Stress va homiladorlik

Asosiy mulohazalar

Homiladorlik davrida asabiylashish bolaning sog’lig’iga ta’sir qilishi mumkin.
Asabiylashishga nimalar sabab bo’lishini bilib olsangiz , keyin uni yengish osonroq bo’ladi.
Salomatlik va turmush tarzining o’zgarishi asabiylashishni yengishga yordam beradi.
Shifokor yoki akusher bilan asabiylashish holatlarini boshqarish haqida gaplashing.

Stress nima?

Stress – bu o’zgarishlar va qiyinchiliklarga nisbatan bo’ladigan tabiiy reaksiya. Hatto yaxshi yoki hayajonli o’zgarishlar ham stressga olib kelishi mumkin. Ba’zi stresslar sizga yordam berishi mumkin, chunki bu sizni qiyinchiliklarga dosh berishga va ishni bajarishga undaydi. Ammo haddan tashqari stress kundalik vazifalarni bajarishni qiyinlashtirishi mumkin. Haddan tashqari stress tanangizga, fikrlaringizga va his -tuyg’ularingizga ta’sir qilishi mumkin. Bundan tashqari ,bu sizning xatti -harakatingizga ham ta’sir qilishi mumkin. Masalan, haddan tashqari stressga tushgan odamlar juda ko’p ovqat yeyishi yoki juda ham g’azablangan holda bo’lishi mumkin.

Stress va homiladorlik

Ba’zida homiladorlikning o’zi stress holatlarini keltirib chiqarishi mumkin.Masalan, tug’ruqdan oldingi tekshiruv natijalarini kutish va natijalarini olish stressni keltirib chiqarishi mumkin. Agar siz tug’ruqqacha bo’lgan vaziyatlar uchun muolaja olgan bo’lsangiz yoki ilgari bola tushishi yoki chaqaloqning o’limini boshdan kechirgan bo’lsangiz, homiladorlik siz va oilangiz uchun jismoniy va ruhiy jihatdan qiyin bo’lishi mumkin.Homiladorlik, shuningdek, ko’plab jismoniy va ruhiy o’zgarishlarni anglatishi mumkin. Agar sizning homiladorligingiz rejalashtirilmagan bo’lsa, homiladorlikdagi o’zgarishlar yanada og’irlashishi mumkin, chunki sizda bu o’zgarishlarga tayyorgarlik ko’rish uchun kamroq vaqt bo’lishi mumkin edi.Siz, shuningdek, oila a’zolaringiz , do’stlaringiz va boshqalarning bergan ma’lumotlaridan, maslahatlaridan va gaplaridan xafa bo’lishingiz mumkin.

Homiladorlik davrida hissiy qo’zg’alish va stressni keltirib chiqarishi mumkin bo’lgan hodisalar va vaziyatlarga quyidagilar kiradi:

moliyaviy muammolar
munosabatlardagi qiyinchiliklar yoki ajralish
uydan ko’chish zaruriyati yoki uydan ko’chayotgan vaqtdagi jarayon
ishsizlik yoki ish vaqtini o’zgartirish zaruriyati
homiladorlik holatiga ko’nikib olishda bolalarning ham yordami
oilaviy kasallik yoki oila a’zosining o’limi
qayg’u
shikastlanish
oiladagi zo’ravonlik
spirtli ichimliklar va boshqa dorilar bilan bog’liq muammolar
ruhiy kasalliklar , xavotir yoki tushkunlik.

Agar bir vaqtning o’zida bir nechta hodisalar ro’y bersa, sizning asabiylashish holatingiz yuqoriroq bo’lishi mumkin.

Akusher yoki shifokor bilan tug’ruqdan oldingi uchrashuvlar – bu sizning sog’lig’ingiz, turmush tarzingiz va farovonligingiz uchun va shuningdek, hayotingizda stressni keltirib chiqarishi mumkin bo’lgan narsalar haqida gapirish imkoniyatini beradi. Masalan, agar siz ota -ona bo’lishdan xavotirlanayotgan bo’lsangiz yoki munosabatlaringizda muammolar bo’lsa va bundan tashqari ,oilada qandaydir zo’ravonliklar bo’lsa, bu haqda shifokoringizga gapirganingiz o’ziz uchun maqbul bo’lardi va bu orqali siz ancha yengil tortasiz.

Stress holatlarini anglay olish

Stress holatlarini bilib olish har doim ham oson bo’lavermaydi.Ba’zida, asabiy holat yuqori nuqtasiga yetmaguncha siz buni sezmay qolishingiz ham mumkin.

Agar hayotingizda stressni keltirib chiqaruvchi narsalarni, shuningdek, o’zingizni stressda his qilayotgan belgilaringizni bilsangiz, stressni bilish va unga qarshi kurashish osonroq bo’lishi mumkin.

Quyidagi ushbu savollar hayotingizda stressni aniqlashga yordam beradi:
Siz o’zingizni tez -tez tashvishlangan yoki xavotirlangan holda sezasizmi?
Homilador bo’lishdan oldin hayotingizda ko’plab stresslarni boshdan kechirdingizmi?
O’zgarishlar paytida, ya’ni homiladorlik davrida his -tuyg’ularingizni anglab olish o’zingizga foyda.
Siz tashvishli hayot kechirasizmi? Homiladorlik davri barcha narsalarni sekinlik bilan qilinishi uchun qulay fursat.
Hayotingizda juda ko’p o’zgarishlar bo’ladimi? Ba’zida hatto ijobiy o’zgarishlar stressni keltirib chiqarishi mumkin. masalan, ish joyidagi lavozimning ko’tarilishi
Sizning uyingizdagi yoki ish muhitingizdagi holat qanday ? Masalan, sizning sherigingiz qiyin bir davrni boshdan kechirayotgan bo’lishi mumkin yoki xo’jayiningiz bilan til topisha olmayotgandirsiz? Ba’zida atrofimizdagi odamlarning stress holati vaziyatni murakkablashtirishi mumkin.

Siz stressning jismoniy va ruhiy belgilarini ham ko’rishingiz mumkin:

juda ko’p asabiy energiya – masalan, o’tira olmaslik, asabiylashish va «shoshilish»
tez nafas olish yoki yuragingiz tezroq urayotganini his qilish
dam olish yoki uxlashda qiyinchilik
ko’p fikrlar sizning miyangizda aylanib yuradi – masalan, kelajak haqida o’ylar va tashvishlar
o’zini yomon his qilish – masalan, bosh yoki boshqa og’riqlar.

Nima uchun homiladorlik paytida stressni boshqarish muhim?

Stressni boshqarish homiladorlik paytida va undan keyingi davrda sog’ligingiz va chaqalog’ingizning sog’lig’i uchun muhim. Agar siz stressni boshqara olsangiz, siz erta tug’ilish ehtimolini va chaqalog’ingizda uchrashi mumkin bo’lgan astma va allergiya kabi sog’liq muammolarini kamaytirgan bo’lasiz.Bundan tashqari, stressni allaqachon boshdan kechirgan bo’lsangiz, sizning homiladorlik holatingiz umuman ijobiy tajriba bo’lishi mumkin.

Agar sizda homiladorlik davri davomida , stressni o’z nazoratingizda tuta olsangiz va boshqara olsangiz, keyinchalik tug’ruqdan so’ng yangi stresslarni yaxshiroq yengib o’tishingiz mumkin. Bu yangi stresslarga ya’ni , uyqusizlik va yangi tug’ilgan chaqaloqqa qarashdagi qiyinchiliklar kiradi. Ammo ba’zi bir yosh onalarda tug’ish jarayonlarining qiyin o’tish oqibatlari va boshqa asoratlar ham bo’lib turishi mumkin.

Homiladorlik davridagi ba’zi bir nomaqbul odatlar, masalan, chekish va spirtli ichimliklar iste’mol qilishga sabab bo’luvchi stresslardan bu orqali qutulolmaysiz. Siz buni stresslatning o’tkinchi ekanligini anglashingiz va davolanishingiz kerak. Bu sizga sog’lom holda homilador bo’lishga va bola tug’ilgandan keyin ham hayotni osonroq davom etirishga yordam beradi.

Homiladorlik va stressni boshqara olish bo’yicha maslahatlar

Homiladorlik paytida stressni yengishga yordam beradigan ba’zi maslahatlar.

Salomatlik va turmush tarzi

Ko’proq sayr qilish va yurishga odatlaning . Qanchalik kamroq asabiylashsangiz , shunchalik sog’lig’ingiz uchun foydali
Iloji boricha dam olishga harakat qiling va tadbirlarni rad qilmang.
Divanda yotish, tanaffus qilish va ishni sekinlashtirish yaxshi.
O’qish, sevimli teleko’rsatuvni tomosha qilish, pishirish, rasm chizish yoki sizga yoqadigan narsalar va sizni chalg’itadigan mashg’ulotlarni bajaring.
Alo kayfiyatda bo’lish uchun o’zingizni malum bir holatda tuting. Qo’lingizdan kelganicha harakat qilayotganingizni anglab yeting.Agar hamma narsa siz xohlagan tarzda bo’lmasa, xavotir olmang .Masalan,uyingiz tartibga solinmagan bo’lsa.
Homiladorlik paytida va chaqalog’ingiz tug’ilgandan keyin amaliy yordam so’rang yoki yordamga muhtoj ekanligingizni rozilik holati bilan bildiring.
Yoga, meditatsiya, nafas olish mashqlari yoki yengilik beruvchi mashqlarni qiling.
Agar siz darslarga kira olmasangiz, onlayn videolarni qidirishingiz yoki smartfon ilovasidan foydalanishingiz mumkin.

Oila va do’stlar

O’zingizni yaxshi his qilishingizga yordam beradigan va stressdan xalos bo’lishga ko’maklashadigan odamlar bilan vaqt o’tkazing.
Bajarilishi qiyin bo’lgan narsalarda yordam so’rang va uni qabul qiling
Atrofdagi odamlarning yordami stressni yengishga yordam beradi.
Agar siz rad javobini berishga qiynalayotgan bo’lsangiz , kimdandir o’rningizga javob berishini so’rang yoki rad javobini berishda ikkilanib turgan bo’lsangiz, sherigingiz yoki yaqinlaringizdan siz uchun «yo’q» deyishlarini so’rang.
Yaqinda ota-ona bo’ladigan insonlar bilan aloqada bo’lib turing, misol uchun ijtimoiy tarmoq vositalari orqali ota-onalik baxtiga musharaf bo’ladigan insonlar bilan muloqotda bo’ling.

Mutaxassis shifokorlarning yordami

Shifokor yoki akusher bilan sizni stressga solishi mumkin bo’lgan holatlar haqida suhbatlashing va nimalarga rioya qilishingiz borasida takliflar so’rang.

Agar sizda pul bilan bog’liq muammo bo’lsa, Hamdo’stlik moliyaviy maslahat dasturi orqali bepul moliyaviy maslahatlarni qabul qiling. Centrelink moliyaviy ma’lumot xizmati orqali hamma uchun bepul ma’lumotlar va ta’lim xizmatini taklif qiladi.

Stressdan qutilish uchun chekish yoki spirtli ichimliklar va boshqa dori vositalardan foydalanish siz va chaqalog’ingiz uchun juda xavfli bo’lishi mumkin. Agar sizga bolani parvarishlash uchun yordam kerak bo’lsa, shifokor yoki akusher bilan gaplashing.

Homiladorlik davrida stressni qanday yengish kerak

Agar siz stressni boshdan kechirayotganingizni hali sezmayotgan bo’lsangiz, bunday holda shifokoringizga murojaat qiling. Shifokorlar sizga umumiy maslahat berishi yoki ruhiy tomondan qo’llab-quvvatlashi va boshqa maslahatchi mutaxassislar ham sizga o’z yordamlarini berishlari mumkin. Siz tug’ruqdan oldingi ko’riklardan o’tayotganingizda, akusher yoki shifokor bilan gaplashishingiz mumkin. Ko’pgina shifoxonalarda stress kabi muammolarni hal qilishga yordam beradigan dasturlar mavjud.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi