Bolangizni duduqlanib gapirayotganini sezsangiz…

Duduqlanish-bu nutq apparati muskullarning tortishish natijasida nutqning sur’at-ohangining buzilishidir. Bola ogzaki nutq jarayonida bir harfni yoki bo’g’inni bir necha bor takrorlaydi yoki nutqini boshlab olishga qiynaladi.
Duduqlanish kelib chiqishiga ko’ra 2 xil bo’ladi.

1.Nevrostik duduqlanish(logonevroz)
Bolaning kuchli ruhiy kechinmalari, depressiya, qorquv, vahima va o’ta shodlanish holati, apatiya noto’g’ri tarbiya haddan tashqari qattiqqo’llik yoki erkalatish, oiladagi ikki tillilik, bolaga haddan tashqari kuchli nutqiy bosim o’tkazish, duduqlanuvchiga taqlid, gadjetlardan muntazam foydalanish, qo’rqinchi filmlar tomosha qilish, yaqin insonini yo’qotishi, chapaqaylikdan o’ng qo’lga o’rgatish

2. Nevrozsimon duduqlanish
Bosh miyaning organik jarohatlanishi natijasida yuzaga kelib, bunda boshning qattiq lat yeyishi, og’ir kasallanish, bosh miyadagi infeksialar, o’simtalar, dizartirya, tayanch harakat a’zolari kasalliklari(ДЦП) natijasida yuzaga keladi.
Korreksa qilish yo’llari quyidagicha:
Eng avvallo, bolaga tinchlik ya’ni bir hafta sukunat, ya’ni nutqga dam beriladi, zo’riqtiruvchi savollar berilmaydi.

Tibbiy va pedagogik usullardan mujassam holda foydalanish .
Nafas mashqlari qorindan to’g’ri nafas olishga, nutqiy nafasni yo’lga qo’yishga o’rgatiladi
Relax mashqlar, meditatsia
Sekin va tinch gapirish
Suhbat davomida o’zini tinch turgan holida o’tirishi yoki turishi
Nafasni tejamkorlik bilan chiqarishi
Unli tovushlarni aniq va shiddat bilan talaffuz qilish
Nafasni undosh tovushga emas unli tovushga yo’naltirish
Doimo tushunarli va tiniq gapirishga harakat qilish. Shu usullardan duduqlanish sezilishi bilan foydalanilsa samarali natijalarga erishiladi.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi