Dastlabki homiladorlikdagi jinsiy munosabat: erkaklar

Asosiy fikrlar

Agar homiladorlik muammosiz o’tayotgan bo’lsa, jinsiy aloqa qilish xavfsizdir.
Agar sizning ayolingizda ko’ngil aynishi, charchoq va ko’krak og’rig’i bo’lsa, u jinsiy aloqa qilishni xohlamasligi mumkin.
O’z juftingiz bilan hissiyotlar va jinsiy umidsizlik haqida gaplashing.

Homiladorlik paytida jinsiy aloqa qilish

Homiladorlik paytida jinsiy aloqa qilishning oltin qoidasi shundaki, agar homiladorlik muammosiz o’tayotgan bo’lsa, siz va juftingiz shunga haris bo’lsangiz muammo yo’q. Ammo ko’pchilik erkaklarda farzand kutilayotgan vaqtda jinsiy aloqa kamroq bo’ladi.

Homiladorlik paytidagi jinsiy aloqa avvalgisidan farq qilishi mumkin. Shuningdek, siz jinsiy aloqa bolaga zarar yetkazishi mumkin, deb xavotirlanishingiz ham mumkin. Ammo sizning chaqalog’ingiz amniotik xaltachada yaxshi himoyalangan va o’ralgan bo’ladi, shuning uchun bolaga hech qanday zarar yetmaydi.

Agar sizning biror narsaga ishonchingiz komil bo’lmasa, yoki biror bir muammo bo’lsa, masalan, juftingizda homiladorlik paytida qon ketayotgan bo’lsa – UASH, doya yoki akusher bilan maslahatlashing. Ular sizga jinsiy aloqa qilish mumkinmi yoki yo’qligini aytishadi.

Men deyarli chidadim. O’ylaymanki, men jarayonni buzishni xohlamadim. Agar u buni talab qilganida, men bundan bag’oyat xursand bo’lardim, lekin men bilardimki, jamoa uchun bittasini olishga harakat qildim.
– Rojer, farzand kutayotgan ota (30 haftalik)

Homiladorlikdagi jinsiy aloqa: birinchi trimestr (3 oylik)

Dastlabki oylarda ayolingizda ko’ngil aynishi, charchash va jinsiy aloqaga xohish yo’qligi kuzatilishi mumkin. Agar juftingiz o’zini qanday his qilayotganini tasavvur qilishga harakat qilsangiz, nima uchun u jinsiy aloqaga unchalik qiziqmasligini tushunish osonroq bo’lishi mumkin. Ko’krak og’rishi va shishishi kabilar sherigingiz nima uchun bunga xohish bildirmasligining sabablaridandir.

Homiladorlikning ikkinchi, uchinchi oyida u juda ko’p kasal bo’lganida, men bir necha bor uyga kelardim va u: «Agar o’zimni yomon his qilmaganimda, bugun jinsiy aloqa qilganday bo’lardim»,-derdi. Bundan tashqari, butun vaqt davomida uning kayfiyati deyarli yo’q bo’lardi.
– Rojer, farzand kutayotgan ota (30 haftalik)

Kamroq jinsiy munosabat, ko’proq massaj

Agar siz va juftingiz tez-tez jinsiy aloqada bo’lishga odatlangan bo’lsangiz, bu homiladorlik paytida to’satdan to’xtab qolsa yoki kamaysa, sizning hafsalangiz pir bo’lishi yoki asabiylashishingiz mumkin. Yoki shunchaki bunga ko’nikishingiz mumkin.

Nima bo’lgan taqdirda ham bundan qutulishning yo’li bu jinsiy beparvolikka yo’l qo’ymaslik va munosabatlaringizni qurishga e’tibor qaratishdir.

Agar sog’liqni saqlash mutaxassisi sizga va juftingizga jinsiy aloqa qilishni to’xtatishni maslahat bergan bo’lsa yoki sizlardan birortangiz jinsiy aloqada bo’lishni xohlamasangiz, siz boshqa yo’llar bilan yaqin bo’lishingiz mumkin. Masalan, siz hali ham o’pishib, quchoqlashib, bag’ringizga bosib yoki bir-biringizni massaj qilishingiz mumkin.

Siz qila oladigan narsalar

Juftingiz ehtiyojlarini birinchi o’ringa qo’yishga harakat qiling va u o’zini qanday his qilayotgani haqida o’ylang. Ko’ngil aynishi, qusish, ko’krak shishishi va og’rig’i tufayli u jinsiy aloqa qilishni xohlamasligi mumkin.
Juftingiz bilan har qanday jinsiy umidsizlikni muhokama qilish yordam berishi mumkin, shuning uchun har biringiz o’zingizda qanday kechinmalar ro’y berayotganini tushuna olasiz.
Sabr-toqatli bo’ling, juftingiz bilan jinsiy aloqada bo’lmaslik asab buzilishiga olib kelishi mumkin. Bu jarayon doimiy emasligini tushunishga harakat qiling.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi