Yangi chaqaloq uchun kerakli narsalar ro‘yxati: uy uchun va go‘dak uchun kerakli narsalar

Asosiy jihatlar
• Yangi mehmoningiz uchun kerakli narsalar ro‘yxatidan avtokreslo, bolalar krovati, tagliklar va chaqaloqlar uchun asosiy kiyim kabilar o‘rin olishi mumkin.
• Siz avval ishlatilgan o‘yinchoqlar, kiyimlar va mebellarni sotib olib pulingizni tejashingiz mumkin.
• Har doim yangi yoki sekond-hend mahsulotlarini olganingizda ularning xavfsiz ekanini tekshirib ko‘ring.

Chaqaloq uchun kerakli narsalar ro‘yxati: uyni tayyorlash

Uyingizni tayyorlash sizga, umr yo‘ldoshingiz va boshqa farzandlaringizning chaqaloq kelishiga tayyorgarlik ko‘rishingizda ayni muddao bo‘ladi.
Bola qayerda uxlaydi
Agar sizda yangi xona tayyorlash uchun vaqt yoki joy yetishmaydigan bo‘lsa bolaning krovatini yotoqxonangizning bir burchagiga qo‘yishingiz mumkin. Umuman olganda, dastlabki 6-12 oy davomida go‘dakning krovati sizning xonangizda bo‘lishi chaqaloqlarning kutilmaganda vafot etishini oldini olishga yordam beradi.
Xonada mo‘tadil xaroratni saqlash uchun sizga ventilyator yoki isitgich kerak bo‘ladi. Venilyatorni xonaning boladan uzoq bo‘lgan qismiga joylashtirganingiz ma’qul. Isitgichdan foydalanadigan bo‘lsangiz, hona eshigi biroz ochiq turishini nazorat qiling, shunda issiqlik xaddan ortib ketmaydi.
Taglikni qayerda almashtirish mumkin
Aksariyat ota-onalar taglikni almashtirish uchun maxsus stol sotib oladilar, ammo bu ishni polda gilamcha ustida amalga oshirish bolangizni yiqilib ketish xavfining oldini oladi.
Taglikni o‘zingizni krovatingizda ham almashtirishingiz mumkin. Ba’zi ota-onalar uchun taglik almashtirishning maxsus stolidan foydalanish oson bo‘ladi. Agar siz bolangizni maxsus stolda yoki krovatingizda kiyintiradigan bo‘lsangiz, bolangiz yiqilib tushmasligi uchun doim e’tiborli bo‘ling.
Bolani cho‘miltirish
Bolangizni cho‘miltirish uchun joy tayyorlashda hech qanday maxsus narsa kerak emas. Go‘dakni oshxonadagi rakovina yoki kir yuvish tog‘orasida cho‘miltirishingiz ham mumkin, bu ham xavfsiz, ham tozalik qoidalariga mos keladi.
Bolani ovqatlantirish
Go‘dakni o‘zingizga qulay bo‘lgan va bolani bemalol ko‘targan holatingizda har qanday joyda ovqatlantirishingiz mumikn. Zarurat tug‘ilsa yostiqlar yordamida o‘zingiza qulaylik yaratib olishingiz mumkin. Tun vaqtida stol chirog‘i bolangizni ovqatlantirishingizda qo‘shimcha yordam beradi.

Bolangiz uchun uyingizni xavfsiz holatga keltirishning eng to‘g‘ri yo‘li katta o‘zgarishlar qilish emas, balki nima kutish mumkin ekanligini bilishdir.

Go‘dak uchun kerakli maxsus narsalar

Go‘dak uchun kerakli narsalar doim o‘zgarib turadi, shuning uchun ham ularni sotib olishingiz, ishlatish uchun yaqiningizdan olib turishingiz yoki ijaraga olishingiz mumkin.
Avval boshida sizga kerak bo‘ladigan maxsus narsalar quyida keltirilgan.
Asosiy jihozlar
• Kasalxonadan uyga qaytishingizda sizga go‘dak uchun maxsus avtokreslo kerak bo‘ladi. Yaxshisi uni bola tug‘ilmasidan avval sozlab qo‘ying.
• Bolaning miriqib uhlashi uchun mustahkam bolalar krovati, maxsus to‘shak va choyshablar kerak bo‘ladi. Ba’zi ota-onalar ilk oylarda bolalar belanchagi yoki beshikdan foydalanishni ma’qul ko‘rishadi, ammo to‘g‘ridan-to‘g‘ri keng xajmli krovatni tanlash xavfsizroq va arzonroq yechim bo‘ladi.
• Tagliklar: ko‘p martalik tagliklarni ishlatishni afzal ko‘rsangiz ham, bir nechta bir martalik tagliklarni olib qo‘yishingiz foydadan holi bo‘lmaydi.
• Agar bolani chaqaloqlar butilkasida ovqatlantiradigan bo‘lsangiz, sizga butilka, so‘rg‘ich va ularni tozalash uchun maxsus vositalar kerak bo‘ladi.
• Bolani emizadigan bo‘lsangiz, zarurat bo‘lganda sutni sog‘ish uchun maxsus sut sog‘ish jihozi kerak bo‘lishi mumkin.
Ona uchun kerakli narsalar
• Sizga homiladorlar uchun ishlab chiqarilgan qalin yoki maxsus prokladkalar kerak bo‘ladi. Ularni tug‘ruqxona uchun kerakli miqdorda va uyingizda ko‘proq tayyorlab qo‘yganingiz ma’qul.
• Emizadigan bo‘lsangiz, maxsus ich kiyim va sut oqib ketmasligi uchun maxsus matochalar kerak bo‘ladi.
Bola uchun kerakli narsalar
• Bolani kiyintirish uchun 3-4 ta bolalar kombinezoni, ichidan kiydirish uchun bir nechta bolalar maykasi va nimchasi bo‘lgani yaxshi. Shuningdek, mavsumga yoki yashash joyingizga qarab sizga bolalar kardigani yoki jemferi ham kerak bo‘lishi mumkin.
• Bir nechta yo‘rgak: tabiiy matodan qilingan yo‘rgaklar yengil bo‘ladi, ularni yoz oylari uchun ham bemalol ishlatsangiz bo‘ladi.

