Yomonlik bo‘lib ko‘ringan narsa yaxshi bo‘lishi mumkin

Bir dengizning qirg’og’ida uchta aka-ukaning kichik kemasi bo’lib,  yo’lovchilarni tashib tirikchilik qilishardi.

Bir kuni yo’lovchilarni kemaga chiqarib, endi ketmoqchi bo’lishganda bir qirg’oqqa kelib o’tirdi. Qo’lida jomadoni bor, lekin kemaga chiqmas edi.

Aka-ukalarning biri cholga yaqin borib, unga: «Nima uchun biz bilan birga kemaga chiqmayapsiz, otaxon? Biz hozir jo’nab ketamiz», dedi.

Chol javob berdi: «Hozir pulim yo’q, bolam. Men doim otangiz bilan borardim va kema pulini qaytganimdan keyin berardim».

Og’a-inilar rozi bo’lishdi va otaxonni kemaga chiqarishdi. U rosa xursand bo’lib kemaga joylashdi. Kema dengizda harakat qila boshladi. Chol burchakka o’tirib, jomadonidan yog’och bo’laklarini olib quti yasardi.

To’satdan bolg’asi qo’lidan tushib ketdi va kemani teshib qo’ydi. Teshikdan kemaga suv sizib kira boshladi. Chol uni to’xtatishga harakat qildi, lekin eplay olmadi.

Kemadagilar uni koʻrib: “Yordam, yordam beringlar”, deb baqirdilar.

Hamma teshikni berkitishga urindi, lekin suv sizib kirishi to’xtamasdi. Yo’lovchilar cholga: “Hammasiga siz sababchisiz, endi barchamiz halok boʻlamiz”, deyishdi. Shu vaqt yonlaridan bir kema oʻtib qoldi va ulardan yordam soʻradilar. U kema qaroqchilarning kemasi ekan. Kema teshilganini koʻrib yordam bermay qaytib ketishdi. Kemadagilar oʻgʻri va qaroqchilardan qutulganlariga, kemaning teshilgani bejiz boʻlmaganini anglab yetishdi.

Chol aytdi: “Biz tezda suvni kemadan chiqarib tashlashimiz kerak”. Hamma suvni chiqara boshladi. boshladi. Shu onda osmonda tumshugʻida katta matoni ko’tarib bir qush keldi. Uning atrofidagi qushlar unga hujum qilmoqchi edi. U ogʻzini ochgan edi, mato kemaga tushdi.Uni olib teshikka tiqishdi va cho’kishdan omon qoldilar.

Chol: “Endi omon qolganimiz uchun hamma ko’nglidan chiqarib pulini sadaqa uchun oʻrtaga tashlasin”, dedi. Hamma bir dirhamdan berdi va 10 dirham pul yig’ildi. Qirg’oqqa kelishganda chol bir ayolning yig’lab o’tirganini ko’rdi va so’radi: «Nimauchun ko’z yosh to’kyapsan?»

Ayol aytdi: «Meni to’qib o’tirgan bir bo’lak matoyim bor edi. Quduqdan suv ichaman deb borganimda uni bir qush olib ketib qoldi».

Chol yana so’radi: «Uning bahosi qancha edi?»

«Bir dirham, uni sotib, o’zim va bolalarim bir hafta kun o’tkazar edik», dedi ayol.

Chol kemaga qaytib borib, bolgan ishni kemadagilarga xabar qildi. Ulardan biri: «U bizning cho’kmay qolishimizga sabab bolgan matodir», dedi.

Yana biri aytdi: «U holda o’zimiz sadaqa uchun ajratgan pullarni u ayolga beramiz». Kemadagilar dirhamni berishdi. U ayol ham mato bejizga olib ketilmagani, 1 dirham o’rniga 10 dirham pul olgani uchun xursand  bo‘lib shukronalar aytdi.

Saboq: savob ishni har kim, har kuni qilishi kerak. Birgalikda harakat qilish najotga sabab boʻladi. Kemadagilar ham tortishib, birga harakat qilmaganda, halok boʻlishlari mumkin edi. Shuni doim yodda tuting, siz uchun yomonlik boʻlib koʻringan narsa yaxshilik bo’lishi mumkin.

«365 kunga 365 ibratli hikoya» kitobidan

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi