Erta tug’ruq haqida savollar

Asosiy fikrlar

• Erta tug’ruqdan oldin, chaqalog’ingiz va o’zingiz haqingizda qayg’urishingiz tabiiy.
• Bu akusher-ginekologdan erta tug’ruq haqida ma’lumot olishga yordam beradi.
• Siz chaqalog’ingiz qayerda tug’ilishi va erta tug’ruq paytida va undan keyin nima sodir bo’lishi haqida so’rashingiz mumkin.
• Kichkintoyingiz parvarish qilinadigan xonas haqida ma’lumot so’rang.

Nega erta tug’ruq haqida savol berish kerak?

Erta tug’ruqdan tashvishlanish tabiiy hol. Masalan, siz chaqalog’ingiz, o’zingiz yoki turmush o’rtog’ingizning sog’lig’i haqida xavotir olayotgan bo’lishingiz mumkin.

Agar siz o’zingiz hech qachon borib ko’rmagan tug’ruqxonada rejalashtirmagan tug’ruqni boshdan kechirishingiz kerak bo’lsa, bu tashvishlar yanada kattaroq tuyilishi mumkin. Siz o’zingizni yolg’iz his qilishingiz va kutganingizdan ko’ra ko’proq bezovta bo’lishingiz mumkin. Xuddiki barchasi nazoratingizdan chiqib ketganday. Xavotirga o’rin yo’q, yaxshisi, sizni qiziqtirayotgan yoxud xavotirga solayotgan savollarga mutaxassisdan javob olishga harakat qiling.

Erta tug’ilgan bolalar qayerda tug’iladi?

Sizda chaqalogʻingizning muddatidan oldin dunyoga kelishi bilan bogʻliq savollar paydo bo’lishi tabiiy. Masalan, chaqalog’ingiz qayerda tug’iladi, u yerda kichkintoy salomatligi uchun hamma sharoitlar mavjudmi va hokazo.

Agar chaqalog’ingiz juda erta tug’ilsa – 32 hafta yoki undan oldin – siz shifoxonada emas, balki yangi tug’ilgan chaqaloqlar reanimatsiya bo’limida mazkur jarayonni boshdan o’tkazishingiz mumkin.

Yangi tug’ilgan chaqaloqlar reanimatsiyasi bo’limi bor kasalxonalar, odatda, katta shaharlarda joylashgan. Agar siz viloyat, qishloq yoki chekka hududda yashasangiz, tug’ruqdan oldin shahar kasalxonasiga borishingiz kerak bo’ladi.

Agar chaqalog’ingiz yangi tug’ilgan chaqaloqlar reanimatsiyasi bo’lmagan shifoxonada tug’ilgan bo’lsa va kasalxonaga borishi kerak bo’lsa, shifoxona NETS (neonatal shoshilinch transport xizmati) yoki PIPER (pediatrik chaqaloqning perinatal favqulodda yordami) deb nomlangan maxsus tez yordam mashinasidan foydalanadi. Bu hamshira va yoki shifokor ishlaydigan mobil yangi tug’ilgan chaqaloqlar reanimatsiyasiga o’xshaydi. Ko’zingiz yorigach, shifoxonaning tug’ruq bo’limiga o’tishingiz mumkin.

Yangi tug’ilgan chaqaloqlar reanimatsiyasi bo’lgan ko’pgina shifoxonalarda ham turar joy bor, lekin bu joylar cheklangan va, odatda, faqat bolasi yangi tug’ilgan chaqaloqlar reanimatsiyasida bo’lgan uzoqda yashaydigan ota-onalar uchun mavjud xizmat ko’rsatadi.

Erta tug’ish paytida va undan keyin nima bo’ladi?

Erta tug’ish paytida nima kutish kerakligini bilish ba’zi tashvishlaringizni hal qilishga yordam beradi. Tug’ish, undan keyin nima bo’lishini va tibbiy xodimlar sizga qanday g’amxo‘rlik qilishini bilish uchun akusher-ginekolog bilan gaplashish yordam beradi. Siz, shifokoringiz hamda turmush o’rtog’ingiz sizga va chaqalog’ingizga g’amxo’rlik qiladigan tibbiy guruh bilan gaplashish imkoniyatiga ega bo’lasizlar.

Siz shifokoringizdan erta tug’ruq, tibbiyot xodimlari sizni va farzandingizni qanday parvarishlashlari haqida so’rashingiz mumkin. Masalan:

Erta tug’ruq jarayoni bilan bog‘liq savollar:

• Men bularning barchasidan juda xavotirdaman. Bu men kutganimdek emas. Menga qanday yordam bera olasiz?
• Menga sodda qilib tushuntira olasizmi?
• Mening chaqalog’im nega muddatidan oldin dunyoga keladi?
• Men uchun qay biri afzal: vaginal tug’ruq, kesarcha kesish yoki og’riqni yo’qotish?
• Menda tug’ruq kurslariga borish imkoniyati bo’lmadi. To’lg’oq payti nafas olish va tug’ruq jarayonini boshqarishda yordam berasizmi?
• Tug’ruq paytida og’riqni yengillashtira olamanmi?
• Menga biror bir dori kerak bo’ladimi? Nega? Dori-darmonlar qanday yordam bera oladi?
• Menga tug’ruq jarayonim qanday ketayotgani va chaqalog’imning ahvoli qandayligini aytasizmi?
• Bola tug’ilgunga qadar turmush o’rtog’im men bilan qolishi mumkinmi?

Sizning erta tug’ilgan chaqalog’ingiz:

• Tug’ilgandan so’ng darhol bolamni ko’rishim va qo’limga olishim mumkinmi?
• Turmush o’rtog’im ham chaqaloqni ko’rishi mumkinmi?
• Mening chaqalog’im qanday ko’rinishga ega bo’ladi?
• Tug’ilgandan keyin chaqalog’imga qanday yordam kerak bo’ladi?
• Mening chaqalog’im yangi tug’ilgan chaqaloqlar reanimatsiyasiga borishi kerakmi? Tug’ilgandan keyin qancha muddatda?
• Men yoki turmush o’rtog’im chaqaloq bilan yangi tug’ilgan chaqaloqlar reanimatsiyasiga bora olamizmi?
• Qachon bolamni qo’limga olaman?
• Mening chaqalog’imga biror bir dori kerakmi? Nega? Dori-darmonlar qanday yordam beradi?
• Mening chaqalog’imga biror-bir jihoz kerakmi? Nega?
• Mening chaqalog’im yashaydimi? Mening chaqalog’im sog’lom bo’ladimi?
• Mening chaqalog’im boshqa chaqaloqlar kabi rivojlanadimi?