Erkaklar: homiladorlik davrida asab va zo’ravonlik

Umumiy mazmuni

• Ba’zida homiladorlik tashvish, qo’rquv, umidsizlik va g‘azabni keltirib chiqarishi mumkin. Bu ba’zan kuchli zo‘ravonlikka olib kelishi mumkin.
• Zo‘ravonlik oddiy insonlarda stressni kuchaytirsa, homilador ayollarda esa bu stress chaqaloqlarga zarar yetkazadi.
• Agar siz asablaringizni boshqarishda qiynalsangiz, 03 raqamiga qo‘ng‘iroq qiling.

Erkaklarning homiladorlikka bo‘lgan munosabati

Homiladorlik ba’zi erkaklar uchun stress, tashvish, bosim, umidsizlik va chalkashlik davri bo‘lishi mumkin. Bu paytda erkaklar chaqaloqning kelishiga tayyorgarlik uchun  kerak bo‘ladigan pul, ish bilan band bo‘lishadi.

Bunda erkakalar  yangi tug‘ilgan chaqaloqqa g‘amxo‘rlik qilishga tayyor emasligi, o‘zi  va ayoli  uchun kam vaqt ajratishdan xavotirlanishi  mumkin. Bunda ayolininb  e’tibori va mehrini chaqaloq bilan bo‘lishish ehtimoli ham bo‘ladi. Ayolining homiladorlik davrida ba’zi erkaklar g‘azablanish, qo‘rqish, tashvishlanish kabi kuchli hislarni boshidan o’tkazishlari mumkin.

Ular bunday kuchli his-tuyg‘ularni birinchi marta boshidan kechirayotgan bo‘lishi mumkin. Yoki, odatda, ularni xafa qilmaydigan narsalar, masalan, ishdagi bosim ham ayni paytda ta‘sir qilishi mumkin.

Umidsizlik va g‘azab kabi hislar tez-tez kuzatilib turishi mumkin, muhimi, ularga qanday munosabatda bo’lishingiz.

Homiladorlik paytida g‘azab zo‘ravonlikka  aylanganda

Ba’zi erkaklar uchun ayollarning homiladorlik davri zo‘ravonlikka olib kelishi mumkin bo‘lgan g‘azablanish bilan birga kechadi.

Ayollarning homiladorlik davrida ba’zi erkaklar munosabatlarida birinchi marta zo‘ravonlik qilishlari mumkin. Yoki agar ular ilgari bu holatga  duch kelgan bo‘lsalar, bu xatti-harakatlarini homiladorlik paytida davom ettiraveradilar.

Zo‘ravonlik munosabatini ko‘rgan ayollar, bunday xatti-harakatlarni qo‘zg‘ashdan qo‘rqishgani uchun go‘yoki “oyoq uchida yurgandek” harakat qilishadi.

Erkaklar uchun g‘azablarini boshqarish usullari

Vaqti-vaqti bilan barcha insonlarda g‘azablanish holati kuzatilib turadi. Ammo g‘azabingizni oilangizga zarar bermaydigan tarzda boshqarish na’munali, yaxshi ota bo‘lishning bir qismi  sanaldi.  Siz g‘azabni sog‘lom usullar bilan ifodalashingiz mumkin, masalan, yugurish yoki torbani urish. G‘azabingizni tinchroq paytlarda nima qo‘zg‘atishi haqida o‘ylash va u haqida gapirish ham uni boshqarishning yaxshi usulidir.

Ammo, agar siz asabingizni boshqarishda qiynalayotgan bo‘lsangiz yoki g‘azabingiz zo‘ravonlikka olib kelayotgan bo‘lsa, yordam olishdan uyalmang.

Agar siz yordam olsangiz, hayotingizni yaxshi tarafga aylantiradigan holatlar bo‘lishi mumkin. Masalan, g‘azablanmasdan gapirishga, fikringizni bildirishingizga, oilangiz va hayotingizdagi boshqa muhim odamlar bilan bo‘lgan munosabatlaringizga bo‘lgan ishonchni tiklashga yordam beradi.

Homiladorlik paytida zo‘ravonlikning ta’siri

Jismoniy shikastlanish yoki jarohatlanish singari zo‘ravonlikka duch kelgan odamlarda bunday holat stress gormonlarining ko‘payishiga olib kelishi mumkin.

Agar homiladorlik paytida ayolga nisbatan  zo‘ravonlik ishlatilsa, bu stress gormonlari yo‘ldosh orqali o‘sayotgan bolaga o‘tadi. Bu  bolaning rivojlanishiga zarar yetkazishi mumkin. Homiladorlik paytida zo‘ravonlik homilani olib tashlashga, chaqoloqning erta tug‘ilishi yoki nobud bo‘lishiga sabab bo‘lishi mumkin.

Bola tug‘ilgandan keyingi zo‘ravonlik

Ota bo‘lish har doim ham oson emas. Siz chaqaloqqa qanday g‘amxo‘rlik qilishni va uning ehtiyojlarini qondirishni o‘rganishingiz kerak. Ammo nima qilishni bilmasangiz, tushkunlikka tushishingiz yoki o‘zingizga bo‘lgan ishonchni yo‘qotishingiz mumkin. Sizda ish bosimi, munosabatlardagi keskinlik yoki uyqusizlik bo’lishi mumkin. Bu stresslar g‘azabga, g‘azab esa zo‘ravonlikka olib kelishi mumkin.

Agar bu kabi holatlar kuzatilsa,  siz nazoratni yo‘qotib, ayolingizga yoki chaqaloqqa zarar yetkazishingizning mumkin.

Zo‘ravonlik yaxshi holat emas

Siz qilishingiz kerak bo‘lgan ishlar

Agar siz o‘zingizni yengishga qodir emasligingizni his qilsangiz yoki ayolingizdan yoki boshqa odamlardan g‘azablansangiz, ranjisangiz yoki jahlingiz chiqsa quyidagi choralarni ko‘ring:

1. O‘zingizni va boshqalarni xavfsiz saqlashingiz uchun vaziyatni o‘z holicha qoldiring. Bu vaziyatdan qochib qolish degani emas, balki  mas’uliyatni o‘z zimmasiga olish sanaladi. Masalan, siz o‘sha paytda “Men hozir asabiylashganman, o‘zimga kelib olishim uchun  tashqariga chiqishim kerak” deyishingiz mumkin.
2. Orqaga qaytishdan oldin, tinchlanishga harakat qiling. Chuqur nafas oling yoki sayr qiling. O‘zingizga ayting: “G‘azablanish bu muammoni hal qilmaydi” yoki “men buni hal qila olaman”. Bu kabi so‘zlar sizni tinchlantirishga yordam beradi.
3. Qaytishdan oldin, tanangizda xotirjamlikni his eting. Sizning tinchlana boshlaganingizning belgilari yurak urish tezligining pasayishi (tez urishdan), mushaklaringiz va jag‘ning bo‘shashishidir  (taranglikdan yoki siqilishdan).
4. Siz xotirjam bo‘lganingizda, sizni nima bezovta qilgani va keyingi safar qanday qilib boshqacha yo‘l tutishingiz mumkinligi haqida o‘ylab ko‘rish ham samarali usul sanaldi.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi