Farzandingiz bilan sizning ota sifatidagi ilk onlaringiz

Asosiy jihatlar

• Turmush o’rtog’ingiz hamda farzandingiz bilan dastlabki vaqtingizni qanday o’tkazishni rejalashtiring.
• Tug’ilgandan keyingi birinchi soatda chaqaloqning ona bag’rida bo’lishi juda muhimdir.
• Juftingiz ona suti bilan oziqlantirishni o’rganguniga qadar, sizning ruhlantirishingiz yordam beradi.
• Farzandingiz dunyoga kelgach, siz rafiqangiz  va bolangizga g’amxo’rlik qilishingiz kerak.

Dastlabki soatlardagi yaqin munosabat: yangi otalar uchun.

Chaqaloq tug’ilgandan keyingi ilk onlarda, onasining bag’rida o’zini qulay his qiladi. Agar ona ayrim sabablarga ko’ra farzandini bag’riga ololmasa, bu mas’uliyatni siz o’z bo’yningizga olishingiz mumkin.

Uyg’oq holatda chaqaloq ham uni tutib turishlarini xohlaydi va sizdan e’tibor kutadi.

Bu fan tilida «o’zaro nazar» deb ataladi. Yuqoridagi ikki omilning bog’liqligi farzandingiz miyasini rag’batlantiradi hamda o’zini xotirjam va xavfsiz his qilishini ta’minlaydi.

Tug’ruqdan so’ng sog’ayish

Ona tug’ruq vaqtidagi jismoniy og’riqlari va his-tuyg’ularini yengib o’tishi kerak.

Ayni daqiqalarda chaqaloqning onasi hordiq chiqarishi va sog’ayishi dastlabki vazifalardan biri  hamda bu siz uchun farzandingizga g’amxo’rlik qilish vaqti kelganini anglatadi.

Ba’zi otalar  ayolining homiladorlik vaqtida xizmat safarlari bilan uzoqda bo’lganligi sababli otalik mas’uliyati kelganda, o’zlarida hayajon his qilishi bilan birga g’ayratli hamda qushdek yengil ham bo’lishadi.

G’ayratingizni nazorat qilgan holda, ona-bolaning nimaga ehtiyoji borligini payqashingiz sizning navbatdagi vazifangiz hisoblanadi.

Tayyorgarlik ko’rishda, turmush o’rtog’ingiz bilan chaqaloqning tug’ilishidan keyingi dastlabki bir necha soatni qanday mazmunli  o’tkazish haqida oldindan rejalashtirib olsangiz nur ustiga a’lo nur bo’lardi.

Ona suti bilan oziqlantirishdagi otalarning e’tibori

Ona suti chaqaloq uchun eng yaxshi ozuqa bo’lishiga qaramasdan, bu har doim ham o’z samarasini beravermaydi. Ya’ni ona bolasini to’gri oziqlantirishni bilishi talab etiladi.

Turmush o’rtog’ingiz onalikka moslashgunga  qadar sizning yordamingiz va qo’llab-quvvatlashingiz jiddiy ahamiyatga ega. Bu esa  farzandingiz ulg’ayguncha sizning ayolingizga bergan katta yordamingiz hisoblanadi.

Agar  chaqaloqni ona suti bilan ta’minlashda muammo yuzaga kelgan bo’lsa, onani tinchlantirgan holda, qo’shimcha yordam olish mumkinligiga ishontirish lozim. Quyida bu borada sizga yordam berishi mumkin bo’lgan variantlar keltirilgan:

• shifoxonalardagi doyalar;
• laktatsiya bo’yicha maslahatchi;
• hududingizda ona va bola sog’lig’ini nazoratiga oluvchi hamshira;
• ona suti bilan oziqlantirish yordam markazi.

Jarrohlik operatsiyasi yordamida amalgan oshirilgan tug’ruqdan keyingi dastlabki soatlar

Agar ayolingiz jarrohlik yo’li bilan chaqaloqni dunyoga keltirgan bo’lsa, bunda sizning qo’llab-quvvatlashingiz juda katta ahamiyatga ega.

Masalan, tug’ruqdan keyingi asabiyliklar sababli  chaqaloqni  tinchlantirishda onaning chaqaloqni o’z bag’riga olishi tavsiya etiladi.

Lekin afsuski, u farzandini qo’liga ololmaydi. Ona butkul sog’ayib ketguniga qadar siz unga g’amxo’rlik ko’rsatasiz.

Bolani bag’irda olib yurish uchun mo’jjallangan maxsus kiyimni kiysangiz, u sizga ancha yordam beradi.

Ona bag’ridagi chaqaloqlar, turli matolar bilan o’ralgan va yotqizib qo’yilgan chaqaloqlarga qaraganda  ona suti bilan oziqlanishga  hamda kam yig’lashga  moyil bo’ladi.

Jarrohlikdan so’ng sog’ayish 6 haftagacha vaqt oladi. Tug’ruqdan keyingi haftalarda rafiqangizga yordam sifatida farzandingizga g’amxo’rlik qilishingiz kerak. Bunga misol qilib, uni cho’miltirish, tagligini almashtirish hamda onasidan uni oziqlantirib berishini so’rash kabilarni keltirish mumkin.

Bunday vaqtda, ishga qaytish va  boshqa qo’shimcha yordamlarni tashkillashtirish borasida rejangizni o’zgartirishingizga to’g’ri kelishi mumkin.

Bajarishingiz kerak bo’lgan tavsiyalar

• Turmush o’rtog’ingiz bilan chaqaloqning dunyoga kelganligi haqidagi yangilikni do’stlar hamda oila a’zolari bilan baham ko’rishni muhokama qiling. Chaqiriladiganlar ro’yxatini tashkillashtiring.
• Uchovingizga ham jismoniy, ham ruhiy yordamga urg’u bergan holda tug’ruqdan keyingi dastlabki vaqtlarni qanday o’tkazish mumkinligini rejalashtiring.
• Agar turmush o’rtog’ingiz tug’ruqni  operatsiya orqali boshidan kechirgan bo’lsa, u tuzalgunicha chaqaloqqa g’amxo’rlik qiling.
• Bir nechta suratlar oling, yoki hamshiradan siz va  farzandingizni suratga olishini so’rang.
• Ona suti bilan oziqlanishda milliy  yordam markazining ishonch raqamlarini saqlab qo’ying. Shuningdek , shifoxonada ishlovchi xodimlar, konsultantlar bilan maslahatlashishingiz mumkin.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi