizga ishonchingiz komil bo’lmasa, o‘zingiz ishonadigan, yaqin insonlaringiz bilan gaplashing.

Siz farzandli bo’lasiz: homiladorlikning boshida aralash reaksiyalar

Ba’zi erkaklar uchun siz ota bo’lasiz degan xabar turli his-tuyg’ularga bilan birga kelishi mumkin — kimdir ijobiy, kimdir u qadar ijobiy bo‘lmagan tuyg‘ularga yuzlashadi. Avvaliga siz vahima, xavotir, zarba yoki uyqusizlikni his qilishingiz mumkin.

Bunday hissiyotlar xavotirga sabab bo’lolmaydi — shunchaki sizga moslashish uchun vaqt kerak bo’lishi mumkin. Aksariyat erkaklar bunga oxir-oqibat moslashadi, ammo chaqalog’ingiz tug’ilguniga qadar bu haqiqiy bo’lmasligi mumkin. Farzandingiz tug’ilgach esa siz haqiqatan ham «jarayon ishtirokchisi»ga aylanishingiz  va ota bo’lganingizni chindan anglab yetishingiz mumkin.

Homiladorlik davridagi xizmatlar

Homiladorlik xizmatlari bilan bog’liq ba’zi masalalar siz kutgandek bo’lmasligi mumkin.

Erkaklarning tug’ruqdan keyingi parvarishlarda ishtirokini taʼminlash bo’yicha xizmatlar yaxshilanayotgan bo’lsa-da, ba’zida tizim erkaklar qiziqishini unutadi. Agar shifokor go’yo faqart ayolingizgina farzand kutayotganidek muomalada bo’lsa, o’zingizni ahamiyatsiz his qilishingiz mumkin.

 Homiladorlikdan hayajonlanmayman – hali

Siz farzand kutayotganligingizni boshqalarga bildirishdan oldin chaqalog’ingiz yaxshi yoki yo’qligini tekshiradigan 12 haftalik ko’rikdan o’tishni rejalashtirayotgan bo’lishingiz mumkin.

Ko’p odamlar 12-haftaga kelibgina ona bo’lishini yaqinlariga aytadilar. Boshqalar 20 haftalik tekshiruvni kutishadi. Ehtimol siz hissiyotlaringizni ochiq ko’rsatishni xohlamassiz. Biroq ayolingiz buni farzandli bo’lishdan mamnun emasligingiz deb qabul qilishi mumkin. Bunday holda, siz ayolingizga ota bo’lishdan xursand ekanligingizni aytib, uni tinchlantirishingiz kerak.

Haqiqatdan ham homiladorlik payti emas

Ehtimol, farzand ko’rishni rejalashtirmagandirsiz – ehtimol siz hozir mavridi emas, deb o’ylayotgandirsiz. Lekin ona davom etishga qaror qildi. U holda nima qilish kerak?

Bu juda qiyin vaziyat va bunday vaziyatda kuchli his-tuyg’ularga ega bo’lish odatiy holdir. Hissiyotlaringiz haqida o’ylash uchun biroz vaqt ajratishingiz kerak. Bu, shuningdek, otalik vazifalari haqida ko’proq bilib olishga yordam beradi.

Yoshi ulug’ ota-onangiz bilan ayrim masalalar borasida maslahatlashib olishingiz koni foydadir. Ular bu borada boy tajribaga ega ekanligini unutmang.

Shuningdek, doʻstingiz, oila aʼzolaringiz yoki shifokoringiz kabi siz uchun ishonchli bo’lgan kishilar bilan ham suhbatlashishingiz mumkin.

Siz qila oladigan narsalar

• Agar siz farzandli bo’lishingizni bilishingiz natijasida yuzaga kelgan tushunarsiz hissiyotlardan qiynalayotgan boʻlsangiz, boshqa otalar yoki bo’lajak otalar bilan gaplashishga harakat qiling.
• E’tibor bermaslik yoki «tuzatishga» urinishdan ko’ra, his qilayotganingizni qabul qiling.
• Agar ayolingiz farzand koʻrishni xohlamayotganligingizdan xafa bo’lsa, uni bunday emasligiga ishontiring.
• Ayolingiz bilan homila parvarishida qanday ishtirok etishingiz mumkinligini muhokama qiling. Masalan, siz homiladorlik paytidagi tekshiruvlarga birga borishingiz mumkin.
• Agar siz o’z holatingizdan xavotirda bo’lsangiz, malaka psixologdan maslahat oling.
• Ota bo’lish baxtini hozirdanoq his qilishga harakat qiling.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi