Bahoriy sumkacha

Assalomu alaykum qadrdonlarim, bugun sizlarga qizim bilan birga qizaloqlarimiz dugonalari bilan «Mehmonakam» o’ynashi uchun sumkacha yasashni ko’rsatib bermoqchimiz.

Buning uchun bizga kerak bo’ladi:

• kukuruz qutisi
• yaltiroq gulqog’oz
• qaychi
• tasmadan qilingan kapalakcha
• durchalar va munchoqlar
• tasma

Demak ishni boshlaymiz:

Birinchi kukuruz qutisini yaltiroq gulqog’oz bilan o’rab, yopishtirib olamiz.

So’ng sumkamizni o’rtasiga tasmadan qilingan kapalakni, pastiga toshcha va durchalarni yopishtirib bezatib chiqamiz.

So’ng tepasidan tasmani tiqib, ushlagich qilish uchun belgilab, teshib olamiz.

Belgilab teshgan joyimizga 2 ta 30 smli oq tasmani old teshigidan o’tkazib, old va orqa tomoniga, chiqib ketmasligi uchun yelimlab qo’yamiz.

Mana, sumkachamiz tayyor. Bu sumkachaning ichiga kitob-daftarlarni solib o’ynasa ham bo’ladi.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi