Sistit siydik pufagi, siydik yo’llarining yallig’lanishidir. Bolada sistit boshida bilinmay, o’tkir holatga o’tib ketganda namoyon bo’lishi mumkin.
Sistining dastlabki alomatlaridan biri bu bolaning ich kiyimida fasod (suyuqlik) mavjudligidir.
Undan tashqari sistitning quyidagi alomatlari mavjud:
- Tez-tez siydik qistashi;
- Siyish jarayonida qattiq achishish;
- Siydikning rangi sof bo’lmay, o’tkir hidga egaligi;
- Qorin pastki qismidagi og’riqlar;
- Siydikning ozgina miqdori ich kiyimda qolishi.
Agar bolada sistit alomatlari kuzatilsa, shifoxonaga borish shart. Chunki sistit alomatlari orqasida o’tkir kasalliklar bo’lishi ham mumkin. Shifoxonada, odatda, siydik analizi olinadi va siydik pufagi ultratovushli diagnostikasi qilinadi.
Siydik analizini qilishdan oldin, albatta, bolaning jinsiy a’zolarini yuvish shart.
Agar sistit alomatlari bilan bir qatorda isitma ko’tarilishi kuzatilsa, bakteriya buyrakka o’tib ketganidan va buni darhol davolash kerakligidan dalolat beradi.
Bolalar sistiti sababi:
– 80% da bollarda sistit tozalikka rioya qilmaganlikdan kelib chiqadi;
– gijjalar;
– organizmda doimiy ravishda infeksiyaning mavjudligi (tonzillit, angina, gaymorit, karies va hokazo);
– tashqi jinsiy a’zolarning yallig’lanishi.
Bolalar sistitini davolash:
- Birinchi bo’lib bolaning oyoqlarini va qornini issiq qilish lozim. Buning uchun issiq yungli paypoq kiydirib, qoringa dazmolda isitilgan yungli ro’molni qo’yib yotkizish.
- Shifokor belgilagan dorilarni ichirish.
- Siydik yuvuvchi suyuqlikdan tez-tez ichirish (o’t damlamalari ham foydali).
- Vitamin C ga boy mahsulotlarni yedirish (klyukva sharbati).
- Romashka damlamali vannada bolani 10-15 daqiqa davomida qoldirish. Vannadagi suv harorati 36-38 darajadan yuqori va past bo’lmasligi kerak.
- Odatda bolada sistit 7-10 kunda o’tib ketadi. Muhimi, o’griq tugasa ham, shifokor belgilagan muddatgacha dori ichish shart, aks holda, kasallik yana qaytalanadi.
Eng yomoni, sistit buyrakka o’tib ketsa, pielonefrit kasalligi yuzaga kelib, bolaning buyraklariga katta zarar keltiradi.
Bolalar sistitining oldini olish:
- Har kuni bolani dushda chayish. Jinsiy a’zolarini maxsus neytral bolalar sovunida yuvish;
- Har kuni bola ichki kiyimini almashtirish;
- Bolada gijja bo’lmasligini ta’minlash;
- Bolaning tishlarini kuzatish (karies ham infeksiya);
- Bolani chiniqtirish.
Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.
Linkni bosing: 👉 Farzandim dasturi