Bola oshqozonidagi muammolar

Maktab yoshidagi bolalarda oshqozon buzilishi tez-tez uchraydi. Bunga sabab noto’g’ri ovqatlanishdir.

Ertalab maktabga shoshayotgan bolaning yaxshilab ovqatlanishga vaqti va sabri yetmaydi, peshinda ovqatlanib olish uchun berilgan pulni bola kompyuter o’yinlariga yoki shirin kukuruzga ishlatishni afzal biladi. Natijada bolaning oshqozoni ishdan chiqishni boshlaydi, fermentlar faoliyati buziladi, oshqozon osti bezi funksiyasi yomonlashadi.

Bolaning ovqatlanish tarzida eng muhimi tartib bo’lishidir. O’z vaqtida issiq ovqat va boshqa kerakli mahsulotlardan iste’mol qilish muhim ahamiyat kasb etadi. Bundan tashqari, quyidagi mahsulotlar nafaqat bolaning oshqozoni uchun balki butun organizmi va immun tizimi uchun zararli ekanligini unutmang.

Bolada oshqozon buzilishi yuz bersa, quyidagi mahsulotlarning iste’molini cheklang:

Zararli mahsulotlar:

Kiriyeshka — bu sun’iy non bo’lakchalarda organizm uchun xavfli kimyoviy moddalar mavjud.

Koka-kola, fanta — tarkibidagi kofein bola uyqusining buzilishiga va asabiy bo’lib qolishiga olib keladi.

Qurt — tuzning haddan tashqari ko’pligi o’sayotgan bolaning buyrak tizimiga salbiy ta’sir ko’rsatadi.

Pista — gigienik qoidalarga umuman rioya qilinmay sotiladigan mahsulot. Uning ustki qoplami juda kir bo’lib, bola oshqozonining yallig’lanishiga olib kelishi mumkin;

Shirin kukuruz — ichida shakarning miqdori juda ko’p bo’lganligi uchun vaznni nosog’lom ravishda tez ortishiga olib keladi;

Tez tayyorlanadigan lapsha va sho’rvalar — bola organizmi uchun zararli kimyoviy moddalarga ega;

Sho’r pechenyelar — tuzning ko’pligi bolaning buyragiga og’irlik qiladi;

Saqich — u 30 daqiqadan ko’p chaynalsa, tish emalini yemirish xususiyatiga ega;

Chupa-chups — bolaning ishtahasini bo’g’adi va tish-jag’ tizmiga salbiy ta’sir ko’rsatadi;

Gamburger — ichidagi kotlet tez pishishi uchun tarkibida organizmga zararli kimyoviy moddalar mavjud.

Bolaga yuqorida ko’rsatilgan mahsulotlarni umuman bermaslik kerak. Afsuski, ayrim bolalar bu mahsulotlarni nonushta o’rniga iste’mol qiladilar.

Bola ishlatayotgan pulni nazorat qilishning imkoni bo’lmasa, pulning o’rniga uyda tayyorlangan pirajka, somsa, non bilan pishloq yoki kolbasa kabi ishonarli yeguliklardan qaynagan choy bilan berib yuborish maqsadga muvofiq bo’ladi.

Manba

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi