Homiladorlik paytida jinsiy munosabat

Asosiy fikrlar

• Homiladorlik paytida jinsiy aloqa avvalgilaridan farq qilishi mumkin.
• Agar sizning homiladorlik davringiz muammosiz o’tayotgan bo’lsa, homiladorlik paytida jinsiy aloqa qilish xavfsizdir.
• Homiladorlik davringizda, jinsiy aloqa paytida yoki undan keyin oshqozonda yengil og’riq kuzatilishi normal holat.

Homiladorlik paytidagi jinsiy aloqadan nima kutish lozim?

Homiladorlik paytidagi jinsiy aloqa, homiladorlikdan oldingi jinsiy aloqadan farq qilishi mumkin.

Homiladorlik davringizda gormonlar ko’payishi va jinsiy a’zolaringizga qo’shimcha qon oqimi quyilishi tufayli jinsiy aloqa yanada yoqimli bo’lishi mumkin. Ammo ko’krak og’rig’i va ko’ngil aynishi, shuningdek, qorningiz kattalashishi jinsiy aloqaning oldingiga qaraganda noqulay bo’lishiga olib kelishi mumkin.

Shuningdek, jinsiy aloqa paytida yoki undan keyin oshqozonda yengil og’riqlar bo’lishi normal holat. Bunday og’riqlar orgazm paytida bachadondagi mushaklar qisqarishi tufayli yuz berishi mumkin. Bu kabi og’riqlar erkak spermasi tarkibidagi gormonlar natijasida ham yuzaga kelishi mumkin.

Agar jinsiy aloqa paytida yoki undan keyin yengil og’riq sezsangiz, iliq vanna qabul qilib bezovtalikni yengillashtirashingiz mumkin.

Homiladorlik paytida jinsiy aloqa qilish xavfsizmi?

Agar sizning homiladorlik davringiz muammosiz o’tayotgan bo’lsa, homiladorlik paytida jinsiy aloqa qilish va bo’shanish xavfsizdir.

Siz jinsiy aloqa bolaga zarar yetkazishi mumkin deb xavotirlanishingiz mumkin. Ammo sizning chaqalog’ingiz amniotik qopda yaxshi himoyalangan, shunday ekan siz jinsiy aloqa orqali bolangizga zarar yetkazmaysiz.

Homiladorlik paytida jinsiy aloqa qilish xavfli bo’lishi mumkin bo’lgan holatlar mavjud. Bular quyidagilar:

• homila tushishi yoki erta tug’ilish alomatlari mavjud bo’lsa;
• bachadon bo’yni zaifligi mavjud bo’lsa;
• qattiq qorin og’rig’i yoki mushaklarning yengil qisqarish holati mavjud bo’lsa;
• Plasenta previa tashxisi qo’yilgan bo’lsa;
• vaginal qon ketishi kuzatilgan bo’lsa yoki qon ketish to’xtagan, ammo sababi aniq bo’lmasa;
• amniotik qopingiz yorilgan deb o’ylasangiz.

Homiladorlik paytida jinsiy aloqa: qachon tashvishlanish lozim

Homiladorlik paytida jinsiy aloqada bo’lganingizdan so’ng quyidagi alomatlar paydo bo’lsa, darhol shifokor, akusher yoki kasalxona bilan bog’laning:

• kuchli va muntazam bo’ladigan qattiq oshqozon og’rig’i yoki mushaklar qisqarishi
• qon ketishi
• oshqozondagi kuchli og’riq
• bosh aylanishi, ko’ngil aynishi yoki qusish
• isitma yoki titroq
• boshqacha ko’rinadigan yoki boshqacha hidga ega bo’lgan vaginal oqindi.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi