Yaxshi ishning mukofoti

Salibchilar Quddus shahriga bostirib kelib, hamma joyni egallab, odamlarning uyidagi bor narsalarni tortib olib qo’ygan edi.
Yoshi katta bir ayol Ahmad ismli yolg’iz oʻgʻli bilan yashardi.

Bir kuni oʻgʻliga tayinladi:

-Bolam, dushman yurtimizni egallab oldi. Otangdan qolgan mana shu sigirdan boshqa hech narsamiz yoʻqligini bilasan. Uni salibchilar koʻrib qolmasin. Boʻlmasa, olib qoʻyishadi. Uning sutini ichib kun kechirishimizni bilasan, uni ehtiyot qil.

Ahmad aytdi: “Xoʻp boʻladi, onajon! Uni ehtiyot qilaman. Hozir dalaga olib borib boqib kelaman”.
Ahmad sigirni boqish uchun dalaga yoʻl oldi. Daraxt soyasida oʻtirganda toʻsatdan salibchilar qoʻshinining ba’zi
odamlarga hujum qilayotganini koʻrdi. Darhol sigirni olib yashirindi. Ular koʻzdan g’oyib boʻlguncha berkinib turdi. Uyiga qaytayotganda oʻzi tomondagi bir askar boshqa bir yarador askarni ko’tarib kelayotganini koʻrdi. Askar unga:
– Ukajon, bizga bir kosa suv bergin, – dedi.
Ahmad suv qidirib topa olmadi. Nima qilishni o’yladi. So’ng suv oʻrniga sigirni sog’ib berishga qaror qildi va idishni toʻldirib askarga uzatdi. Jarohatlangan askar uni ichdi va qolganini sherigiga berdi. So’ng Ahmadga rahmat aytishdi.
Uyiga kelib onasiga boʻlgan ishlarni aytib berdi. Ona esa oʻsha kuni hech narsa yemay, ichmay uxlashini his qildi. Bir necha oydan soʻng urush tugadi. Va nihoyat dushmanni quvib chiqarishdi.

Bir kuni Ahmad uyi oldida turgan edi. Ikki kishining 30 ta sigirni haydab kelayotganini koʻrdi. Ular Ahmadning uyi
tomon kelar edilar.
Ulardan biri Ahmadga: “Baraka top, sen bizning qo’mondonni qutqarib qolgan eding. Bugun mana bu sigirlar sen sut berib hayotini saqlab qolgan qo’mondondan sovg’a», dedi.  Ahmad juda sevinib ketdi va onasiga xushxabarni yetkazdi.
Shunda onasi: «Oʻgʻlim, kim bir narsani Xudo uchun tark qilsa, oʻrniga undan yaxshisini beradi”, dedi. .
Saboq: yuqoridagi bir nechta hikoyada ham birovga oʻzi muhtoj boʻlib turgan narsani ilinish haqida soʻz yuritildi. Doimo yodda tutish lozim boʻlgan soʻz shuki, yaxshilikning mukofoti faqat yaxshilikdir.

«365 kunga 365 ibratli hikoya» kitobidan

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi