Asosiy fikrlar:
- Farzandingiz bilan koproq vaqt oʻtkazish va biror narsani birga qilish munosabatlaringizni mustahkamlashga yordam beradi.
- Farzandingiz bilan oʻtadigan maxsus vaqt kundalik hayotning bir qismi boʻlishi, siz oʻyin va boshqa mashgʻulotlarga vaqt ajratishingiz kerak
- Ovqat tayyorlash, kitob oʻqish, soʻz oʻyinlarini oʻynash, parkga borish va hokazolarni farzandingiz bilan baham koʻring.
Birgalikda oʻtadigan vaqt: nima uchun bu farzandingiz uchun yaxshi ta’sirga ega?
Farzandingiz bilan birga maxsus vaqt oʻtkazish farzandingizning rivojlanishi va farovonligi uchun foydalidir. Buning sababi, bu sizning munosabatlaringizni mustahkam qilib oʻrnatadi va farzandingizning oʻziga boʻlgan ishonchini oshiradi.
Farzandingiz bilan alohida vaqtlarda siz:
- farzandingizga butun e’tiboringizni qarating va u siz uchun bu hayotdagi eng muhimi ekanligi haqida takror-takror ayting
- dunyoni farzandingiz nuqtai nazari bilan koʻring
- bolangizning yoqtirishlari, yoqtirmaydigan narsalari, tashvishlari va umidsizlik sabablari haqida koʻproq bilib oling
- bolangizga yoʻl-yoʻriq bering, u bilan gaplashing va uni tinglang.
Siz bilan oʻtkazgan vaqt bolangizning oʻzini baxtli his qilishiga, yengil tortishiga va oʻsmirlik davrida chidamliligini oshirishga yordam beradi. Shuning uchun poydevorni erta qoʻyish juda muhimdir.
Ikkalangiz uchun muntazam ravishda maxsus vaqt ajratsangiz, bolangizga sizning e’tiboringiz toʻliq boʻlmagan yoki sizdan alohida joyda boʻlgan vaqtlarni, qoʻrquvni yengishga yordam beradi.
Birgalikda oʻtadigan maxsus vaqt: uning sizga foydalari qanday?
Maxsus vaqtni baham koʻrish siz uchun ham ajoyib – bu sizning yana qaytadan bola bo’lib qolish va shunchaki dam olishingiz imkoniyatidir.
Farzandingiz bilan yaqin boʻlish va uning hayotida sodir boʻlayotgan voqealardan xabardor boʻlish sizning ruhiyatingiz uchun sokinlik beradi.
Farzandingiz bilan qiladigan yengil kundalik ishlar
Ba’zan siz kundalik oilaviy hayotingizning bir qismi sifatida maxsus vaqt ajratishingiz va zavqlanishingiz mumkin. Mana bir nechta fikrlar:
- Birgalikda maktabdan keyin maxsus gazak tayyorlang.
- Birgalikda oziq-ovqat yoki kiyimlar sotib olish uchun doʻkonga boring va bolangizga qaror qabul qilishda yordam bering, narsalar uchun pul toʻlang va doʻkon sotuvchilari bilan suhbatlashing.
- Farzandingiz bilan uxlash vaqtida kitob oʻqing yoki ertak aytib bering.
Farzandingiz bilan baham koʻrish uchun mashgʻulotlar va oʻyinlarni oʻynang:
Oʻyin va maktab yoshidagi farzandingiz haqida gap ketganda, bolangizga nima oʻynashni tanlashiga yoki oʻyinda yetakchilik qilishga imkon berishga harakat qiling. Tez orada u nimani yoqtirishini yoki uning tasavvurini uygʻotadigan narsalarni bilib olasiz.
Buni boshlash uchun oddiy gʻoyalar:
- Birgalikda soʻz oʻyinlarini oʻynang, hazil va topishmoqlar tuzing. Siz “Miyov-miyov” yoki “Nima uchun tovuq, qurbaqa, sigir (sizni kuldiradigan narsa) yoʻlni kesib oʻtdi?” kabi hazillar bilan boshlashingiz mumkin, keyin bolangizni oʻzini bemalol his qilishiga, hazilni oʻziniki qilib olishiga yordam bering.
- Ta’qib qiling, kurashing yoki birga dumalang. Bunday qaltisroq oʻyin farzandingizga zarar yetkazmasdan kuchli boʻlishni oʻrganishiga yordam beradi.
Farzandingiz bilan zavqlanish uchun ochiq havoda mashgʻulotlar:
Ochiq havoda oʻynash nafaqat qiziqarli, balki sogʻlik uchun yaxshi mashqdir. Farzandingiz bilan tashqariga chiqish uchun quyidagi fikrlar mavjud:
- Parkga birga borish uchun vaqt ajrating – agar iloji boʻlsa, u yerga piyoda yoki velosipedda boring.
- Farzandingizga mashq qilish, tepalikka chiqish va toʻpni ushlash kabi mashgʻulotlarni oʻrganish imkoniyatini bering.
- Maysa ustida yotib, bulutlarda shakllar yoki hayvonlarni qidiring.
- Qorongʻi, tiniq kechada tashqariga chiqing va yulduzlarga qarang.
Farzandingiz «qiziqarli» mashgʻulotlar paytida notoʻgʻri harakat qilsa
Farzandingiz bilan qiziqarli ish qilayotganingizda ham, u oʻzini siz yoqtirmaydigan tarzda tutishi mumkin. Misol uchun, u siz oʻynayotgan oʻyindan shikoyat qilishi yoki zerikkanligi sababli uyga qaytishni talab qilishi mumkin.
Bolalar koʻp sabablarga koʻra oʻzlarini injiq bilan tutadilar. Farzandingiz notoʻgʻri yoʻl tutsa, nega bunday qilmayotganini aniqlashga harakat qiling. Masalan:
- Oʻyin juda qiyin boʻlishi mumkin yoki bolangiz uzoq vaqt davomida diqqatini jamlay olmay zerikkandir?.
- Farzandingiz charchadimi yoki zerikyaptimi? Agar bu uzoq sayohat boʻlsa, bolangiz charchab qolishi tabiiy hol. Siz shunchaki boshqa narsani sinab koʻrishingiz yoki bu faoliyatni toʻxtatib, boshqa safar qayta urinib koʻrish mumkin.
- Faoliyat farzandingiz temperamentiga mos keladimi? Ba’zi harakatlar boshqa temperamentlarga qaraganda yaxshiroq mos keladi(Bola melanxolik boʻlsa,unga tashqari yoqmasligi mumkin).
Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.
Linkni bosing: 👉 Farzandim dasturi