Ota-onalar va farzandlarning bir-birlariga ijobiy munosabatlarining shakllanib borishi va uni qanday yoʻlga qoʻyish mumkin?

Asosiy jihatlar:

Ijobiy koʻrinishdagi oʻzaro munosabatlar bolaning rivojlanishida muhim ahamiyatga ega hisoblanadi.
Bu rishta oʻzaro ishonchga asoslangan.
Sizning bolaga nisbatan munosabatingiz bola oʻsgani sari oʻzgarib borishi mumkin.

Nega ota-onalarning farzandlariga nisbatan munosabatlari ijobiy boʻlishi kerak?

Bola yaqinlari bilan boʻlgan munosabatdan ruhlanib voyaga yetadi. Shu orqali bolaning dunyoga nisbatan munosabati shakllanib boradi.

Farzandingiz bilan har bir daqiqangizni mazmunli oʻtkazishga harakat qiling.
Bolaga ishonishingizni va har doim uning yonida boʻlishingizni eslatib turing.

Ota-onalar va farzandlarning oʻzaro ijobiy munosabatlarni yoʻlga qoʻyishda maxsus ishlab chiqilgan dastur mavjud emas. Ammo farzandingiz va sizning munosabatlaringiz mehr-muhabbatga, eʼtiborga asoslangan boʻlsa, bola oʻsgan sari oʻziga nisbatan ishonch va qatʼiyat bundan tashqari oʻzini xavfsiz his etishi uchun poydevor yaratib boradi.

Muhim jihat: qanday qilib ota-ona va farzand munosabatlarini yoʻlga qoʻyish mumkin?

Farzandingiz nima bilan mashgʻul ekanligidan har doim xabardor boʻlib turing.

Quyidagilarni diqqat bilan oʻqing:

Farzandingizni oʻzi xohlagan ish bilan mashgʻul boʻlishiga rozi boʻling. Har doim ham koʻrsatma berish kerak emas. Bolaning shaxsan oʻzi sinab koʻrishi lozim.
Bolaning har bir ishiga ragʻbatlantirish berib boring. Maqtovli soʻzlarni qanchalik koʻp ishlatishingiz, uning kelajakda tanlamoqchi boʻlgan sohasida oʻziga ishonchi mustahkam shaxs boʻlishiga yordam beradi.
Bolaning har bir so’zlariga diqqatli boʻling. Kun boʻyi unda qandaydir yaxshi hodisalar roʻy bergani haqida toʻlib-toshib aytib berishni xohlashi mumkin.
Bolaning yoshlikdan qanday xarakterda voyaga yetishi nafaqat siz, balki atrofdagi boshqa yaqinlariga ham bogʻliq. Baʼzan bola oʻz hissiyotlarini soʻz bilan ifodalab berishda qiyinchilik sezishi mumkin. Bunday vaziyatda, oʻzingizni ham, bolani ham havotirga qoʻymang, ya’ni shunchaki, bolani quchoqlab uni ovuting va sekinlik bilan tinchlangan holda, vazmin suhbatlashing.

Bolaga har doim imkon bering. Zinhor bitta harakatini ham eʼtiborsiz qoldirmang.

Bola nima demoqchiligini kuzatib boring, javob berishda ehtiyotkorlik talab etiladi.
Bolaning fikr-mulohazalarini qoʻllab quvvatlang. Masalan, farzandingiz oilasi uchun kechki taom qilib bermoqchiligi haqida ogʻiz ochsa, uni ragʻbatlantiring.
Farzandingiz oʻz fikrini ifodalab berishini xohlasangiz, uni suhbatga chorlang.

Bolaning soʻzlarinix, jilmayishini qaytarish hamda koʻz uzmay yonida boʻlishingiz unga nisbatan eʼtiborli boʻlayotganingiz belgisidir. Ushbu holatni imkon qadar so’ndirmang toki farzandingiz oʻzini mustaqil shaxs his qilgunga qadar.

Mazmunli vaqt oʻtkazishning oʻzaro munosabatlardagi oʻrni qanday?

Ijobiy munosabatlarning negizida siz va farzandingiz birgalikda vaqtni oʻtkazish turadi. Bunda bir-biringiz ichki dunyoyingiz, xohish-istaklaringiz, qiziqishlaringiz haqida suhbatlar misol boʻla oladi. Shu orqali munosabatlaringiz yanada yaxshilanib mustahkamlanib boradi.

Qulay fursat boʻlishi bilanoq, vaqtni mazmunli oʻtkazishga harakat qiling. Masalan kunning istalgan vaqtida, bolani choʻmiltirayotganingizda, yoki mashinangizda biron joyga yoʻl olganingizda u bilan suhbat qurib fikrini bilib borishingiz mumkin.

Bola ilk hayotiy koʻnikmalarni nafaqat sizdan balki atrofidagi boshqa gʻamxoʻrlik koʻrsatayotgan insonlardan oʻrganadi hamda shu orqali unda borliqqa nisbatan tushuncha paydo boʻla boshlaydi. Masalan,bolaning dastlabki 3 yilligida u bilan to’g’ri muloqotda boʻlishingiz tilni yaxshi darajada oʻrganishiga zamin yaratadi.

Ishonch va hurmatni qanday mustahkamlab borish mumkin?

Ishonch va hurmat qilish ota-ona va bola oʻrtasidagi asosiy jihatlardan hisoblanadi. Bolaning tugʻilganidan boshlab dastlabki bir necha yil ishonchni mustahkamlash juda muhim. Ota-onaga ishongan bola oʻzini xavfsiz his qiladi hamda bu kelajakda oʻziga boʻlgan ishonchiga ham asos boʻlib xizmat qiladi.

Oʻzaro munosabatlarda ishonch va hurmatni mustahkamlab borish quyidagicha kechishi mumkin:

Farzandingizga gʻamxoʻrlik, mehr kerak boʻlganda, har doim yonida boʻling.
Farzandingizga va’da bergan boʻlsangiz, albatta, amalda qoʻllang. Masalan, maktab mashgʻulotlariga borishingizni aytgan boʻlsangiz, albatta, boʻsh vaqt ajratib borishingiz kerak.
Farzandingiz qiziqishlarini birinchi oʻringa qoʻying: futbolga qiziqsa, eng yaxshi futbolchilarni unga oʻrnak qilib koʻrsating. Bolaning intilishlarini hurmat qiling.
Farzandingiz oʻsib, rivojlanib, uning ehtiyojlari va qiziqishlari oʻzgargan sari munosabatlarning rivojlanishiga imkon yarating. Misol tariqasida aytishimiz mumkinki, farzandingiz endilikda do’stlari bilan bog’da oʻynayotgan vaqti u bilan bo’lishingizni xohlamasligi mumkin, garchi avvallari u yerda siz bilan vaqt oʻtkazishni yoqtirgan boʻlsa-da
Qat’iy shu bilan birgalikda, adolatli oilaviy qonun-qoidalar roʻyxatini ishlab chiqing. Bu roʻyxatda har bir oila vakilining bir-biriga qanday gʻamxoʻrlik koʻrsatishi va qanday munosabatda boʻlishi haqida eslatib oʻtilsin.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi