36 haftalik homila

Uchinchi trimester

O'qish vaqti:2 daqiqa o'qildi

Bizning homiladorlik haftaligi bo’yicha qo’llanmamiz yordamida siz homiladorlikning 36-haftaligida nimalar kutilishini bilib olishingiz mumkin.

Homilaning 36-haftasi

Siz hayajonlanishingiz, chindan ham charchagan bo’lishingiz va hatto chaqaloqning tug’ilishini sabrsizlik bilan kutayotgan bo’lishingiz mumkin.

Agar chaqalog’ingizning boshi «tiqilgan» bo’lsa (tos bo’shlig’iga kirgan bo’lsa), tos bo’shlig’ida pastroq bosim sezasiz. Hatto bolaning boshi serviksingizga bosim o’tkazayotganini his qilishingiz mumkin, bu juda noqulay bo’lishi tabiiy. Hojatxonaga tez -tez borishingizga to’g’ri kelishi ham ehtimoldan yiroq emas.

Siz uchun yaxshi yangilik shuki, chaqalog’ingiz pastga qarab harakat qilganda, nafas olishingiz osonlashadi.

Ish tartibi

Iloji bo’lsa, hozir ishni to’xtatish uchun eng yaxshi vaqt hisoblanadi. Chaqaloq tug’ilishidan oldin o’zingizga vaqt ajratib, o’zingizni xotirjam va ruhan tayyor his qilishingiz lozim. Imkon qadar, dam olishga va sizga yoqadigan mashg’ulotlar bilan shug’ullanishga vaqt ajrating. Albatta, bu mashg’ulotlar siz va farzandingiz uchun xavfli yoki zararli bo’lmasligi shart.

Agar siz hozircha ishni to’xtata olmasangiz, iloji boricha, ish vaqtingizni qisqartiring yoki yengilroq vazifalarni bajaring. Ish beruvchingiz bilan gaplashing va har qanday xavotirni shifokor bilan muhokama qiling.

Erta tug’ilish

Siz muddatidan oldin to’lg’oq boshlanishi mumkinligidan xavotirda bo‘lishingiz mumkin, ammo hali vaqtli. Agar xavotiringizni yengolmasangiz, shifokoringiz bilan gaplashing yoki shifoxonaga qo’ng’iroq qiling.

Ehtimol, bundan keyin siz har kuni akusher-ginekolog yoki shifokor bilan uchrashishingizga to’g’ri kelar. Agar siz vaginal tug’ruqni rejalashtirayotgan bo’lsangiz , kesariya haqida ma’lumotga ega bo’lishingiz lozim. Bu sizga tug’ruq jarayonida nimalar yuz berishi haqida tushuncha hosil qiladi. Vaginal va kesariya tug’ilish haqida ko’proq o’qishingiz lozim.

Ota -ona bo’lish haqida o’ylash

«Ota-ona bo’lish menga qanday vazifalarni yuklaydi?» «Qanday qilib men yaxshi ota-ona bo’lishim mumkin?» Bu savollarga javob berishga harakat qilish siz uchun foydali bo’lishi shubhasizdir.

Ota -ona bo’lish sizga quvonch keltiradi, shu bilan birga, katta mas’uliyat yuklaydi. Siz allaqachon bolangiz bilan birga bajaradigan mashg’ulotlarlaringizni orziqib kutayotgan bo’lishingiz mumkin, yoki siz o’z farzandingiz bilan o’yin o’ynash, har xil oilaviy marosimlarni o’tkazish, sayrga chiqish, ovqatlanish va hokazolarni o’ylayotgandirsiz. Bularning barchasi shirin o’y-xayollar va ular hozirdanoq sizga ota yoki ona bo’lish baxtini tuhfa qilmoqda.