Irmoq

Irmoq o‘rmon ichidan oqib borarkan, qanday shiddatli, tez, qanday tiniqman-a, deb g‘ururlanardi.

Boshqa hech bir irmoq bilan qo‘shilishni istamas, o‘zini eng kuchli hisoblar va o‘rmonni yolg‘iz o‘zi kesib o‘ta olishiga ishonardi. To‘satdan yo‘lida dalaga duch keldi-yu, uni yengib o‘tishga kuchi yetmay, tuproqqa singib ketdi.

Irmoq yerosti suv yo‘liga tushib, loyqalandi, balchiqlarga aralashib oqdi. Nihoyat daryoga yetib bordi va unga nolishni boshladi: “Agar anavi dala yo‘limga to‘g‘anoq bo‘lmaganida, men o‘zim allaqachon ulkan daryoga aylangan bo‘lardim!”

Bu gapni eshitgan daryo og‘ir chayqaldi va dedi: “Eh, nodon irmoqcha-ya! Sening yerga shimilib, bunday loyqa holga kelishingda dalaning nima aybi bor? Bilib qo‘y, birovlarni mensimaydigan, boshqalarga ayb yuklaydigan irmoq hech qachon daryoga aylana olmaydi!”

Manba

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi