40 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning 40-haftaligida nimalar kutilishini bilib olishingiz mumkin.

Homilaning 40-haftasi

Tabriklaymiz, siz belgilangan sanaga yetib keldingiz!

Agar sizda hali tug’ruq belgilari kuzatilmayotgan bo’lsa, xavotir olmang. Juda kam sonli chaqaloqlargina belgilangan muddatda  tug’iladi. Homilador ayollarning deyarli yarmi 40-haftadan o’tib farzandlarini dunyoga keltiradilar. Homiladorlikning 41-42 haftaligida garchi siz charchagan va o’zingizni noqulay his qilayotgan bo’lsangiz ham, chaqalog’ingiz holati yaxshi bo’lishi mumkin.

Kichkintoyingizning harakatlari

Kichkintoyingiz muntazam harakatlanishi va bu jarayon kuchli holatda davom etishi kerak. Agar siz chaqalog’ingizning harakatlarida o’zgarish sezsangiz, yoki umuman, xavotirlansangiz, shifokorga murojaat qiling.

Tug’ruq induksiyasi

Ko’pgina chaqaloqlar tabiiy ravishda 37 va 42 hafta oralig’ida tug’iladi. Agarda siz chaqalog’ingiz kechikkayotganidan xavotirda bo’lsangiz, akusher-ginekolog bilan tug’ruq jarayoni qanday boshlanishi kerakligi, tug’ruqni induksiya qilish sizning vaziyatingizga nisbatan tavsiya qilinishi yoki qilinmasligi va bu jarayon nimalarni o’z ichiga olishi haqida gaplashib olishingiz lozim.

Agar sizda homilangiz 41-haftalik bo’lganda ham tug’ruq alomatlari kuzatilmasa, chaqalog’ingizning sog’lom ekanligiga ishonch hosil qilish uchun tez-tez tekshiruv o’tkazib turishingiz, akusher-ginekolog bilan sizda mavjud bo’lgan imkoniyatlar, jumladan, tug’ruq induksiyasi borasida maslahatlashib olishingiz shart.

Xabardor bo’lish

Siz o’zingiz va chaqalog’ingizning sog’lig’iga tegishli qarorlar qabul qilish uchun kerakli barcha ma’lumotlarga ega bo’lishingiz darkor.

Quyidagilarni bilib qo’ysangiz foydadan holi bo’lmaydi:

• nima uchun akusher-ginekolog sizda tug’ruq jarayonini sun’iy boshlash qaroriga keldi?
• sizga induksiyon tug’ruq kerakmi?
• induksiyon siz va chaqalog’ingizga qanday ta’sir qiladi, foydali va xavfli tomonlari nimada?
• agar tug’ruq jarayoni belgilangan muddatda boshlanmasa, nima bo’lishidan qat’i nazar, to’lg’oqning tabiiy boshlanishini kutish qanday oqibatlarga olib kelishi mumkin?

Tug’ruqxonaga borish

Agar siz tug’ruqxonaga borish bilan bog’liq masalalarni hali rejalashtirib olmagan bo’lsangiz, quyidagilarni o’ylab ko’rish foydadan holi bo’lmaydi:

• u yerga qanday bormoqchisiz – shaxsiy mashinangizdami yoki taksida?
• tug’ruqxonaga olib boradigan eng qisqa, qulay va xavfsiz yo’l bormi?
• haydash va to’xtash joylari: qayerda to’xtashingiz mumkin, to’xtash joyining narxi qancha va mashina yoqilg’isi yetarli bo’ladimi?
• tug’ruqxona binosining qaysi kirish eshigiga borish kerak? (ayniqsa kechasi, chunki u kunduzgi kirish joyidan farq qilishi mumkin)
• agar sizning boshqa farzandlaringiz bo’lsa, ularga kim qaraydi?

40 haftalik homiladorlik paytida chaqalog’ingiz

O’zbekistonda tug’ilgan chaqaloqning o’rtacha:

• og’irligi taxminan 3,5 kg, 2,9 kg dan 4,2 kg gacha;
• boshdan -oyoq 50 sm gacha, 46 sm dan 56 sm gacha;
• bosh atrofi taxminan 35 sm, 33 sm dan 37 sm gacha bo’ladi.

Qo’llab-quvvatlash

Ko’p xizmatlar sizga ota-ona bo’lishga moslashishda yordam berishi mumkin. Qo’llab-quvvatlash haqida ko’proq o’qishingiz lozim.

Agar siz yosh oila bo’lsangiz, bu sizga o’zini jamiyatning bir qismi sifatida his qilish tuyg’usini beradi:

• Yosh ota-onalar guruhiga yoki onlayn forumga qo’shilish orqali boshqa yosh ota-onalar bilan bog’laning.
• Bizning elektron pochtamizga obuna bo’lib, chaqaloq parvarishi haqida muntazam ma’lumot oling.

Oilaviy shifokoringiz yoki boshqa sog’liqni saqlash mutaxassislari sizga yosh ota-onalar bilan bog’lanishda amaliy ko’mak ko’rsatishlari mumkin.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi