Uyda tayyorlangan bolalar ovqatlari

Uyda tayyorlangan bolalar ovqatlari uchun ingredientlar

Birinchidan, taomlar temirga boy boʻlishi kerak. Temir bilan boyitilgan don, yangi mol, qoʻy yoki tovuq goʻshti, dukkaklilar yoki tuxumlardan foydalanishingiz mumkin.

Temirga boy ovqatlar bilan bir qatorda banan, avakado, olma, nok, qovoq yoki kartoshka kabi meva va sabzavotlar ham boʻlishi mumkin. Siz goʻsht va sabzavotlar kabi ovqatlarni aralashtirishingiz mumkin. Goʻsht, meva va sabzavotlar bilan birgalikda pishirilgan tuxum va yeryongʻoq kabi allergiyaga olib keladigan ovqatlarni ham taomnomaga qoʻshing. Bularni har qanday tartibda berishingiz mumkin.

Temir va vitaminlarga boy boʻlishi bilan bir qatorda, taomlar silliq, pyureli, yoki yumshoq boʻlaklarga boʻlingan boʻlishi kerak. Asta-sekin koʻproq oziq-ovqat va turli aralashmalarni sinab koʻrishingiz mumkin.

Uyda bolalar ovqatlarini tayyorlash

1-qadam: pyureli bolalar ovqatini tayyorlash uchun meva va sabzavotlarning poʻstlog’ini tozalang. Goʻshtdan yogʻlarni, tovuqdan terisini tozalab olib tashlang.

2-qadam: ovqatlarni yumshoq pishgungacha bugʻlang, mikrotoʻlqinli pechda pishiring yoki qaynatib oling. Pishirilgan suyuqliklarining bir qismini chetga surib qoʻying.

3-qadam: Masalliqlarni pyuresi holatiga keltirib ezing. Agar zarur boʻlsa olib qoʻygan suyuqlikdan qoʻshing. Dastlabki kunlarda goʻshtni yaxshilab maydalang yoki pyuresini tayyorlang. Baliqdan ham suyaklarni olib tashlang.

Uyda tayyorlangan bolalar ovqatlarini saqlash

Bolalar ovqatlarini plastik idishlarda saqlang. Muzlatgichda 2 kungacha yoki muzlatgich muzxonasida 30 kungacha saqlashingiz mumkin. Idishlarni tarkibi va tayyorlangan sanasi bilan belgilab qoʻying.

Toza idishlarda usti yopiq holda pyureni 30 kungacha muzlatib qoʻyishingiz mumkin.

Ovqatni berish uchun ooziq-ovqat kublarini shisha yoki sopol idishga soling. Mikrotoʻlqinli pechda yoki pechda isitiladi. Issiq nuqtalardan qutulish uchun yaxshilab aralashtiramiz. Chaqaloqqa berishdan oldin haroratni toza qoshiq bilan labingizga tekkizib tekshiring. Ortib qolgan ovqatni qayta muzlatib qoʻymang, tashlab yuboring.