Asosiy narsalarni olib bo‘lgach, qo‘shimcha narsalarni olmasligingiz yoki ularni sotib olishni keyinroqqa qoldirishingiz mumkin bo‘ladi. Ba’zi jihozlar qimmatroq bo‘ladi, shuning uchun ham reklama qilinadigan yoki odamlar aytgan narsalarni emas, sizga haqiqatan kerak bo‘ladigan narsalarni sotib oling

Bola uchun qo‘shimcha jihozlar

Quyida foydali bo‘lgan qo‘shimcha jihozlar keltirilgan:
• Bolalar vannasi va har safar cho‘miltirgach chaqaloqni artintirish va o‘rab qo‘yish uchun ishlatiladigan bir nechta yumshoq sochiqlar
• Yo‘rgaklar uchun qopqoqli maxsus idish
• Tagliklar uchun bir martalik shaxsiy paket (yoki ishlatilgan polietilen paketlar) – ayniqsa bola bilan tashqariga chiqqaningizda asqotadi.
Talkdan foydalanish tavsiya etilmaydi, chunki unda bola nafas olishi mumkin bo‘lgan juda mayda elementlar mavjud. Shuningdek u chaqaloqning jinsiy a’zolariga zarar yetkazishi mumkin.

Tadqiqotchilar bolalarni yurishiga yordamlashuvchi qurilmani (xodunok) sotib olishdan qaytaradilar. Ular bolalar uchun xavf tug‘dirishi va qarovsiz qoldirilgan holatlarda yiqilishiga sabab bo‘lishi mumkin

Bolalar jihozlari uchun pulni tejash

Siz ikkinchi qo‘l narsalarni sotib olish yoki ularni kimdandir olish yoki o‘zingiz avval foydalangan o‘yinchoqlar, kiyimlar va bolalar shkafchasi kabi narsalardan foydalanish orqali ancha pulni tejashingiz mumkin.
Bunday narsalarni quyidagi joylardan topishingiz mumkin:
• eBay, OLX kabi internet saytlari
• tijoriy gazetalar
• ota-onalar guruhlari
• mahalliy reklama jamiyati va savdo uylari
• mahalliy do‘konlar
• Sekond-hend do‘konlar.
Pulni tejashning yana bir usuli kerakli narsalarnigina sotib olishdir. Ba’zi bolalar jihozlarini sotib olishda chalg‘ib qolish mumkin bo‘ladi. Shuning uchun boshqa ota-onalar bilan gaplashib, ulardan nimalar haqiqatda kerak bo‘lishini bilib olganingiz ma’qul.
Tagliklar va bir martalik sochiqchalar arzonlashgan yoki maxsus taklif bilan sotilgan holatlarni o‘tkazib yubormaslikka harakat qiling, yoki ular arzonroq bo‘lgan vaqti g‘amlab qo‘ying. Bunda yaroqlilik muddatiga e’tibor qarating.

Ba’zi mamlakatlarda ommaviy kutubxonalarda mijozlarga kitoblar bilan birga o‘yinchoqlar ham ma’lum muddatga beriladi. Bunda o‘yinchoqlarning maxsus standartlarga mos kelishini tekshirish lozim.

Xavfsizlik va sekond-hend bolalar jihozlari

Siz sekondhend bo‘lgan bolalar jihozlarini ijaraga yoki shunchaki qabul qilib olganingizda ularning maxsus yorliqqa ega va xavfsiz bo‘lganlarinigina tanlang. Standartga mos bo‘lgan bolalar jihozlaridan foydalansangiz, bolaning jiddiy jarohatlanishi va o‘lim xavfining oldini olishingiz mumkin bo‘ladi.
Krovat, to‘shak, avtokreslo kabilarni tanlashda ularning yaxshi saqlanganligiga e’tibor bering. Agar mahsulot halokatga uchragan yoki buzilgan bo‘lsa yoki uning qanday saqlanganligi haqida ma’lumotga ega bo‘lmasangiz uni qabul qilmang yoki sotib olmang. Sotib olishdan avval mahsulotni yaxshilab tekshirib ko‘ring. Sekond hend jihozni rasmiga qarab turib baholab bo‘lmaydi.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi