1 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning birinchi haftaligida nimalar kutilishini bilib olishingiz mumkin.

Homilaning 1-haftasi

Aytaylik, siz hozir homilador emassiz. Aslida, bu haftada sizning o’ziga xos ma’lum bir davringiz boshlanadi.

Sizning homilangiz ushbu davrning birinchi kunidan boshlab hisoblanadi. Sababi aynan qachon homilador bo’lganingizni aniq bilish qiyin, hattoki imkonsiz bo’lishi mumkin. Ammo ko’pchilik ayollar homiladorlik boshlangan kunni eslay oladilar.

Homiladorlikdan oldin

Agar siz farzand ko’rishni rejalashtirayotgan bo’lsangiz, shifokorlarning quyidagi tavsiyalarini o’qib chiqishingiz va ularga amal qilishingiz lozim:

• Homiladorlikdan kamida uch oy oldin va homiladorlikning dastlabki uch oyida foliy kislotasini qabul qiling;
• Agar hali qizamiqqa qarshi emlanishga ulgurmagan bo’lsangiz, emlanishga boring va emlashdan keyin bir oy  davomida homilador bo’lishdan saqlaning;
• Agar oilangizda irsiy kasalligi bor yaqinlaringiz bo’lsa, shifokor yoki genetik maslahatchi bilan gaplashing;
• Shifokoringiz bilan gaplashib, qabul qilayotgan dorilaringizning xavfsizligini tekshiring;
• Kofeinli qahva, choy va boshqalarni ko’p ichishdan saqlaning;
• Chekish, spirtli ichimliklar iste’mol qilish kabi zararli odatlardan yiroq bo’ling, shuningdek, shifokor maslahatisiz turli xil dorilar qabul qilmang;
• Sog’lom va muvozanatli (yengil) ovqatlaning, vitamin va minerallarga boy mahsulotlarni iste’mol qiling;
• Jismoniy faol bo’ling va agar sizda ortiqcha vazn bilan bog’liq muammo bo’lsa, sog’lom vaznga ega bo’lish borasida shifokoringiz bilan maslahatlashing;
• Agar sizda qon bosimi, diabet yoki epilepsiya kabi surunkali sog’liq muammolari bo’lsa, tibbiy ko’rikdan o’ting.

Shuningdek, bu davrda homiladorlik davridagi mehnat huquqlari, oilaviy budjet, uy va transportingiz bilan bog’liq masalalar, siz va turmush o’rtog’ingiz bola parvarishini qanday tashkil qilishni rejalashtirayotganingiz haqida o’ylashingiz ham mumkin.

Homilador bo’lishni rejalashtirilmagan bo’lishingiz mumkin. Hechqisi yo’q. Homila parvarishini rejalashtirishni boshlash uchun imkon qadar tez shifokorga murojaat qilish siz uchun eng to’g’ri va maqbul yo’ldir.

Homilaning 2-haftasini o’qish

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi