Erta tug’ishga aqliy va hissiy tayyorgarlik

Asosiy fikrlar

• Chaqalogʻingizni erta dunyoga keltirishingizni sezsangiz, sizda turli xil his-tuyg’ular paydo bo’ladi.
• Akusher va shifokorlardan ma’lumot oling yoki erta tuqqan onalar bilan suhbatlashing.
• Tinchlantiruvchi mashqlar va ijobiy fikrlash oʻzingizni erta tug’ishga tayyor his qilishingizga yordam beradi.
• Tug’ruq jarayonidan oldin yangi tug’ilgan chaqaloqlar reanimatsiyasi bilan tanishib chiqing.

Erta tug’ishga ruhiy va hissiy jihatdan tayyorgarlik ko’rish

Agar siz erta koʻzingiz yorishini va bolangiz kasalxonada qolishi kerakligini bilsangiz, siz va turmush o’rtog’ingizda  turli his-tuygʻular paydo boʻlishi mumkin. Masalan, siz quvonch, sevgi, ojizlik, qayg’u, aybdorlik, qo’rquv, xavotir yoki qayg’uni his qilishingiz mumkin, chunki chaqalog’ingizning tug’ilishi siz kutgandek bo’lmayapti.

Agar sizda ham erta tug’ruq kutilayotgan bo’lsa, bu siz va turmush o’rtog’ingizning erta tug’ruq va erta tug’ilgan chaqaloqlar haqida koʻproq maʼlumot olishingiz kerakligini anglatadi. Shifokor yoki akusher bilan erta tugʻruq jarayoni haqida gaplashib olganingiz maʼqul. Bu tajribani boshdan kechirgan boshqa ota-onalar bilan gaplashish ham yordam beradi.

Sizda allaqachon tug’ish rejasi bo’lishi mumkin. Masalan, siz uyda yoki tug’ruq markazida tug’ishni rejalashtirgan bo’lishingiz mumkin. Ammo agar siz erta tug’adiganday tuyilsangiz, bu holat o’zgarishi mumkin.

Vaqti kelguncha nima bo’lishini hech kim aniq bilmaydi, lekin agar siz xohlagan tug’ish siz va chaqalog’ingiz uchun eng yaxshi variant ekanligi haqida o’ylagan bo’lsangiz, bu sizga yordam beradi.

Erta tug’ishdan oldin tinchlaning

Siz tug’ruq arafasida o’zingizni sarosimaga solib qo’ygan bo’lishingiz mumkin. Bu yerda kuchli his-tuyg’ularni boshqarishga va xotirjam bo’lishga yordam beradigan ba’zi strategiyalar berilgan:

• Nafas olish mashqlarini, mushaklarni bo’shashtirish mashqlarini va hushyorlik mashqlarini bajaring.
• Sizni tinchlantiradigan sevimli mashg’ulotlaringiz bilan shug’ullaning. Misol uchun, musiqa tinglang, sayr qiling, kitoblar o’qing yoki iliq vanna qabul qiling.
• Bugun nima bo’lishi haqida o’ylang, ertaga nima bo’lishi haqida qayg’urmang.
• Ijobiy fikrlarga e’tibor qarating, masalan, chaqalog’ingiz haqida xotirjam va ijobiy fikrlashga harakat qiling.
• Agar sizga yordam kerak bo’lsa,  turmush o’rtog’ingiz, oila a’zolaringiz yoki ishonchli do’stlaringizdan soʻrang. Shuningdek, shifokor yoki akusher bilan gaplashishingiz mumkin.

Yangi tug’ilgan chaqaloqlar reanimatsiyasi bilan tanishish

Tug’ilgandan keyin chaqalog’ingiz yangi tug’ilgan chaqaloqlar reanimatsiya bo’limiga yotqizilishi mumkin. U yerdagi chaqaloqlarning atrofida juda ko’p mashina va texnologiyalar bor, ular dastlab juda qo’rqinchli tuyilishi mumkin.

Agar siz va turmush o’rtog’ingiz tug’ishdan oldin yangi tug’ilgan chaqaloqlar reanimatsiyasiga tashrif buyurgan bo’lsangiz, keyinchalik chaqalog’ingizni koʻrgani borganingizda o’zingizni yanada qulay his qilasiz. Shifokoringiz buni siz uchun tashkillashtirib berishi mumkin.

Tugʻilajak chaqaloqning aka-uka va opa-singillarini «oilaning yangi aʼzosi» kelishiga tayyorlash

Kasalxonaga borishdan oldin bolalaringiz bilan gaplashib oling.

Farzandlaringiz bilan oilaviy hayotingizda nima sodir bo’layotgani haqida suhbatlashish ularga rejalaringizdagi o’zgarishlardan kamroq tashvishlanishlariga yordam beradi. Ular chaqaloqning erta tug’ilishiga sabab bo’lishdan yoki chaqaloqning kasallik yuqtirib olishidan xavotirlanishlari mumkin. Siz ularga xavotirlanishga sabab boʻladigan omillarning mavjud emasligi va chaqaloqning kasallik yuqtirib olmasligini aytishingiz mumkin.

Farzandlaringizga siz va ularning ukasi yoki singlisi qancha vaqt kasalxonada bo’lishi haqida, masalan, necha kun, hafta uxlashi haqida aniq ma’lumot bering. Kattaroq bolalaringiz taqvim tuzib olishlari mumkin. Bu ularga qachon shifoxonaga borganligingizni ko’rsatadi va ular bu taqvimdan ukasi yoki singlisi uyga kelguniga qadar kunlarni o’tkazish uchun ham foydalanishlari mumkin.

Siz farzandlaringizga shifoxonada ko’p vaqt boʻlishingiz mumkinligini tushuntirishingiz kerak. Shuningdek, bu bolalarga kasalxonadaligingizda ularga kim qarashini bilishga yordam beradi.

Siz chaqaloqni ko’rgani borish haqida bolalar bilan gaplashishingiz mumkin. Agar siz bolalarga erta tug’ilgan chaqaloqlarning rasmlarini ko’rsatsangiz, ular  shifoxonaga borishganida  chaqaloq qanday ko’rinishga ega bo’lishini bilib olishadi.

Kattaroq farzandlaringizga erta tug’ilgan chaqaloq qanday ekanligini tushunishga yordam beradigan kitoblarni ham tavsiya qilishingiz mumkin. Masalan, Margaret Uayldning «Rozi va toshbaqa» asaridagi quyonlar oilasida erta tug’ilgan chaqaloq haqida.