Ona va bolaning bir-biriga munosabati va bogʻliqligi

Asosiy jihatlar:

• Yaqin munosabat bolaning rivojlanishi uchun juda muhim hisoblanadi.
• Ota-onaning mehr-muhabbat, samimiyat hamda gʻamxoʻrlik koʻrsatishi orqali yaqin munosabatlar yuzaga keladi.
• Yangi tugʻilgan chaqaloqlar odatda onalari bilan imo-ishoralar orqali muloqotda boʻlishadi.
• Bola bilan oʻzaro aloqani mustahkamlashda, jilmayishni, qoʻshiq hirgoyi qilib, kitob oʻqib berishni hamda, quchoqlashni unutmang.

Yangi tugʻilgan chaqaloq bilan qanday munosabatda boʻlish kerak?

Bolaga nisbatan ijobiy munosabat oʻrnatish bola mehr-muhabbatga, eʼtiborga ehtiyoj sezganda munosib javob bera olishdir. Shu orqali bolaning hayotida eng ishonchli va koʻzga koʻringan inson boʻla olasiz.

Yangi tugʻilgan chaqaloq bilan yaqin munosabatda boʻlish qanchalik muhim ahamiyatga ega?

Siz va farzandingiz oʻrtalaringizdagi ilk  munosabat bolaning rivojlanishida muhim ahamiyat kasb etadi. Siz va sizning eʼtiboringiz orqali dunyoni taniy boshlaydi, odamlarni oʻrganadi.

Shuningdek, nafaqat jismoniy balki maʼnaviy jihatdan oʻsishi va rivojlanishi uchun ham bolani e’tiborsiz qoldirmang. Bolaning ona bagʻrida boʻlishi oʻzini xavfsiz his qilishidan tashqari onaga nisbatan oʻrganish hissini  koʻpaytiradi hamda miyada foydali gormonlarni ishga tushiradi. Bu gormonlarning vazifasi bolaning miyasini toʻlaqonli rivojlanishi uchun muhimdir. Oʻz navbatida, bola miyasining toʻgʻri rivojlanib borishi uning fikrlashiga, tilni yaxshi oʻrganishiga shu orqali oʻz fikrini bayon qilib borishiga oʻz taʼsirini koʻrsatadi.

Yangi tugʻilgan chaqaloqning dastlabki yaqinlikdagi xarakterlari qanday boʻladi?

Yangi tugʻilgan chaqalogʻingiz sizga nimadir tushuntirishni xohlasa qoʻl harakatlari yoki yigʻidan foydalanadi. Shunda sizning unga boʻlgan munosabatingiz yaxshilanib boradi.

Masalan, bola:

• sizdan koʻzini uzmagan holda, kulib qarashi;
• ba’zi yengil shovqinlar qilishi mumkin;
• tinchlanganda ham biron narsaga qiziqishi mumkin.

Qanday usullar orqali bola bilan munosabat oʻrnatish mumkin?

Mehr-muhabbat hamda iltifot bilan bolaga eʼtiborli boʻlish bola oʻzini xavfsiz hamda behavotir his etishida hamda oʻrtangizda ishonch rishtalari qurilishida muhim oʻrin tutadi. Shu bilan birgalikda, uning harakatiga munosabat bildirib, masalan, kulsa, siz ham kulishingiz, gapirsa, gaplariga javob berish orqali ishonchni hamda oʻrtangizdagi rishtani yanada mustahkamlab borishingiz mumkin.

• Muntazam ravishda, farzandingizni bagʻringizda olib yuring. Ayniqsa tugʻilganidan boshlab onasini tanishi uchun uni ona bagʻriga qoʻyilishi ham bejiz emas. Bolani tagligini almashtirishda yoki choʻmiltirishda imkon qadar silab siypashni unutmang.
• Bolaning yigʻlashiga toʻgʻri javob qaytaring. Har doim ham maʼlum sabablarga koʻra yigʻlayapti deb ayta olmaysiz. Ammo javob berish orqali, uni ruhan xavfsiz his qilishiga yordam bergan boʻlasiz.
• Farzandingizni qoʻlingizda tuting. Yoki shunchaki bolalar aravachasida sayrlarga olib chiqing.
• Bolani shuningdek, jismonan xavfsiz ekanligini ham taʼminlang. Tashqariga chiqishdan oldin yumshoq choyshab bilan oʻrab oling.
• Bola toki oʻzini yolgʻiz his etishdan toʻxtamaguncha u bilan muloqot qiling. Ertak, she’r yoki shunchaki nima bilan shugʻullanayotganingiz haqida aytib berishingiz mumkin. Shu orqali bola sizning ovozingizga tez oʻrgana boshlaydi. Shuningdek, keyinchalik til oʻrganishi uchun ham asos boʻlib xizmat qiladi.
• Qoʻshiqlar kuylab bering. Yangi tugʻilgan chaqaloq koʻp harakatda boʻlishga moyilligi boʻladi. Shuning uchun, siz  tinchlantiruvchi hamda raqsbop qoʻshiqlarni oʻz oʻrnida ishlating. Qanchalik sizdan tinchlantiruvchi qoʻshiqlar eshitsa, shunchalik tinchlanib boradi.
• Bolaga gapirish, kuylash davomida uning koʻzlariga qarashni unutmang. Sababi shu orqali bola hissiyot hamda so’zlarni tushuna boshlaydi.

Yaqin munosabatda boʻlishlik qiyinchilik tugʻdirsa qanday yoʻl tutmoqlik maqsadga muvofiq?

Bola tugʻilgandan boshlab sizni taftingizni his eta boshlaydi. Ammo sizga toʻliq oʻrganishi uchun hafta -oy vaqtlar talab etiladi.

Quyida munosabatlarni yanada yaqinlashtirish uchun taklif va maslahatlar berilgan:

• Farzandingiz bilan mazmunli vaqt oʻtkazish uchun harakat qiling. Bolaga nisbatan  gʻamxoʻrlikni u bilan oʻtkazayotgan har bir daqiqangizda koʻrsatishingiz mumkin. Masalan, uni quchoqlash, qoʻshiq kuylab berish, yoki baland ovozda kitob oʻqib berish orqali.
• Dunyoga farzandingiz koʻzi bilan boqing. Farzandingiz nima qilmoqchiligini, nimani his etmoqchiligini tasavvur qiling. Bolaning nima yoqtirishi hamda yoqtirmasligini aniqlashtirib oling. Masalan, farzandingiz oila davrasida vaqtini chogʻ oʻtkazishga ishtiyoqmandmi yoki shunchaki qoʻllaringizda turgan holda, atrofga nazar tashlashni xohlaydimi. Bunga oydinlik kiritibgina uning ichki dunyosiga kira olasiz.
• Moslashuvchan boʻling. Har qanday yangi tugʻilgan chaqaloq uyquga yotishi, oziqlanishi hamda onasi bilan oʻynashi uchun vaqtini oʻzgartirishi mumkin.

Yaqin munosabat oʻrnatishda qoʻshimcha yordam olish

Bolaga gʻamxoʻrlik koʻrsatayotgan yaqin insonlariga, ayniqsa ota-onasiga  nisbatan munosabat shakllanib boradi. Shuningdek, atrofidagi boshqa insonlarga nisbatan ham munosabat vujudga keladi. Masalan, bunda bolaning buvisi hamda buvasi boʻlishi mumkin.

Bolaga koʻplab insonlarning masʼul boʻlishi uni keyinchalik odamlar orasida erkin his qilishida muhim ahamiyatga ega hisoblanadi.