Bola nutqining rivojlanish bosqichlari (1 yoshdan 7 yoshgacha)

Bolaning nutqi 1 yoshdan so’ng ham bosqichma-bosqich rivojlanadi. Har bir bosqichning o’ziga yarasha yutug’i mavjud.

1 yosh-u 3 oy

Bola 6 taga yaqin so’zni biladi. Oddiy talablarni tushuna oladi, tanish so’zlarni rasmda ko’rsata oladi.

1 yosh-u 6 oy

Badanining 1-2 qismini ayta oladi, 7 tadan 20 tagacha so’zni biladi.

1 yosh 9 oy

Badanining 3-4 qismini aytadi. 20 ta so’zni biladi. Ikki so’zdan iborat bo’lgan iboralarni qo’llaydi («choy ber», «ada keldi»)

2 yosh

Bu yoshda bola badanining 5 qismini ayta oladi. 50 ga yaqin so’zni biladi. Ikki bosqichli iboralarni tushunadi («Oshxonaga borib», «sochiq olib kel»). «Men», «Sen», «U» kabi so’zlarni tushunadi. Iboralari ikki so’zdan iborat boʻladi. p, b, m, f, v, t, d, n, k, g, h harflarni ayta oladi. s, z, sh, j, ch,r, l harflarni odatda qoldirib etadi.

2 yosh-u 6 oy

Sonlarni tushuna boshlaydi. «Nima?», «Qayerda?» savollarni tushunadi. s,z,l harflarini ayta oladi.

3 yosh

Bolaning so’z boyligi 250 tadan 700 tagacha yetadi. Bir nechta so’zdan iborat gaplarni gapira oladi. Ko’plikni biladi. «Chunki», «Agar», «Qachon» so’zlarini ishlata oladi. Qiyin talablarni tushunadi («Piyolani ichiga qoshiq solib qo’y»). Yengil ertaklarni eshitib, anglay oladi.

4 yosh

«Qancha», «O’rniga», «Keyin», «Qayerga» kabi so’zlarni iboralarda ishlata oladi. So’z boyligi 1500 tadan 2000 tagacha yetadi. «Bolalarcha» harflarni yumshatib gapirishi yo’qoladi.

5 yosh

Bolaning so’z boyligi 2500-3000 ga yetadi. Tildagi barcha harflarni bemalol ayta oladi. Qiyin iboralarni qo’llab, o’z fikrini, istagini ifodalay oladi. So’zdagi harflar tartibini almashtirmay gapiradi.

5 yoshdan 7 yoshgacha

7 yoshga kelib bolaning so’z boyligi 3500 ga yaqin bo’ladi. Bunda taassurotli so’zlar soni ko’payadi. Bolaning tilga e’tibori oshadi. Atrof-muhitni so’z bilan baholay olish qobiliyati shakllanadi. Bolaning psixologik holati maktabga tayyorlanadi.

Bola tili va nutqi rivojlanishining 1 yoshgacha bo’lgan bosqichi haqida bu yerda o’qing.

Manba

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi