18 haftalik homila

Ikkinchi trimester

O'qish vaqti:2 daqiqa o'qildi

Bizning homiladorlik haftaligi bo’yicha qo’llanmamiz yordamida siz homiladorlikning 18-haftaligida nimalar kutilishini bilib olishingiz mumkin.

Homilaning 18–haftasi

Siz hozir chaqaloqning harakatlarini his qilyapsiz – qorningizda kapalaklar o’ynayotganga o’xshaydi. Bu holat bir necha hafta bo’lishi mumkin, shuning uchun xavotir olmang.

18-20 haftalikda ultratovush tekshiruvi
Homiladorlikning 18-20 haftaligida siz ultratovush tekshiruvidan o’tib, chaqalog’ingiz normal o’sayotganini va yo’ldoshning holatini tekshirishingiz mumkin.

Ushbu batafsil ultratovush tekshiruvi homiladorlikning muntazam tekshiruvlaridan biridir. Shu orqali chaqalog’ingizning tana qismlari tekshiriladi va odatda umurtqa bifi, yurak va oyoq-qo’llarda mavjud nuqsonlar aniqlanadi. Bu esa, rivojlanish va o’sishdagi muammolarni hal qilishga yordam berishi mumkin. Siz chaqalog’ingizning yuragi urayotganini, egilgan umurtqa pog’onasini, yuzini, qo’llarini silkitib, oyoqlari bilan tepayotganini ko’rishingiz va zavqqa to’lishingiz mumkin.

Agar siz chaqalog’ingizning jinsini bilmoqchi bo’lsangiz, hozir so’rashning ayni vaqti.

Homiladorlik paytidagi ruhiy jarayonlar
Homiladorlik — bu his-tuyg’ular o’zgarishi mumkin bo’lgan vaqt. Agar siz ruhiy tushkunlikka tushsangiz yoki o’zingizni ruhan charchagan his qilsangiz va hayotingiz avvalgiday zavqqa to’la bo’lmasa, bu haqida shifokoringizga ayting.

Ko’pgina shifoxonalarda sizga yordam va maslahat bera oladigan psixologlar ham bor.

Siz va sizning juftingiz
Siz:

odatdagidan ko’ra o’zingizni zaif va charchagan his qilasiz va qo’shimcha yordamga muhtoj bo’lasiz;
homiladorlik haqida juftingizga qaraganda ko’proq gapirishni xohlaysiz;
ilgarigidek tez -tez jinsiy aloqa qilishni xohlamaysiz.

Agar sizning juftingiz bo’lsa u bilan chaqalog’ingiz hayotingizga olib kirishi mumkin bo’lgan o’zgarishlar haqida gaplashish foydali.

Agar siz munosabatlaringizni kuchli deb hisoblasangiz ham, ochiq muloqot qilish, o’z rollaringizni yaxshi ijro etish va umidlaringizni bo’lishish uchun qo’shimcha kuch sarflash ayni damda eng to’g’ri yo’ldir. Bu ish tartibi to’g’risida qaror qabul qilishdan tortib, kechki ovqatni kim tayyorlash haqida gaplashishgacha bo’lishi mumkin.

Ikkinchi trimestr — bu er-xotin birga ko’proq vaqt o’tkazish va bola tug’ilgandan keyingi dastlabki oylarda qilish uchun vaqtingiz bo’lmaydigan mashg’ulotlarni bajarish uchun ajoyib vaqt. Uxlash, kino tomosha qilish, ovqatlanishga borish, yoki birga taom tayyorlash, do’stlar va oila a’zolarini ziyorat qilish – bular eng ajoyib g’oyalardir.

18 haftalik homiladorlik paytida chaqalog’ingiz

Hozir chaqalog’ingiz:

bo’yining uzunligi taxminan 14sm, vazni esa 200 g atrofida;
ichaklari mekonyum bilan to’ldirilmoqda – bu qattiq, qora yopishqoq modda, bu narsa chaqalog’ingizning birinchi axlatidan chiqadi;
chaqalog’ingiz, ehtimol, kunduzi siz faol bo’lganingizda dam oladi va kechasi uxlayotganingizda o’ynaydi.

HOMILANING 19-HAFTASINI O’QISH

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi