Farzand o’lik tug’ilishi: otaning judolik hikoyasi

Ota qizi o’lik tug’ilganligi haqida hikoya qilib beradi. Agar farzandingizni yo’qotgan bo’lsangiz, tinchlanib olishingiz juda muhimdir. O’zingiz ishonadigan kimdir bilan suhbat quring.

Chaqaloqning o’lik tug’ilishi. Farzandidan ayrilib qolish.

Agar yaqin kunlarda farzandingizni yo’qotgan bo’lsangiz, siz tushkunlikka tushish, karaxtlik, ishonchsizlik va shunga o’xshash ko’plab so’z bilan ifodalab bo’lmaydigan hissiyotlarni boshingizdan kechirayotgan bo’lishingiz mumkin. Hattoki, bu hodisa ancha vaqt oldin sodir bo’lgan bo’lsa-da, sizning ichki dunyongiz uni kecha sodir bo’lgandek qabul qilaveradi.

Mettyuv qizining o’limi haqidagi hikoyasini o’rtoqlashmoqchi:

Nima bo’ldi?

Homiladorlikning 41-haftasiga yaqinlashib qolgandik, ayolim homilaning harakatsizligini payqadi va biroz tashvishlanib qoldik. Shifoxonaga yetib borgach, doktorlardan yomon xabar oldik. Endi nima bo’lsa ham, rafiqam o’z vujudidan o’lik bolani olib tashlashi kerak edi.

Rafiqangiz og’riqlarni boshidan o’tkazayotganida uning yonida bir yelkadosh bo’lishingiz oliyjanoblikdir. Unga dalda berish uchun har dam yonida bo’lishni xohlaysiz. Qiyinchliklar arafasida turganingizni va hikoyaning yakuni yaxshilik bilan tugamasligini bilishingiz, yuragingizga qadalgan o’qdek uzoq vaqt sizga azob beradi.

Shifoxonada bizga yordam ko’rsatgan odamlar juda oliyjanob edilar.

Kichkintoy qizalog’imiz 4.3 kg lik edi. U homiladorlik davrida, o’z kindigiga o’ralib qolganini aytishdi.

Bu kamdan-kam sodir bo’ladigan hodisaligi hamda bizga berilgan sinov ekanligi kundek ravshan edi va bu ko’p qon yo’qotishga sabab bo’lishi mumkin deb qaralardi.

Qisqa hayot har qanday insonning boshida bo’lishi mumkinligini bilish muhim va buni biz o’zimiz his qildik. Qizalog’imiz 9 oydan ko’p vaqt mobaynida hayot edi, shu vaqt oralig’ida u sevikli inson bo’lishga ulgurdi va oila a’zolarimiz uning tez kelishini xohlashardi. Shunday oilam borligidan nihoyatda mamnun edim.

Uddalay olishlik va ololmaslik.

Ko’plab yigitlar kabi zaif tomoningizni odamlar oldida ko’rsatishni xohlamaysiz. O’sha vaqt alkogol ichganimni eslayman, bundan menga hech qanday naf yo’qligini bilardim. Bular menga yordam bera olmasdi.

Yig’lash zaiflikning belgisi deb hisoblamaganligim sababli qancha xohlasam, shuncha yig’lay olishim mumkin edi. Uddalay olmaslik borasida juda xavotirda edim.

Bu borada kim bilandir maslahatlashib olish kerak deb o’ylayman. Men gaplashgan yigit diniy xodim edi. Ko’nglimdan o’tgan barcha qayg’ular borasida u menga to’g’ri maslahat bera oldi.

Judolikdan keyingi hayot.

Shirin lahzalar yana-da totli bo’lib boraverdi. Hayotimizdagi boshqa lahzalar avval sodir bo’lgan voqealarchalik xira tus olmadi. Demak, avval shunga o’xshash qiyin sinovlarni boshingizdan o’tkazgan bo’lsangiz, juftingiz bilan qolgan har qanday sinovni ham yengib o’ta olasiz.

Hayotingizda yaxshi kunlar kelganida, barchasini boricha qabul qiling, unga o’zingizni baxshida qiling. Bularning barchasi men o’ziga xos eslatma sifatida qaraydigan oddiy tavsiyalar edi.

Farzandning o’lik tug’ilishidan keyin dalda berish

Tug’ilishi zahotiyoq farzandingizni yo’qotgan bo’lsangiz, ba’zida bir o’zingiz yolg’iz qolishni xohlashingiz tabiiy. Lekin bu haqida ishonchli oila a’zolaridan biriga yoki do’stingizga aytib bersangiz ham bo’ladi va bu sog’ayishga tomon qadam hisoblanadi. Shuningdek, professional yordamga ham ehtiyojingiz bor.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi