Bolani epidemiyada viruslardan saqlash

Epidemiya davrida yoki uyda kimdir kasal bo’lganda bolani tabiiy ravishda kasallikdan himoya qilish yo’llari:

1. Bolani kasal oila a’zosi bilan iloji boricha kamroq aloqada bo’lishini ta’minlash. Agar ona kasal bo’lib qolgan bo’lsa, u holda, bola bilan muloqot mobaynida yuziga maska taqish kerak.
2. Bola uyda bo’lmaganida uyni shamollatib, nam lattada changlarni artib turish kerak.
3. Bolaning xonasiga va karavoti yoniga sarimsoq piyozi to’g’ralgan idishni qo’yib, sarimsoq piyozni qayta-qayta yangilanib turish lozim.
4. Har kuni bolaga na’matak damlamasi, klyukva sharbatidan ichirib tursa, bola organizmi viruslarga bardoshliroq bo’ladi.
5. Bolaning terlamasligi muhim ahamiyatga ega.
6. Ikki yoshdan oshgan bolaga ertalab och qoringa sedana yog’ini (toza va sovuq siqish orqali olingan yog’ bo’lishi kerak)1 choy qoshiq ichirish bolaning immunitetiga ijobiy ta’sir ko’rsatadi;
7. Uyda bemor bo’lsa, u ishlatayotgan idish va qoshiqlarni alohida joyda saqlash va bolaning ulardan foydalanishiga yo’l qo’ymaslik.
8. Bola ko’chadan kelganida, albatta, qo’llarini sovunlab kamida 2-3 daqiqa davomida ishqalab yuvdirish.

Bolaga qo’lini to’g’ri yuvishni o’rgatib ota-ona, avallambor, uni ko’plab kasalliklardan, xususan, gripp va shamollashdan saqlaydi. Statistik maʼlumotlarga qaraganda, aynan qo’lning toza bo’lishi kasalliklarning 10 barobar kamroq yuzaga kelishini ta’minlar ekan.

Qo’lni juda ko’p yuvish ham, umuman, yuvmay yurish ham yaxshi emas. Tez-tez yuvilgan qo’llarda mikroblarga qarshi immunitet hosil bo’lishi qiyin bo’ladi. Natijada bola organizmi oddiy mikroblarga bardoshsiz bo’lib qoladi. Shuning uchun qo’lni:

• ko’chadan kelganda;

• ovqatlanishdan oldin;

• kir bo’lganida yuvish kerak.

Bola kichikligidanoq qo’l yuvish jarayonini bilib olishi lozim. Ota-onaning bolaga qo’l yuvishda namuna bo’lishi bolada qo’l yuvish jarayoniga hurmat bilan qarashga turtki bo’ladi.

Quyida qo’l yuvish qadamlari ko’rsatilgan bo’lib, ularni har safar bajarish kerak.

Qo’lni yaxshilab yuvib bo’lgach, chayish va quritish ham muhim.

Manba 

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi