37 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning 37-haftaligida nimalar kutilishini bilib olishingiz mumkin.

Homilaning 37-haftasi

Bu davrda uyqu masalasida muammoga duch kelish tabiiy hol.

Siz xojatxonaga kechasi bir necha marta borishingiz mumkin va chaqalog’ingizning harakatlari ham sizni hushyor bo’lishga undaydi. Shu boisdan, kunduzi iloji boricha uxlab dam olishingiz kerak.

Chaqaloqning o’lik tug’ilish xavfini kamaytirish uchun imkon qadar yonboshlab uxlash lozim. Bemalol har ikki taraflama uxlashingiz mumkin. Agar siz tunda chalqancha yotgan holda uyg’onib ketsangiz ham zarari yo’q. Yana uxlash uchun yonboshlab oling.

Bu davrda siz biroz ko’proq vaginal oqindi sezishingiz mumkin.

Kayfiyatingizdagi o’zgarishlar

Vaqti-vaqti bilan turmush o’rtog’ingiz yoki siz asabiylashishingiz, kayfiyatingiz keskin tushishini his qilishingiz mumkin. Buni tabiiy hol sifatida qabul qiling va ortiqcha vahimaga berilmang . Agar siz ikki haftadan ortiq ko’z yosh to’ksangiz, tushkunlikka tushsangiz, xavotirlansangiz yoki asabiylashsangiz, shifokoringizdan maslahat so’rang.

Ayollarda va erkaklarda tug’ruqdan oldingi depressiya kundalik hayot tarziga to’sqinlik qilishi, tushunmovchiliklar keltirib chiqarishi mumkin. Agar siz bu vaziyatda o’zingizni qanday tutishni bilmayotgan bo’lsangiz yoki chaqalog’ingiz tug’ilganidan so’ng yangi vaziyatga qanday qilib moslashish kerakligi haqida tushunchaga ega bo’lmasangiz , bu borada onangiz va boshqa tajribali onalar, shifokor yoki oila psixologi bilan maslahatlashganingiz ma’qul. Bunday suhbatlar siz uchun juda foydali bo’ladi.

Demak, siz onangiz, farzandlari bor dugonalaringiz, turmush o’rtog’ingiz yoki shifokoringiz bilan gaplashishingiz mumkin. Hammasi yaxshi ekanligiga ishoning va yuqori kayfiyatda bo’lishga harakat qiling. Bu tug’ilajak farzandingizning sog’lig’i uchun ham muhimdir.

37 haftalik homiladorlik paytida chaqalog’ingiz

Bu davrda chaqalog’ingiz yangi tug’ilgan chaqaloqqa juda o’xshaydi:

uzunligi taxminan 35 sm;
vazni 3 kg atrofida, tobora og’irlashib bormoqda;
odatda to’liq shakllangan o’pkaga ega;
qo’llari harakatlana oladi;
chaqaloqni hiqichoq tutishi mumkin (siz buni qorningizdagi kichik sakrashlar orqali his qilolasiz).

HOMILANING 38-HAFTASINI O’QISH

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi