G‘AZAB QILMA

Bir shaharda tez g’azab qiladigan, salga asabiylashadigan Mojid ismli bola bor edi. U asabini qoʻlga ololmas, doim ukasi  va oʻrtoqlari bilan boʻlar-boʻlmasga urushib qolardi. Shuning uchun uni hamma tashlab ketardi.

Ish shu darajaga yetib bordiki, o’yinni ham yolg’iz oʻynadigan boʻldi. Chunki oʻrtoqlari asabiyligi tufayli u bilan o’ynashni yoqtirmas edilar.

Bir kuni Mojid uyiga juda xafa holda keldi. Onasi nima uchun bu holatda ekanini soʻradi. Mojid javob berdi:
– Meni barcha oʻrtoqlarim va do’stlarim
tashlab ketishdi, bir oʻzim oʻynadim.
– Oʻgʻlim, Chunki sen tez g’azab qilasan.
– Mening tabiatim (harakterim) shunaqa, uni oʻzgartira olmayman.
– Yoʻq, oʻzgartira olasan. Agar sen menga qaytib har narsaga asabiylashmaslikka, g’azabingni
bosishga soʻz bersang, buni eplay olasan.
Moid o’tirib onasining qanini ovladi va oʻziga oʻzi endi ortiqcha asabiylashmaslikka soʻz berdi.
Ertasi kuni Mojid oʻrnidan turganda ukasi ruchkasini sindirib qo’yibdi. Uni urmoqchi boʻldi. Keyin oʻzini bosib, atayin qilmagan bo’lsa kerak, deb o’yladi.
Kiyimlarini kiyib avtobus kutib turdi. U kechikdi. Endi asabiylashishni boshlagan edi, onasiga bergan va’dasi esiga tushdi. Avtobusga chiqsa, odam koʻp, tirband ekan. Yana g’azabi qaynadi. Lekin hamma odam ham men kabi, dedi va oʻzini bosdi.
Maktabga borib oʻrtoqlariga salom berdi, yuzlariga tabassum qildi va ulardan kechirim so’radi. Darsdan so’ng ular bilan birga oʻynadi. Uyiga ketishda ham oʻrtoqlari bilan chiroyli soʻzlarni aytib xayrlashdi.
O’sha kuni Mojid uyiga rosa xursand holda qaytdi. Onasiga: “Men g’azab va asabiylashishdan xalos boʻldim va bugun oʻrtoqlarim bilan birga oʻynadim. Onajon, endi bugundan boshlab og’ir-bosiq boʻlishga, asabiylashmaslikka sizga va’da beraman», dedi.
Saboq: inson g’azabini yutsa, barcha ishi oson bitadi. Aksincha, gʻazab otiga minib, asabiy boʻlsa, oʻzini ham, boshqalarni ham charchatadi. Nohaqlikni koʻrganda g’azab qilish kerak, lekin boʻlar boʻlmasga g’azab qilish yaxshi emas.

«365 kunga 365 ibratli hikoya» kitobidan

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi