15 haftalik homila

Bizning homiladorlik haftaligi bo’yicha qo’llanmamiz yordamida siz homiladorlikning 15-haftaligida nimalar kutilishini bilib olishingiz mumkin.

Homilaning 15-haftasi

Hozirda sizning tanangizda odatdagidan taxminan 20% ko’proq qon aylanmoqda. Sizning yuragingiz kuchliroq ishlaydi. Bu sizga homiladorlikning «porlashi va bir qator aks ta’sirlarni berishi mumkin, jumladan:

yuqori yoki past qon bosimi;
burun va milkdan qon ketishi;
yengil bosh og’rig’i.

Sochingiz ham qalinlashishi, tirnoqlaringiz tezroq o’sishi mumkin.

Agar sizga tibbiy sabablarga ko’ra amniyosentez kerak bo’lsa, uni 15-haftadan boshlab olishingiz mumkin.

Agar siz qattiq bosh og’rig’ini boshdan kechirayotgan bo’lsangiz yoki boshingiz og’rishi o’tib ketmasa, akusher-ginekologga murojaat qiling.

Oilaviy munosabatlar

Balki siz hozirda o’z ota-onangiz, ularning yoshligingizda siz bilan o‘ynagan paytlari haqida o’ylayotgandirsiz? Siz ham yaqinda ona bo’lasiz. Agarda oilangiz sizdan uzoqroqda yashasa yoki siz uchun muhim bo’lgan biror kishi hayot bo’lmasa, ko’pincha bu davrda ularning yo’qligini his qilishingiz mumkin.

Homiladorlik oilani yaqinlashtirishi mumkin. Ko’pchilik ayollar onasi yoki oilasi bilan ko’proq vaqt o’tkazishni yoqtiradi. Odatda, ular yaqinda ona bo’lishidan qanchalik baxti ekanligi, tug’ilajak chaqaloqni intizorlik bilan kutishdan olayotgan zavqini yaqinlariga bildirgisi keladi.

Ba’zi ayollarning homiladorlik davrida turmushi buzilgan bo’lishi mumkin. Bunday vaziyatda o’tmishdagi qiyin tajribalar kuchli yoki og’riqli fikrlar va reaksiyalarni keltirib chiqarishi mumkin.

Tug’ruqdan avvalgi ko’riklar sog’lig’ingiz va turmush tarzingiz haqida hissiy jihatdan suhbatlashish uchun imkoniyatdir. Agar siz ota-ona bo’lishdan xavotirda bo’lsangiz yoki oilaviy munosabatlaringizda muammolar bo’lsa, shu jumladan oilada kimdir tomonidan sizga zug’um o’tkazilsa, bu haqida shifokor yoki psixolog bilan gaplashing. Aslida, bunday xizmatlarning aksariyati homiladorlik paytida shifokor tomonidan ko’rsatiladi. Agar mana shunday masalalarda yordam kerak bo’lsa, albatta ko’mak so’rang, Sizning ruhiy holatingiz bolaga ham ta’sir etishini unutmang.

15 haftalik homiladorlik paytida chaqalog’ingiz:

kichkintoyingiz tez vazn oladi;
uning o’lchami 9,5 sm, og’irligi esa taxminan 80 gramm.
endi chaqalog’ingizning tanasi boshiga nisbatan tezroq o’sadi.
bosh barmog’ini so’rishi mumkin.
chiroyli soch qoplamasi – lanugo deb ataladi- chaqalog’ingizning tanasini qoplay boshlaydi.

HOMILANING 16-HAFTASINI O’QISH

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi