Erkaklar: homiladorlikda otangiz va oilangiz haqida o’ylar

Asosiy fikrlar:

O’zingizning otangiz bilan bo’ladigan munosabatingiz haqida o’ylashingiz sizga va sherigingizga farzandni qanday tarbiyalashni xohlashingizni hal qilishga yordam beradi.
Farzandingiz bilan qanday oilaviy marosimlar, tartiblar va tadbirlar haqida gaplashishni o’ylab olishingiz mumkin.
Ota bo’lishga ishonchsizlikni his qilish odatiy holdir. Bu boshqa dadalar bilan suhbatlashish, ota-onalik darslarini sinab ko’rish yoki o’z tadqiqotingizni qilish orqali yechim topiladigan muammodir.

Otangiz va oilangizning tajribasi:

Ota bo’lish sizni quyidagilar haqida o’ylashga majbur qilishi mumkin:

o’z otangiz bilan munosabatlaringiz
oila foni
o’sish/rivojlanish tajribalari.

Bu munosabatlar va tajribalar o’z farzandlaringizni qay tarzda tarbiyalash usulingizga ta’sir qilishi mumkin. Siz xuddi ota-onangiz kabi ota-ona bo’lishni yoki boshqacha yo’l tutishni ham xohlashingiz mumkin.

Bundan tashqari, sherigingizning bolalikdagi tajribasi va munosabatlari siznikidan farq qilishi mumkin. Bu tajribalarni baham ko’rish va farzandlaringizni tarbiyalashda ikkalangiz uchun ham nima muhimligini muhokama qilish eng tòģri yo’ldir.

Otangiz bilan eng yaxshi vaqt:

Siz o’sib ulg’ayganingiz sayin otangiz bilan o’tgan yaxshi vaqtlarni eslab qolasiz – masalan, lager sayohatlari, o’yin kechalari, dam olish kunlari sport bilan shug’ullanish yoki tushdan keyin ovqat pishirish kabi.

U bilan bo’lgan vaqtingizni sizga judayam yoqqanini eslash, o’z farzandingiz bilan nima qilishni xohlashingiz haqida o’ylashga yordamlashadi.

»Dadam ko’chada nafaqat men bilan, balki boshqa barcha bolalar bilan o’ynagan ota-ona edi. U barchani mahalliy park yoki plyajga ekskursiya qilish uchun to’plardi yoki «orqa panjarali badminton» musobaqalarini o’tkazardi. U haqiqatan ham o’yin muhimligini birinchi o’ringa qo’ydi va men ham ota-ona sifatida buni qabul qildim. Dadam maqtovlar bilan saxiy edi – u menga har bir harakatim foydali ekanligini o’rgatardi. Hozir farzandlarimning sa’y-harakatlarini maqtaganimda uning ovozini o’z so’zlarimda eshitaman».

– Maks, besh farzandning otasi

Otangiz bilan yaxshi bo’lolmagan vaqtlar:

Garchan bolaligingiz yaxshi o’tgan bo’lsa ham, ko’pchilik dadalar ishlamagan yoki ijobiy bo’lmagan narsalarni takrorlashni xohlamaydilar. Siz bu narsalar nima ekanligini juda yaxshi bilasiz.

»U shu yerda edi, lekin u, u emasdi. U ishda bo’lardi yoki ish uchun sayohatga ketardi. O‘smirligimda otam yiliga 8-9 oyni bizdan uzoqda o‘tkazar edi. Men otamga o’xshamaslikka va’da berdim. Men rafiqamni qo’llab-quvvatlash va bolalarimni tarbiyalash uchun har doim shu erda bo’laman.

– Kallum, egizaklarning otasi».

Oilaviy marosimlar va maxsus dadalik vaqti:

Oilaviy marosimlar – bu sizning oilangiz birgalikda bajaradigan maxsus tartib yoki tadbirlar. Har bir oilaning o’ziga xos marosimlari bor. Ular shanba kuni maxsus ovqat tayyorlash, juma kuni kechqurun maxsus shirinlik, yakshanba kuni parkda futbol va hokazolar bo’lishi mumkin.

Oilaviy urf-odatlar: «Biz oila sifatida shundaymiz» deyishning bir usuli. Ular sizga tegishlilik hissini beradi.

Siz otangiz yoki hayotingizdagi boshqa – amaki, o’gay dada, yoki buva bilan qilgan yoki hozir ham qiladigan maxsus marosimlar yoki harakatlaringiz haqida o’ylashni xohlab qolishingiz mumkin. Bunga quyidagi insonning gaplari ham misol bòla oladi:

»Har oy yakshanba kuni dadam meni, aka-uka va opa-singillarimni olib mashinada, uch soatlik yo‘lga chiqardik. Biz pitsa olamiz, mashinaga qaytish keyin yana uyga qaytamiz. Men buni bolalarim bilan qilishni xohlardim, ammo mening mashinam bilan bunga erisha olaman deb o’ylamayman!»

– Kev, uch farzandning otasi.

O’zingizning maxsus otalik davringizni rejalashtirish:

O’ylab ko’rsangiz, bolangiz bilan davom etishini hohlaydigan maxsus marosim, mashg’ulot yoki vaqt bormi? Eski oilaviy marosimlarni ular bilan baham ko’rish bolangizga katta oilangiz bilan aloqadorlik hissini berishning bir usuli bo’lishi mumkin.

Yoki siz allaqachon o’zingiz va farzandlaringiz uchun yangi tartib va tadbirlarni rejalashtiryapsizmi?

»Shanba kuni ertalab rafiqam uhlayotgan paytda men do’konga boraman, qog’oz va qahva olib, uyga yurib sayr qilib qaytaman. Bolani agar biroz kattaroq bo’lsa, men olishim mumkin. Men uni aravachaga qo’yaman va qog’ozni olaman va biz qahva ichamiz, xotinim bemalol uxlashi mumkin. Men buni intiqlik bilan kutyapman.»

– Rojer, kutilayotgan ota (30 hafta)

Og’riqli fikrlar:

Oilangiz haqida o’ylash ba’zida kuchli yoki og’riqli fikrlar va reaktsiyalarni keltirib chiqarishi mumkin. Agar hammasi juda qiyin bo’lib tuyulsa va o’zingizni xavotirda, tushkun his qilsangiz yoki sherigingiz yoki boshqa odamlardan xafa bo’layotgan, g’azablanayotgan bo’lsangiz, kim bilandir gaplashish yoki professional yordam olish yaxshi fikr bo’lishi mumkin.

Bunday holatlarda shifokoringiz yoki shaxsiy psixologingiz bilan maslahatlashing.

Siz qila oladigan narsalar

Farzandingiz bilan davom etishni xohlagan yoshligingizdagi maxsus vaqtlar yoki narsalar haqida sherigingizga ayting.
Oilangizdagi o’xshash yoki boshqacha bo’lishi mumkin bo’lgan tajribalar haqida o’ylab ko’ring. Siz qochmoqchi/oldini olmoqchi bo’lgan ba’zi narsalar bormi? Buni qanday qilib amalga oshirasiz?
Agar siz asabiylashayotgan yoki ota bo’lishga ishonchingiz komil bo’lmayotgan bo’lsa,- siz yolg’iz emassiz. Hech bir ota-ona barcha javoblarga ega emas – hamma ham xato qilishdan qo’rqadi va hayotda har doim o’rganish kerak bo’lgan narsalar bor. Ota bo‘lish haqidagi ma’lumotni “Otalar” bo‘limiga va veb-saytimizning boshqa qismlariga tashrif buyurib, o‘zingiz tanigan boshqa otalar bilan uchrashish yoki ota-onalar bo‘yicha mashg‘ulotlarga qatnash orqali topishingiz mumkin.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi