Oʻzaro munosabatlarning bola rivojlanishidagi taʻsiri va oʻrni

Asosiy jihatlar:

• Mehr muhabbat, eʼtibor bolaning rivojlanishida muhim oʻrin tutadi.
• Toʻgʻri yoʻlga qoʻyilgan munosabatlar bolaning oʻylash, tushuna olish, fikr yuritish va soʻz bilan ifodalash, boshqalar bilan munosabat oʻrnatishida  yordam beradi.
• Bola bilan oʻyinli mashgʻulotlar tashkillashtirish munosabatlaringizni mustahkamlaydi va bolaning yanada koʻproq borliqni tadbiq etish, tajribalarda sinab koʻrish va muammo vujudga kelsa, oʻzi mustaqil hal qilishiga yoshlikdan tayyorlay oladi.

Nega oʻzaro yaxshi munosabat bolaning rivojlanishi uchun muhim?

Bolaga koʻrsatilayotgan munosabat dunyoga nisbatan eʼtiborini belgilab beradi. Atrofdagi barcha insonlar unga qandaydir taʼsir koʻrsatmay qolmaydi. Shuning uchun bu borada ota-onaning oʻrni muhim va ahamiyatli hisoblanadi.

Bola tugʻilgandan boshlab dastlabki saboqni oilasida, ota-onasi bagʻrida oladi: bolaning yigʻlashiga, kulishiga, savol berishiga har qanday vaziyatda diqqatli boʻlish lozim. Sizning har bir koʻrsatgan iltifotingiz mahsulida fikrlashi, boshqalar bilan munosabat oʻrnatishi, hissiyotlarini soʻz bilan ifodalay olishni ilk bor hayotda tajriba qilib koʻradi.

Masalan, agar farzandingiz yigʻlab nimadandir umidvor boʻlsa, sizning iliq muomilangiz natijasida oʻz hissiyotlarini soʻzlarga koʻchirib bera oladi. Agar shunday vaziyatda qoʻpollik bilan yondashadigan boʻlsangiz, farzandingiz keyinchalik qoʻrqoq hamda oʻziga ishonchi mustahkam boʻlmagan shaxs boʻlib voyaga yetishi mumkin.

Yaqin va iliq munosabatlar sababli bola oʻzini xavfsiz his etadi va  xavfsiz muhitda voyaga yetgan bola maqsad qoʻyish va unga albatta yetishishga ishtiyoqmand boʻladi.

Sizning atrofdagi boshqalar bilan munosabatingiz

Bolaning jismonan va maʼnan sogʻlom rivojlanishida faqatgina ota-onaning unga koʻrsatayotgan munosabati taʼsir koʻrsatmaydi. Atrofdagi bolalar bilan muloqot qilayotgan har qanday yaqin qarindoshlari, doʻstlari yoki begonalar ham yetarlicha taʼsir koʻrsata oladi.

Sizning atrofdagilar bilan munosabatingizda imkon qadar salbiylik yoʻq ekanligiga amin boʻling. Masalan, turmush oʻrtogʻingiz bilan tortishuvli mavzu vujudga keldi, bir-biringizni tushunmayapsiz. Xoʻsh bunday holatda nima qilgan boʻlardingiz? Albatta, xonadan chiqib, muammoni murosali  hal qilib olinglar, yoki, shunchaki kulib hal qilishning iloji mavjudligini esga oling.

Farzandingiz qarshisida bir-biriga mehribon va eʼtiborli ota-ona boʻla olsangiz, uning ham kun kelib munosabati sizga va atrofdagilarga  xuddi shunday boʻladi.

Oʻyinli mashgʻulotlar nega bola rivojlanishi va oʻzaro munosabatlarda muhim hisoblanadi?

Farzandingiz tugʻilganidan boshlab dastlabki yillarida egallaydigan bilimlarini deyarli hammasini koʻrish va eshitish orqali qabul qiladi. Shuning uchun, oʻyinli mashgʻulotlarni koʻpaytirish lozim.

Farzandingiz bilan tashkillashtiradigan oʻyiningiz qiziqarli va rang barang boʻlsin. Bola miyasi yangi narsalarga intiladi. Shu sababli, mutaxassislar bolaga yangi bilimlar berishda oʻyinlardan foydalanishni tavsiya qilishadi.

Oʻzaro munosabatlarning hayotdagi oʻrni

Yuqorida eslatib oʻtganimizdek, ota-onalarning iliq va samimiy munosabatlari bolaning rivojlanishiga katta taʼsir koʻrsatadi. Farzandingiz balogʻat yoshiga yetgach, hattoki, oʻzini oʻzi tinchlantirib, yashashga oʻzida yanada iroda topa olishida asos boʻlib xizmat qiladi. Shuningdek, ota-onaning munosabati yuzaga kelishi mumkin boʻlgan baʼzi turdagi ruhiy kasalliklarni oldini olish mumkin. Shirinsoʻzlik va iliq munosabatlarning oʻzi qanchalik bolaning ruhiyatiga taʼsiri borligidan xabardor boʻlgach, farzandingiz ichki dunyosiga yanada eʼtiborli boʻlib borasiz.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi