27 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning 27-haftaligida nimalar kutilishini bilib olishingiz mumkin.

Homilaning 27-haftasi

Siz biroz ko’proq semirishni boshlashingiz mumkin. Ammo esda tutingki, «ikki kishilik ovqat» kerak emas. Oziq-ovqat miqdori emas, sifati muhimroq.

Ayollar har xil tezlik va vaqtda vazn orttirganliklari sababli shifokor bilan homiladorlik paytida siz uchun normal vazn qancha bo’lishi kerakligi haqida maslahatlashing. Shifokoringiz homiladorlik paytida sizning vazningizni tekshirishib turadi.

Ko’k yo’talga qarshi emlash

Ko’k yo’tal chaqaloqlar uchun juda yuqumli va xavfli kasallikdir. Bolani ko’k yo’taldan himoya qilish uchun homiladorlikning 20-32 haftaligida ko’k yo’talga qarshi emlov olishingiz tavsiya etiladi. Akusher-ginekologdan emlov jarayonini siz uchun tashkil qilib berishini so’rang.

Emizish

Akusher-ginekolog sizga bola emizishni o’rganishni tavsiya qiladi. Agar siz chaqaloq tug’ilishidan oldin qanday qilib emizish haqida tushunchaga ega bo’lsangiz, bu farzandli bo’lganingizdan so’ng haqiqatan ham yordam berishi aniq. Saytimizdagi ona suti va emizish usullari haqidagi maqolalarimizni o’qib borishingizni maslahat beramiz.

27 haftalik homiladorlik paytida chaqalog’ingiz

Chaqalog’ingiz bilan quyidagi jarayonlar sodir bo’lmoqda:

• uzunligi taxminan 24 sm, vazni esa taxminan 920 gramm;
• ko’zlarini ochishi mumkin;
• miyasi shakllana boshlayapti;
• kelgusi oyda chaqalog’ingiz og’ir vaznga ega bo’ladi.

HOMILANING 28-HAFTASINI O’QISH

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi