Bolalarning jamoat bilan aloqalari: doʻstlar, qoʻshnilar va mahalliy tashkilotlar

Asosiy fikrlar:

• Jamoaviy aloqalar bolalarga xavfsizlik tuygʻusini beradi, ularga ijtimoiy va boshqa koʻnikmalarni rivojlantirishga yordam beradi.
• Farzandingizning jamiyatdagi aloqalari oila, doʻstlar, qoʻshnilar, mahalladagi odamlarni oʻz ichiga olishi mumkin.
• Oilangiz yordami bilan farzandingiz jamoat oldida oʻzini qanday tutishni oʻrganadi
• Nima uchun jamoaviy aloqalar bolalar uchun foydali?

Qarindoshlar, oilaviy doʻstlar, ularning mahallasi va jamiyatidagi odamlar bilan bolalarning munosabati:

Kuchli ijtimoiy aloqalar(oddiy qoʻshnichilik munosabati boʻlishi ham mumkin) bolangizning ishonchini oshirishi va yangi doʻstlar bilan tanishishga turtki bo’ladi.

Turli jamoat aloqalari bolalar uchun turli xil imtiyoz deganidir

Qarindoshlar va oilaviy doʻstlar bilan aloqalar

Qarindoshlar va oilaviy doʻstlar farzandingizning daxldorlik, mas’uliyat, gʻamxoʻrlik  tuygʻusini kuchaytiradiz. Bu odamlar oilaviy bayramlarni, masalan, tugʻilgan kunlarni farzandingiz bilan nishonlashadi, yaxshi yoki yomon kunda birga bolishadi. Yoki ular farzandingiz va uning yutuqlari bilan faxrlanishadi.  Misol uchun, bola maktabda yoki sportda mukofot olganida, bobosi va buvisi undan xursand boʻlishlari mumkin.

Siz yoki turmush oʻrtogʻingiz oilasi bilan ham bordi-keldi qilishlar farzandingizga hamma oila ham bir xil boʻlavermasligini tushunishga yordam beradi. Bu orqali farzand dunyoda juda koʻp turli xil qadriyatlar, tartiblar va gʻoyalar mavjudligini his qiladi.

Ota-onalar stressda boʻlsa, doʻstlar yoki qarindoshlar ushbu oilaga yordam berishlari, qoʻllab-quvvatlashlari tabiiy va ibratli hol. Ularning yordami farzandingiz uchun ham muhim. Masalan, agar siz kasal boʻlsangiz yoki kechiksangiz, ular bolangizni maktabdan olib ketishlari mumkin.

Mahalla bilan aloqalar

Mahalladagi odamlar bilan tanish boʻlish farzandingizga oʻz mahallasi xavfsiz va doʻstona joy ekanligini his qilishiga yordam beradi. Mahalliy koʻchalar boʻylab piyoda yoki velosipedda ketayotganingizda, qoʻshnilaringiz bilan salomlashish yoki qoʻl silkitish bu doʻstona tuygʻuni bola qalbida tezda yaratadi.

Farzandingiz mahallada koʻrishi yoki gaplashishi mumkin boʻlgan boshqa odamlar qatoriga mahalla nazorat xodimlari, shifokorlar, kutubxonachilar ham kiradi. Siz ularni koʻrganingizda bu odamlarning kimligi haqida bolangizga tushuntirib oʻtishingiz mumkin.

Mahalliy tashkilotlar bilan aloqalar

Farzandingiz sport klublari, musiqa , san’at jamiyatlari, diniy tashkilotlar yoki koʻngillilar guruhlari kabi tashkilotlarda ishtirok etishi mumkin. Bular bolangizga jamoaviy koʻnikmalarni rivojlantirish, boshqalarning ham qiziqishlarini kuzatish va jamiyatga «moslashish» imkoniyatini beradi. Ular, shuningdek, boshqa ota-onalar bilan bogʻlanishingiz uchun yaxshi usullardir.

Bolalarga jamoat aloqalarini oʻrganishga yordam berish: maslahatlar

Farzandingizga qarindoshlar, do‘stlar, mahalla va jamiyatdagi odamlar bilan aloqa oʻrnatishga yordam beradigan ba’zi fikrlar:

• Ishonchli qarindoshlar yoki qoʻshni oila a’zolariga farzandingiz bilan vaqt oʻtkazish imkoniyatini yarating. Farzandingizga bu qulay ekanligini yoki bu odamlar bilan vaqt oʻtkazishni yoqtirish yoki yoqtirmasliginini tekshiring.
• Mahalliy parkga piyoda yoki velosipedda boring, bolangizga bemalol oʻynashiga ruxsat bering. Ko’cha, xiyobonda koʻproq boʻlish sizga va farzandingizga yangi odamlar bilan tanishish imkoniyatini beradi. Jamoat tadbirlarida ishtirok eting, hamda bolangizni oʻzingiz bilan birga olib boring. Maktabdagi toʻgaraklar, jamoat bogʻlari, bayramlar, festivallar sizga va farzandingizga u yerda ishlaydigan odamlar bilan bogʻlanish imkoniyatini beradi.
• Farzandingizga yaxshi aloqa ikki tomonlama ekanligini koʻrsating. Agar siz boshqalar bilan ishlaganingizda  ularga yordam bersangiz, ular siz uchun xuddi shunday qilishadi
• Oilangiz uchun muhim boʻlgan munosabatlarga qiziqish uygʻotish uchun farzandingiz bilan oilangiz va doʻstlaringiz suratlarini tomosha qiling. Farzandingiz bilan birgalikda oilaviy hikoyalar kitobi ustida ishlashingiz mumkin.
•  Jamiyatingizdagi odamlar bilan namunali ijtimoiy koʻnikmalar. Bu «salom», «iltimos» va «rahmat» aytish kabi oddiy, ammo muhim iboralar. Farzandingiz odamlar bilan qanday gaplashayotganingizni kuzatib boradi va sizdan oʻrnak oladi. Va bu bolangizga odamlar bilan qanday munosabatda boʻlishni oʻrganishga yordam beradi.

Farzandingizning jamiyatdagi xavfsizligi

Farzandingiz oʻz jamiyatidagi odamlar atrofida oʻzini xavfsiz his qilishi juda muhim va ba’zi kattalar borki, bolangizni ulardan uzoqroq boʻlishini istashingiz mumkin. Bolangiz xavfsiz boʻlishi uchun uning maktabidagi deyarli hammani biroz boʻlsa-da tanigan boʻlishingiz lozim. Farzandingizdan u bilan begona kimdir suhbatlashdimi, yoʻqmi, bular haqida ham soʻrab turishingiz kerak. Ammo suhbatlarda bolangizni odamlardan choʻchitib, vahima qilmang. Bolaning oʻzini xavfsiz his qilishi hammasidan muhim.