Bolalar aravasidan foydalanishda xavfsizlik qoidalariga rioya qilish

Asosiy jihatlar
• Bolalar aravasi mustahkam ramaga ega, beshta qismli himoya kamari va xavfsizlik tasmasiga ega bo‘lishi lozim.
• Bolalar aravasidan foydalanganda uning qismlarini yaxshilab qotiring, besh qismdan iborat kamarni mahkamlang va har to‘htaganingizda g‘ildiraklar harakatini cheklab qo‘ying.
• Arava tutqichiga sumkangizni ilmang va aravaga iloji boricha kamroq yuk orting.

Bolalar uchun xavfsiz arava sotib olishda e’tibor berish kerak bo‘lgan jihatlar

Yangi arava sotib olsangiz avvalo uning standartlarga mos kelishini tekshirib qo‘ring.
Quyida xavfsiz arava sotib olishda asqotadigan maslahatlar berilgan:
• Ramasi mustahkam bo‘lgan, boshqarish qulay va oyoq qo‘yadigan moslamasi ishonchli va xavfsiz bo‘lgan aravani tanlang.
• Aravaning bolangizni yelkalari, beli va oyoqlari orasidan o‘tadigan besh qismli himoya kamariga ega ekanini tekshiring.
• Aravaning birdan ortiq to‘xtatish moslamasiga ega ekanini, qo‘shimcha qizil to‘xtash dastagi borligini tekshiring.
• Xavfsizlik tasmasi mavjudligini tekshiring.
• Bolangizning yoshi va vazniga to‘g‘ri kelishini tekshirish uchun ishlab chiqaruvchi tomonidan taqdim etilgan ko‘rsatma bilan tanishib chiqing.
Bolalar aravasidan foydalanishda xavfsizlik qoidalari
Farzandingiz bilan aravada sayr qilishga chiqqaningizda quyidagi qoidalarga rioya qilib xavfli vaziyatlarning oldini olishingiz mumkin bo‘ladi:
• Arava yiqilib ketmasligi uchun uning qismlari mustahkam qotirilganiga ahamiyat bering.
• Har doim besh qismdan iborat himoya kamarini taqib qo‘ying, aks holda bolangiz yiqilib tushishi mumkin. Farzandingiz kamar mustahkamlangandan keyingina yurish mumkinligini bilishi kerak.
• Sumkalarni arava tutqichiga ilmang, muvozanatni saqlashga yordam berishi uchun o‘rindiq tagida joylashgan savatga qo‘ying.
• Aravaga iloji boricha kamroq yuk qo‘ying. Masalan, yostiqlar bemalol harakatlanishga xalaqit qilishi va bo‘g‘ilib qolish xavfini yuzaga keltirishi mumkin.
• Har safar to‘htaganingizda g‘ildiraklar harakatini cheklab qo‘ying, xatto tekis yuzada ham, aks holda bola aravani yurib ketishiga ta’sir ko‘rsatishi mumkin bo‘ladi.
• Xavfli vaziyatga tushib qolmaslik uchun har doim aravani katta yo‘l va temir yo‘lga parallel ravishda to‘htating.
• Xavfsizlik tasmasini bilagingizdan o‘tkazib oling.

Agar farzandingiz aravada uhlab qolsa, yoki unga qarab turing yoki krovatiga olib qo‘ying. Bola xatto uhlayotganda ham aravada e’tiborsiz qoldirib bo‘lmaydi. Aks holda ular qimirlashlari va aravani ag‘darib yuborishlari mumkin. Natijada bo‘g‘ilib qolish yoki arava qismlari orasida qisilib qolish xavfi yuzaga keladi.

Bolalar aravasi bilan sayrga chiqqaningizda e’tibor berishingiz kerak bo‘lgan jihatlar

Quyidagi maslahatlarga amal qilib o‘zingiz va farzandingizning xavfsizligini ta’minlashingiz mumkin bo‘ladi:
• Aravani notekis joylardan, to‘siqlar ustidan, zinadan tepaga yoki pastga harakatlantirmang. Bu jarohatlanish xavfini oshiradi va aravaning shikastlanishiga sabab bo‘ladi.
• Bolangiz katta bo‘lib, harakatlari ko‘paygach aravadan turmaslikni va unga suyanmaslikni o‘rgating.
• Katta farzandlaringizning aravaga chiqishga urinishlariga e’tiborli bo‘ling, ular aravani yiqitib yuborishlar mumkin. Ularga aravada faqat bitta odam o‘tirishini tushuntiring.
• Arava bilan avtobus, vagon yoki tramvayga chiqadigan bo‘lsangiz, atrofingizdagi odamlardan yordam so‘rang.

Bolangizning sog‘lom unib-o‘sishi uchun jismoniy faollik muhim hisoblanadi. Shuning uchun ham uning aravada va bemalol harakat qilishi uchun gilamchada o‘tkazadigan vaqtini teng taqsimlashga harakat qiling.

Bolalar aravasida jarohatlanish holatlari

Har yili ko‘plab bolalar arava bilan bog‘liq jarohat olib kasalxonaga keltiriladi.
Arava bilan bog‘liq jarohatlarning aksariyati uning ag‘darilib ketishi tufayli yuz beradi. Xatto eng mustahkam arava ham uning tutqichiga og‘ir sumka osilgani tufayli ag‘darilib ketishi mumkin.
Aravaning yurib ketishi ham bolalarning jarohatlanishiga sabab bo‘ladi. Ba’zi hollarda aravaning yurib ketishi uning ichidagi bolaning bevaqt o‘limiga sabab bo‘lishi kuzatilgan.
Arava bilan bog‘liq jarohat turlari:
• Aravadan yiqilib tushish natijasida zarba olish, ko‘karish va boshqa jiddiyroq jarohatlar
• Qo‘l-oyoqlarning yoki barmoqlarning qisilib yoki siqilib qolishi
• Bolaning arava qismlari orasiga tushib qolishi tufayli yuzaga kelgan bo‘g‘ilish holati
• Ota-onaning arava boshqaruvini yo‘qotishi natijasida yuzaga kelgan o‘lim yoki jiddiy jarohatlanish holati.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi