Homiladorlik, jinsiy aloqa va munosabatlar: ayollar uchun

Asosiy fikrlar

• Homiladorlik davringizda, turmush oʻrtogʻingiz bilan aloqa qilish xohishingiz avvalgisidan farq qilishi odatiy holdir.
• Homiladorlik paytidagi bunday o’zgarishlar natijasida tushkunlikka tushish tabiiy hol.
• Suhbatlashish, bir-biringizni qo’llab-quvvatlash va birga vaqt o’tkazish orqali munosabatlaringizni mustahkamlashga e’tibor qarating.

Homiladorlik paytida jinsiy aloqa

Homilador bo’lganingizda, jinsiy istakning avvalgidan yuqori yoki past bo’lishi odatiy holdir. Buning sababi tanadagi o’zgarishlar, gormonlar, kayfiyat va energiya darajalari bo’lishi mumkin. Bu o’zgarishlar tabiiy va har bir homiladorlik davrida har xil bo’lishi mumkin.

Aksariyat juftliklar farzand kutayotganlarida kamroq aloqada bo’ladilar. Agar sizda yoki sizning eringizda aloqa qilishga xohish bo’lmasa, buni normal holat deb qabul qiling.

Birinchi trimestrda aloqa

Birinchi trimestrda ko’ngil aynishi, charchoq, ko’krak og’rig’i va shishishi bo’lishi mumkin. Shu sabablarga ko’ra siz aloqa qilishga kamroq qiziqish bildirasiz.

Yoki aksincha bo’lishi ham mumkin.

Ikkinchi trimestrda aloqa

Ikkinchi trimestrda aloqa uchun ko’proq kuch va qiziqish borligini his qilishingiz mumkin. Ehtimol, homiladorlikning dastlabki davridagi alomatlaringiz ancha susaygan. Gormonlaringiz va jinsiy a’zolaringizga qo’shimcha qon oqimi o’zingizni yaxshi his qilishingizga yordam berishi mumkin.

Ikkinchi trimestrda aloqa qilish istagining kamayishi odatiy holdir.

Uchinchi trimestrda aloqa

Homiladorlikning oxirgi oylarida siz va turmush oʻrtogʻingiz aloqa chaqalogʻingizga zarar yetkazishi mumkinligi haqida ko’proq tashvishlanishingiz mumkin. Ammo homiladorlik bilan bog’liq muammolar bo’lmasa, aloqa bolaga zarar yetkazmaydi.

Qoriningiz kattalashgani sayin sizga va eringizga qulay jinsiy pozitsiyalarni topish qiyinroq bo’lishi mumkin. Va siz o’zingizni odatdagidan ko’ra charchagan his qilishingiz mumkin. Bularning barchasi aloqa qilishni xohlamasligingizning sabablari bo’lishi mumkin.

Homiladorlik paytida jinsiy munosabatlardagi o’zgarishlar: ularni qanday hal qilish kerak?

Agar siz va sizning eringiz tez-tez aloqada bo’lishga odatlangan bo’lsangiz, biroq homiladorlik paytida kamroq aloqa qilayotganingizni sezsangiz, ikkalangiz ham asabiylashishingiz mumkin.

Asosiysi — umidsizlikka yo’l qo’ymaslik. O’zaro munosabatlaringizni mustahkamlashga e’tibor qarating.

Siz munosabatlaringizni quyidagi yo’llar bilan mustahkamlashingiz mumkin:

• Bir-biringizning his-tuyg’ularingiz haqida suhbatlashing, shunda har biringiz nima qilayotganingizni tushunasiz.
• Bir-biringizga nisbatan sabr-toqatli bo’lish. O’zgarishlar asabiy qilishi mumkin, lekin munosabatlaringizdagi bu bosqich doimiy emas.
• Er-xotin bo’lib vaqt o’tkazish. Siz chaqalog’ingiz tug’ilganidan keyin bajarish uchun vaqtingiz kam bo’ladigan narsalarni qilishingiz mumkin: uxlash, birgalikda film tomosha qilish, ovqat tayyorlash kabi.